نعـي الاربعين السيده زينب ع

لسـان حـال ام كلثـوم ع للاخت

❥❥ـــــــــــــ❁❂❁ـــــــــــــ❥❥

شفجـه ولذيــذه اتعـاي ليه
ومــحـلاتهـا جـلـمه يـخـيه
شوفي الفــراك اشسوه بيـه
تنشـديــن بـت امـي علـيـه

❥❥ـــــــــــــ❁❂❁ـــــــــــــ❥❥

المثلج شلون تعوف اخـتهـا
ويـا خـالـه ابـني مفاركـتهـا
جاسـانـي ضـيـم اورايدتـهـا
تــره حــك الاخـوه طالبتهـا

❥❥ـــــــــــــ❁❂❁ـــــــــــــ❥❥

يم العشـره الحـلـوه تعـالي
انتي معـدله وأعــدال والـي
شخصج عليه شكثـر غـالـي
مري وشوفي شلونه حـالــي

❥❥ـــــــــــــ❁❂❁ـــــــــــــ❥❥

ردي اعلــه بيـتج لا طوليـن
شمحلاج بيه لـمـن تكعدين
وكت الغروب انتـي تصليـن
تعـالـي يـزينب وين ترديــن

❥❥ـــــــــــــ❁❂❁ـــــــــــــ❥❥

اليوم أربعيـنج طال الغـياب
كتلتـني خيـه سـدت البـاب
يم عون هذا أفراك الاحباب
دولبني بيجن والـلـه دولاب

❥❥ـــــــــــــ❁❂❁ـــــــــــــ❥❥

تــــمت بقــــ✍🏻لم خادمه أهل البيت عليهم السلام

✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف

لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء عليها السلام ✍🏻🧿

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

موشح للحسين عليه السلام ( بيمن يطلبونه )

الله واكبر ... بيمن يطلبونه
حسين ميت والعده يسحگونه

الله واكبر يامصيبه امصيبته
شلون جوه الخيل زينب شافته
لاوريد ولاضلع بجنازته
والحوافر بالصدر ومتونه
الله واكبر ... بيمن يطلبونه

الحوافر يوجعنه والسهام
مثلوا بجنازته ولد الحرام
هالمصيبه المايوصفهه الكلام
نعمة الله وخيرته يذبحونه
الله واكبر ... بيمن يطلبونه

نعمة الله اشلون نعمه تنسحگ
هالمصيبه الفجعت اگلوب الخلگ
ضهر ابو اليمه عله افاده انطبگ
ليش نحره من وره يحزونه
الله واكبر ... بيمن يطلبونه

حزوا العدوان نحره من وره
الله واكبر هاي ابد ماصايره
طرت الحومه واجته الطاهره
رايده اتودعه وتحب عيونه
الله واكبر ... بيمن يطلبونه

رايده اتودعه وتحبه بعينه
مالگت منحر عزيز سكينه
اتصيح وين العسكر امودينه
بس اشمنه واشوفه اشلونه
الله واكبر ... بيمن يطلبونه

بس اشمنه واشده بمعصبي
كله غيره حسين مايرضه انسبي
هذا ميزان العدل وابن النبي
جده طاها المصطفى يعرفونه
الله واكبر ... بيمن يطلبونه

جده طاها المصطفى وخير البشر
ليش طبرتوا جبينه بالحجر
ويلكم ياويلكم يوم الحشر
اهناك بيمن ربكم تلاگونه
الله واكبر ... بيمن يطلبونه

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

#لاهل_زينب
مناسبة لجميع المجالس

كلش بطّلوا مني.....ولا نشدو بعد عني
ما چن من حبايبهم.....ولا چني گرايبهم

هلي ليش إگطعوا ظني
هلي ليش إگطعوا ظني
............................ 
هلي گطعه گطعتوا  عاد مو كلش
هلي حالي عگبكم صاير ايفلش
هلي سهرانه عيني رمش ما ترمش
اليصابحكم بخيت وعلي من يغبش

اخلص الليل بالونه
حرام ان چان اغمضنه

هلي ليش إگطعوا ظني
هلي ليش إگطعوا ظني
............................ 

هلي يعزاز گلبي ويا نظر عيني
احاچيكم وخل واحد ايحاچيني
انه اشسويت مدري وهيچ ناسيني
وشنهو الصار ما بين اهلي اوبيني

احبكم حيل صدگوني
على يا مال تنسوني

هلي ليش إگطعوا ظني
هلي ليش إگطعوا ظني
............................ 

اريد امي تجيني وتنظر الحالي
ولو بابي تحرك ينشده بالي
امي ابابي وگفت واجت حسبالي
بيتي الخالي منچ جرح سوالي

حنانچ شح على زينب
الهسه بغرفتچ تنحب

هلي ليش إگطعوا ظني
هلي ليش إگطعوا ظني
............................ 

بويه انت الحنين اشبدلك عني
انا الدللتها ارجع اودللني
اذا زعلان مني ما تعاتبني
ساكت يا علي عني اشبدر مني

اريدن حيدر ابابي
اشمه ويبرد اصوابي

هلي ليش إگطعوا ظني
هلي ليش إگطعوا ظني
............................ 

يريت اخواني ترجع ذيچ لمتكم
وتگضون الليالي ويه اخيتكم
والبيتي تجون انتم   و بزرتكم
گولوا للاطفال انزور عمتكم

كلش ما بعد مروا
اخيتهم ولا ذكروا

هلي ليش إگطعوا ظني
هلي ليش إگطعوا ظني
............................ 

اخوي اعتب عليه وما ردت منه
عطشانه عليه وارد اشبگنه
بعد لا عيش عگب احسين طابنه
ولا عمر الخلافه انوب لا گلنه

امكدر منزلي وبيتي
على اهلي اتفتت ريتي

هلي ليش إگطعوا ظني
هلي ليش إگطعوا ظني
............................ 

أم علي رضا الشريفي الحسيني

القصيدة مهداة الى الصحابي
( سعيد بن جبير بن هشام الاسدي) رضوان الله تعالى عليه

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

مولد مولاتي فاطمة الزهراء ع?

ـ               ميــــــلاد الزچيه
ـ              الفرحه الفاطميه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ

بيها النبــي حيـل ابتشر والبسـمه بانت
وهـيه ابمهــــدها فاطمه وتكلمه چانت
آيه ابحضــن امها انزلت والفرحه حانت
والشمس من عازت ضوه بيها استعانت

ـ              تعيش الفرحه بيه
ـ              ولايگ حــبها اليه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ

الله الزعلها يزعل ويرضــــه لرضاها
دور القيـاده اعله النسه اليله نطاها
مثل النبي عدها شكثر هيبه اوجاها
وحقه محمد عالملا بيــــها ايتـــباها

ـ              هيبه اعله البريه
ـ              بنت طــــه الابيه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ

حبها هويه وبالحشـــر هيه الشفيعه
ونشكر الباري الفاطمه خالقنه شيعه
نكشخ بحبها بكل زمـن امنه الوديعه
الورد يكشـخ لو وصـــل موسم ربيعه

ـ              شيعه وجعفريه
ـ              ونردد ســـــويه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ

فاطمه بحر المعرفه وفرقد محمد
ماعون فايض بالوفه ويشبها محــد
بيبـــانها اتوزع نعم مالحظه تنســد
عنها محمد وعلي والباري يشـــهد

ـ              الريحـــــانه الوفيه
ـ              الاوله بكلشي هيه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ

✍الخادم
كامل السعيدي

ولادة فاطمة الزهراء ع

طلبها مـــن الله ابوالقاسم ـ وطه
اله وجنـــح الملك صــــاير ـ وطه
ابمولدها افرحو حيـــــــدر ـ وطه
وخديـــــــجه وآسيا ومريم سويه

كامل السعيدي

مولد فاطمة الزهراء ع

اللهــــــــــم صــل على … محمد وآل محمد
انولدت فاطمة الزهراء … كوثر للنبي محمد
                ـ?????ـ

بلحظة مانولدت ســـاجده لربها
اميره اعله النسـاء الباري نصبها
واجب عالبشر كلها انكتب حبها
الماحبها خسر والجـــنه ماطبها

جـــــددنه العهد بولاء … محمد وآل محمد
نولدت فاطمة الزهراء … كوثر للنبي محمد
              ـ?????ـ

جبــــــــــرائيل بعنان العرش كبر
حين انولدت وشــع نورها وازهر
نزل يم باب طه وجاب هالمصدر
بالاصلاب گله نكتبت الحــــــيدر

الكون فيهم اســتضاء … محمد وآل محمد
نولدت فاطمة الزهراء … كوثر للنبي محمد
               ـ?????ـ

نور الزهــــره مايرهم اگباله افياي
ماينصـد عكس نور الشمس بهواي
كلشي اتغيــــــر ابيت النبي الوفاي
اليشرب مايهم يشــعر ابطعم الماي

اصبــــــح الكل سـعداء … محمد وأل محمد
انولدت فاطمة الزهراء … كوثر للنبي محمد
                ـ?????ـ

من شجرة علي الزهراء غصن ريحان
عطــــــــرها منفـرد ويفوح بالبســتان
متبسم علي ابميــــــــــلادها وفرحان
كعـــبه امـــــن الادب والزهد والايمان

تقيــــــــه بنت الاتقياء … محمد وآل محمد
انولدت فاطمة الزهراء … كوثر للنبي محمد
             ـ?????ـ

✍️الخادم
كامل السعيدي