​​​​​​​Kitob o'qish odatining men uchun eng qadrli tomonlaridan biri bu - vaqt kelib, kitob orqali tanishgan mamlakat, shahar yoki ko'chalarni borib o'z ko'zim bilan ko'rish. Bora-bora ushbu joylar ma'lum bir yozuvchilar bilan bog'lana boshlaydi. Misol uchun, menga qolsa Lissabon bu Pessoa, Bonn bu Böll, Krakov bu Stayron, Praga bu Kafka, va Drezden bu albatta Kurt Vonnegut.

Odatda kamdan kam holatda o'qigan kitobimni qayta o'qiyman, va ushbu asarga allaqachon qisqa sharh yozgan edim.

Biroq, 2 yil o'tib kitob haqida fikrim o'zgaradimi yoki yo'qmi degan fikr bilan uni yana qolga oldim va bundan sira afsuslanmadim. Kurt o'zing gumanist (odam umrini har qanday maqsaddan ustun qoyuvchi va urushlarni qoralovchi) g'oyalarini yuksak satira orqali ifoda etadi. Asar o'quvchini vaqtlar aro sakrashlari, to bosh qahramonning o'zga sayyoraliklar bilan bog'liq, to Ikkinchi Jahon Urushi girdobidagi Drezdenda bo'lib o'tgan kechinmalari orqali mazax qilib turgandek tuyuladi. Qisqasi, kitob o'qilishi zarur va o'qib bo'lingach odamni Kurt izzidan Drezden shahrini bir borib ko'rishga undovchi asar.

Hammaga kitoblarda o'qigan joylarini o'z ko'zi bilan borib ko'rishni tilab...
@behruzreads

​​«Kislorod Og'risi Kundaligi»
(Diary of an Oxygen Thief)

"Yaralangan odamlar boshqalarni yaralaydi"

Chekhov's Gun, ya'ni Chexov quroli haqida eshitganmisiz?
Unga ko'ra, agar 1-aktda devorga qurol ilinib qo'yilgan bo'lsa, u qurol ohir oqibat otilishi shart. Oddiy qilib aytganda, bu atama asarda berilgan har bir element yoki tafsilotning asar rivojiga ta'sir qilishi shart ekanligini belgilaydi.

Boshidanoq yuqoridagi "XXI Asr Javdardagi Tutqichi" deya marketologlar tomonidan tamga'langan kitob qahramoni paranoyadan aziyat chekishini aytib o'tar ekan, voqealar davomida sizni bunga astoydil ishontirishga undaydi. Tog'risi, bu daraja bemani va sayyoz asarni ko'pdan beri o'qimagan edim.

Biroq, keling avval Selindjerning ko'plar Magnus Opusi deya baholaydigan Javdardagi Tutqichi haqida ikki og'iz gaplashib olaylik. Mening nazdimda bu asar o'zini boshqalardan, qo'pol qilib aytganda to'dadan farqli ekanligini his qilgan holda o'z egosini to'yintirishni yoqtiradiganlar uchun. Bu his va xohish qanchalik infantil tuyulmasin, bu davrdan ko'plab insonlar o'tishadi, ba'zilar esa hatto undan o'tolmay man-child (большой ребенок) bo'lib qolishni afzal ko'radi. Albatta ularning bunga to'liq haqqi bor va bu kitob bir marta o'qishga arziydi.

Endi esa yilning eng bo'lmag'ur kitobiga qaytsak. Uning bo'lmag'urligi shundaki unda nigilizm shaydolari uchun barcha masalliqlar bisyor: kinik bosh personaj, uning jamiyat postulatlarini bir tiyinga olmasligi, fatalizmni ulug'lab, odamlardan resurs sifatida foydalanishi va adabiyotdagi siyqasi chiqqan usul: uning hayotiga hammasini o'zgartirib yuboruvchi o'sha insonning kirib kelishi. Qisqasi, anchadan beri buncha istehzoli tirjayish-ila kitob o'qimagan edim).

Hayriyatki, rasmdagidek boshqa, yaxshi kitoblar ko'p. Kitob uchun rahmat.
@behruzreads