شبيت به نارٍ وعرضته للريح
‏لا يا بعد قلبي وجمره وريحه

‏قم ضمّني خل العيون الذوابيح
‏تذرف على صدري رذاذٍ يريحه

الجلال من الحطب في نارك المشعومه
‏من بداية قدحة الكبريت لين يجمّر

‏كن صدري منقله و عروق قلبي كومه
‏واستلمه اللي يخم من البكت و يعمّر

‏ضايقٍ صدره و كاثرةٍ عليه همومه
‏ولو يموت من الفقر ما تسمعه متذمّر

‏والله ان هذا خفوقي لا تقوم تلومه
‏يتظاهر بـ الحياه و داخله متدمّر .

أنا ماهمني لا صار سيلي عارفٍ مجراه
‏أبفرش ضحكتي بعيون كل اللي يمروني

‏أنا لاني طريقٍ محدٍ صابر على ممشاه
‏ولاني دربٍ اخضر كل من جوني تمشوني

‏وأنا ماني بـ بحرٍ كل من جاني شرب من ماه
‏أنا صفحه من التاريخ تذكرني ما تنساني

اليوم ضايق ياليت الضيق مايستمر
‏محتاج فرحه تنسيني عناي وشقاي
‏
لو ظاهري مبتسم في داخلي مندمر
‏مواصل من امس والتفكير رايح وجاي

‏كتمت ما فيه لو فيني سعاير جمر
‏من خوف لا ازعل احبابي وافرح اعداي
‏
مرارة الكتم نبلعها...لأن الأمر
‏اليا انكشف حزني للعالم وبين خفاي

أمسيت في محادثتك أراقب مراسيلك
وأعد مثل الطفل من واحد لعشره

واسمع قديم الرسايل يوم اناديلك
سوالف بيننا ماهيب منتشره

يالله دخيلك من طعون المناقيد 
‏ومن غلطة العاقل وقل المروّه

‏ومن كلمةٍ تفهم على غير ماريد 
‏يمسك طرفها منْك خبلٍ مفوّه .

ما الله كتبلي على اللي صار صبرٍ جميل
‏ولله كتبلك عذر واللي ما يكتب عسر

‏ما ودّي أرحل لكنك أجبرتني بالرحيل
‏سوالفك ما تسر و خاطرك ما يسر

‏ضايقتني يوم جيتك بالكلام القليل
‏وخسّرتني إياك لكنك بعد بتخسر

‏غديت ضيفٍ حشادٍ في ضيافة بخيل
‏كلامه يقول إسر و عيونه تقول إسر