Bu gün cümədir
Allah Elçisi ﷺ belə buyurur:

- Allah qatında ən fəzilətli gün, cümə günüdür.

Şeyx Albani səhihdir deyib.

[Silsilətu-s-Sahihəh 1502]

SEÇİM SƏNİNDİR! YENİ İL, YOXSA MÜSƏLMAN BAYRAMI...

Hələ günəş çıxmamış, Corc yuxudan oyanıb ayağa qalxdı. Səs salmadan əvvəl xanımını (Teranı) oyatdı. Tera heç təəccüblənmədi. Çünki Corc axşamdan ona hazırlıqlar etməsini tapşırmışdı. Tera durub Corcun və uşaqlarının paltarını ütülədi. Onların iki oğlu var idi, Maykl və Andrey. Maykl Andreydən 2 yaş böyük idi.

Paltarlar hazır olandan sonra Tera səhər yeməyini hazırlamağa mətbəxə keçirdi ki, Corc ona: Bu gün Qurban bayramıdır, onsuz da bayram namazına kimi bir şey yeməyəcəyik. Tələsmə, biz gələnə kimi hazırlayarsan dedi. Corc uşaqların otağına keçib yavaşca onları da oyatdı. Andrey gözünü açan kimi atasına: Papaaaa, məni də aparacaqsan bayram namazına?

Corc: Bəs nə. Sənsiz heç gedərəmmi gözümün işığı?!

Maykl durub əl-üzünü yuyan kimi atasına dedi ki: Ata, mən gedim baxım görüm qurbanlıq qoyun neyniyir. Ot ya su lazımdırsa qoyum gəlim.

Corc: Bax gör ipi dolaşmayıb? Dardısa, bir az boşalt, narahat olmasın.

Yaxşı – deyərək Maykl həyətə qaçdı.

Hamı paltarını geyib hazır durmuşdu. Corc: Ananızla sağollaşın gedək, yoxsa bayram namazına gecikərik deyə uşaqlara səsləndi.

Uşaqlar analarına sağ ol deyib maşına tərəf qaçdılar. Andrey qabaqda oturmaq istəyirdi, amma Maykl onu güclə arxaya keçirdi.

Bayram namazından sonra onlar evə döndülər. Uşaqlar sevinə-sevinə qoyun bağlanan yerə qaçdılar. Tera qışqıraraq onları çağırdı: Gəlin üst-başınızı dəyişin sonra gedin!

Corc bıçağı hazırladı. Sonra gəlib qoyunun ayaqlarını bağladı və yerə uzandırdı. Uşaqlar gələnə kimi qoyunu sığallayırdı.

Corc dedi: Maykl, Andrey, hərəniz bir tərəfindən tutun.

Corc qoyunu qibləyə tərəf uzatdı, bismillah, Allahu Əkbər deyib kəsdi.

Onlar qoyunun ətini bir neçə hissəyə bölüb həm qonşularına, həm də yaxınlıqda yaşayan qohumlarına göndərdilər.

Artıq günorta idi. Birdən Corc ayağa qalxıb Teraya üzünü tutaraq: Lap yadımdan çıxmışdı ki, bu gün bazar günüdü. Tez pencəyimi ver mən gedim kilsəyə - dedi. Andrey: Papaaa, mən də gəlim? Corc: Yox, siz qalın, evdə ananıza kömək edin, mən bir saata qayıdacam.

Təəccüblənirsiniz? Corc müsəlmandır, yoxsa xristian?! Kilsəyə gedirsə, deməli xristiandır. Bəs yaxşı xristianlar bəyəm bizim qurban bayramını qeyd edirlər?! Əlbəttə yanılmırsınız. Onlar bizim bayramları qeyd etmirlər. Yuxarıda yazılan hekayə isə heç bir zaman baş verməyib, baş verməyəcək də. Bəs biz niyə onların bayramlarını qeyd edirik?! Niyə bizlərdə Kristmas, Yeni il, Valentin və sairə kimi bayramlar təmtəraqla qeyd olunur?!

Allah təala buyurub: “(Ya Rəsulum!) Sən yəhudi və xaçpərəstlərin millətlərinə (dinlərinə) tabe olmayınca onlar səndən qətiyyən razı qalmayacaqdır. (Onlara) de: “Düzgün yol yalnız Allahın göstərdiyi yoldur!” Əgər sənə gələn elmdən (vəhydən) sonra onların (nəfslərindən gələn) istəklərinə uysan, o zaman səni Allahdan (Allahın əzabından) qoruyacaq nə bir dost, nə də bir köməkçi tapılar.” [əl-Bəqərə 2:120]

♻️ Digərlərinində faydalanması üçün paylaş!

Kitabını oxu! Bu gün sənə özün-özünü hesaba çəkməyin yetər.

[İsra, 14]

Müsəlman uşaqların bilməsi vacib olan məsələlər.