**گێڵای بە شۆنەو ئاسەوارە ویەردینێ و دەستنوویس و بەڵگەنامە گمبیەکامارە جە موزەخانەکاو دنیای

جە سەفەرەو ئی گلیمەنە پەی یۆ جە موزەخانەکاو ئوروپای، ئاسەواری ویەردین تایبەت بە خواوەندی نەواتی "گیاو"یم ئێسوە کە یاگێ وەڵین و سەرەکیەش شارەو مینبەجی جە پارێزگاو حەڵەبی جە ڕۆژئاواو کوردستانینە بیەن.
نمونەو خواوەندە نەباتیەکاما لە هەورامانیچەنە هەنێ و ڕاوڕەسمەو کۆمسای ڕیشەگێرتەی چی خواوەندیە ساڵانە جە هەورامانەنە مەلۆ ڕاوە.
دماتەر ئەگەم تەمەن مەودام بەو زانیاری زیاتەر جە سەرەو ئی ئاسەواریە و خواوەندە نەواتیەکاو هەورامانی و بە گردین کوردستانی وڵاوە مەکروو.
🆔** https://t.me/edrispiri2021

**کۆتا سەرەنجیە جە سەرەو پەوەندی مەراسمەو "کوردە بێ کوە"ی جە دەگاوکاو کاشانی، چەنی ڕیشەو ئووستوورەیی و ویەردەشناسی و قەومشناسی کوردی

مەراسمەو "کوردە بێ کوه" کە ئەمساڵ پڕ ڕەنگتەر جە ساڵانی جە دەگاکاو کاشانی جە پارێزگاو ئەسپەهانینە لوا ڕاوە، بە تایبەتی جە دوی بارێ ئوستوورە و ویەردەشناسیوە بایەخی تایبەتش هەن پەی ئێمە.

یۆوەم: پەیوەندی ڕیشەیی ئی مراسمیە چەنی خواوەندەکاو فیدابیەی و خواوەندەکاو ئاوێ و زاێ هەورامانی، پسەو نمونەی پیرشالیار و کۆسێ خواوەندێ و ئوستوورێ فیدابیەی و ئاوێ و زایشی جە هەورامان تەخت و هەرپاسە پیریۆسۆ و هەسارە خواوەنداو فیدابیەی و ئاوێ و زایشی جە تەختە.
خواوەندەکاو فیدابیەی کە ڕەگەزشا نێرەن بە فەرمانەو خواوەندەو زایشی و ئاوێ کە ڕەگەزشا مان زمسانەنە مەلا چیرەو زەمینی و دنیاو تاریکی تا چەنی ویشا وەهار و ژیوای و گەرمای باراوە سەرەو زەمینی...
چی مەراسمەو "کورده بێ کوه" یا "کورد عەلی بە کوە" کە دیارەن بە پاو زەمانی و جە کاریگەری ئایین و واڕیاو باوڕەو مەردیمینە، واڕیایش تا ئەندازەیە بە سەر ئامەن، پیایە مەلۆ یاڵەرە تا هێزمێ بارۆ پەی ئارگاکێشا بەڵام بۆنەیی وەربێ و کڕیوەی و سەردایوە گیرمەکرۆ و دە شەوێ و ڕوێ لێ غاریەنە مەمانوە، دماتەر ئەدا پیرەکێش هێزمیە بە ئاوروە فڕە مەو ڕووەو یاڵ و هەردەکە کە کوڕەکەش چەنەن تا سەردای چا یاڵە کەموە کەرۆ، پاسە کوڕەکە مەتاو لێ غارەکەینە بەربەی و زەمانیە مەیوە دەگا سەردای مەبڕۆ و چەنی وەیش وەهاری ماروە...
دیارەن چی مەراسمەنە هەرپسەو ئوستووەرەکاو فیدابیەی و ئاوێ جە ناوچەکاو هەورامانی، هەم ڕەگەزی نێر و هەم ڕەگەزی ما نەقشاشا هەن، چی مەراسمەنە ڕەگەز نێریە مەلو دنیاو تاریکی و لێ غار و ئەشکەوتی و بە یارمەتی ڕەگەزیە مای کە هێزمە ئاورینەکەی فڕە مەو ڕووەو یاڵەکە سەرمای مەبڕۆ و وەهاری ماروە.

دووەم: خاڵیەتەریە پڕ بایەخە چی مەراسمەنە هەر پسەو بە نامەکێشرە دیارەن نامێ کوردی مەوەرۆ، ئینە جیا چانەیە ئانەیە میاونۆ کە ئی مەراسمە جە کوردستانوە و ئوستوورە فیدابیەکاو هەورامانیوە یاوان ئاگە، هەرپاسەچ نیشانەیەتەرەو بیەی کوردی چا مەنتەقە و پارێزگایێن بە تایبەتی جە ویەردەنە.

پەی وەرچەم ڕۆشنی زیاتەرو باسەو خواوەندە فیدا بیەکاو هەورامانی،
جە کتێوەو "تەختە"ینە باسی وردتەرەو ئووستوورە فیدابیەکاو هەورامانی کەردەن.
هەمیچ پەی وەرچەم ڕۆشنی جە سەرەو ڕێژەو کوردی جە پارێزگاو ئیسفەهانینە، جە کتێوەو "کوردانی لوڕ و بەختیاری"نە جە بەشەو کوردانی پارێزگای ئیسفەهان، ئێشارەیە وردتەرم بە ڕێژەیە فرە جە هۆزێ و خێڵە کوردەکا و یاگەنامێ کوردیەکاو ئا پارێزگایمە کەردەن.

وێنەو تایبەتەو ئی نووسیسیایە و مەراسمەو ئەمساڵەو "کوردە بێ کوه"ی کە جە دەگاو "وردکان"ی سەر بە شارەو "کاشان"ی جە پارێزگاو "ئیسفەهان"ی لوا ڕاوە، جە واروە.**

*🆔*** https://t.me/edrispiri2021

**سۆرانی: پچڕانی بە بەرنامە کراوی بەڕق لە ئێران، نە مازوت نەسووتاندن و پاراستنی ژینگە و کەمی بودجە و ئابووری وێران، بەڵکەم سەرەکیترین هۆکاری بە پەی گۆڕانکاریەکانی جیهان و ناوچەکە، ئامادەکردنی بیری گشتی و کۆمەڵگایە بۆ سازکردنی بۆمبی ناوەکی لە ژێر ناوی وزەی ناوەکی.

هەورامی: بڕیاو بە بەرنامە کریاو بەڕقی جە ئێرانەنە، بە نامێ نەسووچناو مازوتی و پارێزناو ژیوگای، نە هۆکاری سەرەکیش کەمی بودجەی و وێرانی ئابووری، بەڵکەم سەرەکیتەرین هۆکارش بە وەرچەم گێرتەو قسێ وەرپرساو ئێرانی و واڕیایەکاو ناوچەکەی و جیهانی، ئامادەکەردەو زەینی گردین پەی دماتەری وەشکەردەو بۆمەو ئەتۆمی چیرەو نامێ ئینرژی ئەتۆمینە.

?** https://t.me/edrispiri2021