قناة السيد علي الجابري
لخدمة أهل البيت صلوات الله عليهم
لتواصل مع @a1_1lal
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 4 months ago
Last updated 2 weeks, 5 days ago
 )](/media/attachments/y1_/y1_7y/9404.jpg)
( #رفقا_بم_عون )
……………………………………………………………
رفقاً بم عون ... يلي اتشيعون
ابهيده ولو شلتو اجنازتها
متعوبه من افراگ اخوتها
……………………………………………………………
انتم تشيعون ابجرح . بيه الزمن ذر ملحه
بالنعش ليل من الحزن . من زغر ذبحو صبحه
اعله اجتافكم هاي المره . محجوبه عنها الفرحه
ادّور المصايب والمحن . اعليها دورة رحه
مو مره اتشيعون وسط النعش دمعه
و بعمرها الحزن ياكل خيط شمعه
رفقاً يا موت . ابهيده وبسكوت
شوغات العاشر عصرتها
متعوبه من افراك اخوتها
……………………………………………………………
انتم تشيلون أُمنيه . لرض الاهل منبعها
رادت گبل طبگ الجفن . جلمة اخو تسمعها
كون الجنازه ولو مشت . حسين ابدمع يتبعها
جاسم والاكبر عل جتف . وجف الكمر يرفعها
مو نعش ويصير هودج خدر چنه
تمشي ويصير الگبر خيمة محنه
تمشي بنوماس ... بزود العباس
هم مثله انذبحت مُنيتها
متعوبه من افراك اخوتها
……………………………………………………………
بهداي لو سار النعش .خفو الجدم خطواته
تابوتكم شايل متن . ازرك اثر ضرباته
شايل جدم شبعت ركض . بين الاخو وخيماته
رمل الطفوف ابلا رحم . تلسع لسع ذراته
بيها لاذت كل نساء الهاشميه
اتسكت ابسكنه تظل تصرخ رقيه
احتارت بزغار .. حاطته النار
وخيل البالحافر سحكتها
متعوبه من افراك اخوتها
……………………………………………………………
زيدو العدد يم النعش . سوو اجتماع و لمه
شبعانه وحشه ام الخدر . واعل الفگد منفطمه
وحشة عُمر ليل اهدعش . ذبحتها ذيج الظلمه
خوف و ظلام و فاجعه . او وادم شحيحة ذمه
ابلا گمر عباس صار الليل وحشه
عل لتراب ابلا ستر وابلايه فرشه
بس صوت الخيل .. تارس هالليل
غربه و مو هاشم حرستها
متعوبه من افراگ اخوتها
……………………………………………………………
بالك يجناز وحذر . بالنعش تصبح ميله
تذكّر ايام السبي . من مالت اعل اهزيله
مجتوفه و بنفس الحبل .بين الرباب وليله
وعيونها الراس الكمر . ابدمعة عتب تشكيله
وراس عباس الگمر يهتز حديده
من يعاين اخته محتاره وتريده
وتشب النار … من راسه الحار
لو زينب نزلت دمعتها
متعوبه من افراگ اخوتها
……………………………………………………………
مرتين مكسورة گلب . برضك يشام الدمعه
مره بشتايم و بحجر . ناسك بگت مجتمعه
جم سوگ جم سچه ودرب . فروها بنت البضعه
واجنازه هل مره اصبحت . بيد الغرب مرتفعه
شافت الويلات من ذيج الخرابه
وهسه بالغربه تموت ابلا گرابه
اسمك يا شام . دمعه وآلام
يا شام آهاتك خنگتها
متعوبه من افراگ اخوتها
……………………………………………………………
✍️ ( سيد خضر الزاملي )
((زوار العقيله))
ها يزوار العقيله
عندي دمعه وعندي حسره
وهايه وناتي ثجيله
ياهو يسمعني اشتكيله
أرد أروحن للسبيه
الصعدوها عالهزيله
گلبي يصــرخ ياعويله
يمته أشوفنها الـغريبه
گلبي خلص منَه حَيله
ها يزوار العقيله
راح اموتن لحضه لحضه
خبروها أبلايه حيله
يالعقيله .. شسوي بقسمتي
غربتچ دمعـــتي
الزياره حــسرتي .. يالعقيله
خبروها .. على دموعي انتچي
السوالف بس بچي
شـــوكت يمها اجي .. خبروها
صارت احلام أوصــل للشام
چايمته نـروح خلص چم عام
يالغريبه يالغريبه ...
"""""""""""""""""""""""""""""""""""''''''''''
يـــــلي رايح للغريبه
گلها يمته أرد ازورچ
گلبي مابـطل نحيبه
يمته أزورچ يالحبيبه
يلي رايح گلها فـدوه
شَيَبت من المــصيبه
والوكت گلها شيجيبه
حتى أشوفنها الخرابه
يا رقيه يا سليبه
هــــم رقيه هم غريبه
هم وحيده بغير ابوها
زغيره مولاتي الحبيبه
يالحبيبه .. متــــــت لزيارتچ
شوكت يم عتبتچ
يالحبيبه .. وأشاهد حضـرتچ .. يالحبيبه
يا رقيه .. خلص مني الصبر
كبــــــر بيه العمر
صرت مثل الجمر .. يا رقيه
جمره وبالروح البت المذبوح
يم بت حسيـن يا يــــوم نروح
ياغريبه ياغريبه ...
"""""""""""""""""""""""""""""""""""''''''''''
يا دمعتي وجرحي بيه
ذولي زوارچ يــــزينب
حضرو دمعه هـــــديه
يـــــــــلي رايح للسبيه
وياك اخذني يلي رايح
وياك اخذّ ظيم العـليه
وياك اخذهن ذني أديه
أرد اكــض باب العقيله
حتى لـــــو تلفي المنيه
گلها تــعذرني شبديه
وكتي مايرحم يزينب
گلها عايش بس اذيه
بس أذيه .. حياتي معلــعله
متـــت ياكـربله
غريب وعن هله .. بس أذيه
للزياره .. شوكـت آنه انحسب
يوادم والله أحـــــب
وشجوني گمت اصب .. للزياره
هاك اخذ الشوگ وگلبي المحروگ
ويازينب صــــــيح زياره ومخنــــوگ
ياغريبه ياغريبه ...
"""""""""""""""""""""""""""""""""""''''''''''
روحي گمت اصرخ شجاها
يا مصابي وياعذابي
روحي وفراگچ سباها
والعليله الغرباها
هيچي يازينب حسرتي
القافله اركــــض وراها
روحي ياعوز اللفاها
والليالي تمر حسافه
بديره سوده ضيعاها
دهري أيدي گــــيداها
يــــــــافشلتي يا غريبه
الدنيا ما ادري شبلاها
گيداها .. عذابي الماجره
وعبرتي مكَسره
الحــزن للآخره .. گيداها
حزني طول .. أزورچ يـــــاوكت
مثل جرحي متت
أضَــــني أيــــست .. حزني طول
حزني المضموم وبروحي يدوم
چا يمته اهــناك هلبت بس يوم
ياغريبه ياغريبه ...
"""""""""""""""""""""""""""""""""""''''''''''
راح أگلـــلها بعذابك
راح اگلـلها بجروحك
راح أخبرها بمصابك
يمها راح ابچي بثوابك
وراح أصـيحن ياغريبه
شگد يريدون الـــزياره
راح أگلها من عـفتهم
سكته والمدمع ولاهم
يمه زينب ودعتـــــهم
راح أگلــلها علـــــيكم
يمه ماگدرو يجـــــولچ
من بعيد ورفعو أديكم
رفعو أديكم .. سلام المنذبح
سلام المنجرح
يدمعات الرمح
للفواطم .. ألطمو اعله الوجن
گلبـــــكم من يون
يحن گلبــي يحن
حنيت هوااي وآنـــــه ابلوآي
للعطـــشانات يمته آخذ ماي
عبد زينب
محمد الابراهيمي
وينهه اوين الشام زينب يهلهه
---------------------------------------------
ويلي الغريبه الما يصح يمهه اخوان
شام المصايب هم رجع دار وخان
مرقدهه فارغ يا وكت فارغ چان
ماكو الدموع الچانت اعله البيبان
محد لفاهه
زينب واجاهه
بعد وي اهل النوح شيلم شملهه ؟
وينهه اوين الشام زينب يهلهه
---------------------------------------
وين المواكب وين چلمة يم عون
وين اللطم يا شيعه وحدهه شلون ؟
الحضره الغريبه تريد وادم يرحون
متظل وحيده هناك كون يلطمون
هايه النهيبه
زينب غريبه
وين تلگه العباس راح الكفلهه
وينهه اوين الشام زينب يهلهه
----------------------------------------
چا ليش حضره وخاليه من الزوار
والظلمه چن ليل اهدعش هذا الصار
زينب تتاني لهسه اي هم تندار
علتله هم منتظره بس ماكو اخبار
وينه اليجيهه
يكتل بچيهه
لو تناشد نحتار بله شنگلهه ؟
وينهه اوين الشام زينب يهلهه
-----------------------------------------
نحيي الوفاة بكل سنه بدمع العين
بس هالسنه بعيدين عن گبرچ وين
يا فشله منچ زينب ومن حسين
من الخجل كون بعزائچ ميتين
عن بعد ونزور
وندگ الصدور
محد اتعنى هناك محد وصلهه
وينهه اوين الشام زينب يهلهه
----------------------------------------
ياهو إليودي الرايه ياخذهه وياه
راية كفيل ام عون فدوه اليمناه
يم زينب يوصلهه تحيا بطرواه
بلكت يخفف ضيمهه الما تنساه
من كربله وشام
وجروح الايام
ما اظن تشفى بيوم والطف كتلهه
وينهه اوين الشام زينب يهلهه
كلمات الخادم / رعد الفريجي
1/ رجب / 1445
ثوابها الى روح والدتي
كسرو ضلعي — صبرت
حرقو بيتي — صبرت
بان بعيني احمرار
غصبو حقي — صبرت
..........…........
كلشي صار البيه سهله ولله سلمت الأمر
سهله طاح المحسن ابني منجتل من العصر
اتحملت رجعو عليه وسوو الماينذكر
بس علي مجتوف اشوفه هنانه ماينفع صبر
ردت ادعي وحيدر حاجاني
باساني بكصتي ورداني
من شاف عيوني ودمعاتي
ظل يبجي اكبالي وبجاني
كسرا قلبي — علي
يبكي قهرا — علي
ينظر وضعي حزين
ماذا يفعل — علي
.....................
ابجي مو قصة مريضه ولا وجع ضلعي السبب
صرت دمعه بعين حيدر من عمت عيني انكب
جنت واهس كل ضحكته يشوفني يروح التعب
هسه بس يصد عليه يكعد اكبالي ونحب
خلص عمره مكابل عيني
ويكلي فراكج ياذيني
هسه شما نشده يحاجيني
وضعج يالزهره يبجيني
يبكي حزنا — يقول
من لي اُنسآ — يقول
بيتي قبرآ يصير
بعدي يحكي — يقول
...........….
شما تصد عيني اعله ولدي يلجم ضلوعي الهوه
كسر كلبي حسين اجاني يكلي خل نكعد سوه
فكي عينج يمه ليه أن شاء الله نحصل دوه
يمه من كعدة حنانج ما شبع كلبي وروه
يحب رجليني ويكسر خاطر
فكدج يشبه يوم العاشر
راح ابقه الوحدي بلا ناصر
جن صدري اعليه دايس حافر
اقرح جفني ... حسين
زيد كربي ... حسين
يبكي حزنا يقول
صرت يتيمآ ... حسين
................
ليش كبري بلايه حضره ولالي كبه ولا ضريح
كل محرم امشي وانعه الكربله اوكف واطيح
احسد حسين اعله ربعه والمواكب من تصيح
يا لثارات العقيله ويا لثارات الذبيح
يطلع كبري بگبه ورايه
وتتعنه اعليه المشايه
ملايه تحشم ملايه
بصحن الزهره نسوي قرايه
قبري يظهر ... قريب
ولدي يثأر .... قريب
سوف يقوم العزاء
داخل صحني .... قريب
................
الخادم موسى البطلي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 4 months ago
Last updated 2 weeks, 5 days ago