عائذ ولائذ اجيت
طامع برحمة گلبكم
وياكبر رحمة گلبكم
تجيب مثلي من العدم
ومن محطات الذنوب
وشنو الرحمة
الغيرت كل هوى الدنيا
الجانت تعت بيه لكن
نضرة منكم تحيي مِيت
ويحيى الكم
حِيَت گلبي
وطلعتني من الظلام
لعالم الحب والهيام
انرسم دربي
الجاي من دنيا شريد
الخدمة صارت اله بيت
بالكلب الكم مقام
كلبي اريده يصير يمكم
يعبر آلام البرود
يصير غركان بجمركم
اليغرك بدنيا التفاهه
شنو عمره
وياحلاته اليغرك بجمرة خيمكم
جمرة ماتطفة اريد
تشب وي كل نار خيمه
ووية كل طفلة تفارك حظن ابوهه
وكل نسيم يمر عليه
يجيب مرسال العليلة
ونسمه مرت عالعليل
بأرض غربة
تخلي كل حالي عليل
علل كل عله جرحكم
جرح شوك
وجرح غربة
جرح يجرح جرح حبكم
جرحُوا كلبي
بجرح رضعان وسهام
بجرح عريس وخيام
جرحوا كلبي
مااريده الحب اذا مو اصله الكم
لأن كل حب مو حقيقة
والحقيقة يبقة حبكم
وايدي مامدهه لبشر بس للكفيل
منه اني استجدي حبكم
من گمر ام البنين
الراد غيرة
يصير زلمة براسة خير
وشنو الغيرة
تعلم اليدخل صحنكم
شلون يدخل
اللا يطلب اذن منكم
يعلك جروحه اعله شباك الغرام
ولزمه الشباك لزمة راية الكم

علي عبد الحسن

لحن القصائد
@Aliabd255bot

السلام على مولاتنا عقيلة الطالبيين

جيت بأحزاني يمه. بعيوني الدنيا ظلمة
وابنج عالترب هضمه .يايمة
رحت وياه مهيوبة . اجيت بدونه متعوبة
ماخلوا علي ثوبة. يايمة
رحت يبرولي خواني
وابو فاضل الكفال
بعدهم اجو عدواني
وشدوا ايدي بحبال
يايمة رحت مدللة ماادري هيج بكربله يافاطمة يصير
الجدة النبي سيد المله يشدوهه ايدة بسلسلةمايبقه تقدير
الأخو محد غسلة وعطشانه تبقة العايلة وينسبي الزغير
____
شفته بنص غرب حاير.فزغة هاشمي يناطر.ويباوع مااله ناصر.يايمة
وصيتيني يالزهرة.لو شفته وسط صحرة
احظننه واشم صدرة يايمة
بيدي جبت ميمونه
ومني الگلب مكبوت
اباوع يمة لعيونه
رايح خوية للموت
بيديه قدمت المهر وبحشاي يايمه جمر لوداعه يسعر
يوصيني يمه بالصبر ومن يعرض بعيني الهجر كلبي يتفطر
ومن راح ضليت انتظر تالي يجي خالي المهر وبموته خبّر
___يايمة الگلب ضيمة .من گصدوا على الخيمة.يتيمه تحامي ليتيمه. يايمة
گبل محد درة بية.ولاشافو أثر ليه .جابو حبل ليدية. يايمة
الحبل ميكفي لرقية
زغيرة وترفه الچفوف
بعمرهه ياهي مسبية
وتسمع صوت السيوف
من كصدت الخيل الحرم لاشيمه ضلت لارحم يخوفون الأطفال
الوالي علي صاح بألم ياعمه فرو من الخيم راس الأبو انشال
لو نبقة جوة بالخيم لو تسحك النار الجدم وننسبي بحبال
_
ليل الحادي هل يمه.افتش گمت بالظلمة
اخوي وماعرف جسمه.يايمة
اول مرة من دونه.طلعت ولخاطر عيونه
اخوي ارد اعرف شلونه.يايمة
وسفة على الترب نايم
ولامنه طلع صوت
بجسمه ماكو شي سالم
بشوفه وصلت للموت
ابن امي حزوا منحرة واخوِتي نومه على  الثرة ماكامو وياي
احا يغربة عاشرة مسلبين حتى خنصرة
نايم بلا فياي
ضامي ابن سيد الورى  عطشانه ابقى مناطرة شلون اشرب الماي

علي عبد الحسن

يامولاتي يافاطمة المعصومة
عليكم نتوكل ياسادات الخلق
نسألكم الدعاء للمباشرة بكتابة قصائد العشرة الأولى من شهر محرم الحرام
ياأم البنين

على ابن المرتضى.اله يضج الفضا
انتهى بسم وعذاب.بظلم عمرة گضه
الذي يتبعه شهم.امام اهل العلم
ذهب كون القباب.عليمن تنهدم
كون يم گبرة فلا يگضي اللطم
لهالظلامة النزل دموعة شهم
عالم آل النبي گبرة ينهدم
شوكت نوصل گبره
الماعلي بس صخره
تبجي لأجلة الزهره
اله ننصب مأتم
على گبرة نلتم
والمواكب تخدم
واقِفُ يَنعى المُصاب.قبرُهُ أَمسى تُراب.جَدُ ماهذا العَذاب
صاحِبُ الأمرِ الغريب.لايُفارقهُ النحيب.له جرحٌ لايَطيب

السلام على قلب جعفر الحزين
_
امام وابن امام.مقامة اعلى مقام
لأبو الكاظم جروح .تفيض ويه السلام
جرح هذا المصاب.ترس كلبة العذاب
احترك دارة وينوح.الحرك يفتحله باب
باب جدة الذي عالغبرة طريح
وشاهد عياله الذي يكوم ويطيح
وابو الباقر حاير وكلبة جريح
ساعد الله كلبة
الشاف اهله بغربة
دمع عينه يصبه
يطفي نار عياله
وجدة شاغل باله
بغربته وبحاله
حالَهُ بينَ العِدا.بالحَديدِ صُفِّدا.دونَ اخوانٍ غَدا
بعدَ مقتلِ الشَهيد.جاءَ اولادُ العَبيد.يضربوا الطفلَ الشَريد

السلام على قلب جعفر الحزين
_
يدين المؤمنين.اعتقادي واليقين
الذي يتبعك محال.اله تترك ادين
توصينه وتكول.الذي كلبة ينول
هيام العالرمال.وبقة بين الخيول
الذي بكلبه الخير الله يريد اله
يصير حب حسين اعز من كل هله
ماتشغله الدنيا عن طف كربله
ارزقنه حب وطاعة
على الكل اوجاعه
فگد اهله بساعه
شلون يحمل ضيمة
بعد حرگ الخيمة
بقوا اهله بهيمة
اهُ ماهذا المُصاب.وعذاب واغتراب.جسمُهُ فوق التراب
جعفرٌ ينعى الحُسين.بالمآسي والأنين.لمصاب الثقلين

السلام على قلب جعفر الحزين
____اله بكلبي جروح.الذي بداره ينوح
على اربات الخدور.العلى الهزل تروح
لمحرم نبدي بيك.دمعنه نرتجيك
فلا تشفه الصدور.اذا مانمشي ليك
كون نمشيلك مواكب زائرين
وسط صحنك نذكر مصاب الحسين
لهالزيارة والله مايطفى الحنين
نجي ننعى مصابك
على عتبة بابك
شيعتك واحبابك
مارعوا حرمتكم
روعوا عيلتكم
وين هاشم عنكم
احرَقوا دارَ النبي.ثُمَ دارُ ابنُ النبي.والعِيالُ تنسبي
صادِقُ الآلِ حزين.أسفي بالقَدمين.يُطفِئُ نارَ اللعين

السلام على قلب جعفر الحزين

علي عبد الحسن

من اول ما خيّروني بالذر بجوهه عيوني شيحب كلبك سألوني..كلتلهم حسين خيروني بين الدنيا وبين الحب والحنية احجيهه بصادق نية..رايد بس حسين حاشة تضيّع عبد يترجة منك رحمة رازقني دمعة وهاي اكبر نعمة جردني من كل شي اريد الخدمة خليني يم بابك انوح وانطيني من كلبك جروح…

جعفر الصادق طريح وسادته
الكاظم بهاليوم حل عمامته

لهالمصاب اليوم يهتز الجبل
الصادق بظلم وغدر يلفي الأجل
انفطر بالسم جبده وحيله نحل
لهالمصاب الشيعة لتضل ساكتة
__
عالم ال النبي كبرة ينخفي
والشهم هاليوم حيلة ينجفي
باللطم كون الصدر ماينشفي
للعلى جدة يصب دمعاته
_
بآخر اللحظات ماهمه التعب
باحتظارة ذكر عماته ونحب
شلون عمتهم تطب بين الغرب
واللي يحدي الظعن مو كفالته
___
نهج ال البغي الأذو بت نبي
ماسلم من هالظلم كل طالبي
لو قتل لو سم واعظمهن سبي
مو صحابه اصبحوا شماته
___
من بعد ماغمض لعينه جفن
بيد ابنه تغسل وبيده اندفن
مو مثل الجدة الذي دمة الچفن
وصفوا موته على الترب جنازته

علي عبد الحسن

من اول ما خيّروني
بالذر بجوهه عيوني
شيحب كلبك سألوني..كلتلهم حسين
خيروني بين الدنيا
وبين الحب والحنية
احجيهه بصادق نية..رايد بس حسين

حاشة
تضيّع عبد يترجة منك رحمة
رازقني دمعة وهاي اكبر نعمة
جردني من كل شي اريد الخدمة
خليني يم بابك انوح
وانطيني من كلبك جروح
من عتبتك لا مااروح ..روحي تروح
كلبي اذا غيرك سلك
انت الترجع كلبي الك
انه وهلي فدوة لهلك ..فدوة الك
__
انت الجابتنة عيونك
ماشفناهن بس جونك
من شافت عينه عيونك..أسّر كلبة جون
كتلة اترك ظعني وامشي
باجر مايبقة كلشي
كلك مااغمض رمشي..وماتهدة العيون

مولاي
من ريح جون ولونه فدوة انطيني
الحس قصاع الخدمة اليرويني
وعن الشمس ظِل انه الك خليني
ساترني وانت على الترب
دم ودمع عينك تصب
حركو حيام اهلك غرب..هذا الصعب
تستنهض وتوكع كمت
تكصد خيام اختك ردت
صاحت يخوية تيسرت..بعد الحرب
__
وسفة الماي يرويني
كون بشربة يبجيني
حزنك هو اليغنيني..عن كل الحياة
يالتبجي لاجله الزهرة
عطشان بذيج الصحرة
ماوافي مصابك كطرة..منا للممات

اكسرني
عالصار من كل المصايب اصعب
الميت اكرامه بدفنه مو يتسلب
بدم طفلة وبدم اخوته يتخضب
عالضل ثلاثة بالشمس
تحزن إله الجن والأنس
وبغربة اهله كون احس ..وحتى العطش
محد اجاله وشيعه
ولاناعي يم كبرة نعه
وابنه بحصيرة يجمعه..ماكو نعش
__
خل جرحك شاغل بالي
والغربة تغير حالي
وكون بفعلي واقوالي ..راعي الثار اعين
الطم واخسفلك صدري
عاليروة بدمة اليجري
تگول امه ذبني دهري..ياعبد الله وين

ويلاه
انفطم عبد الله بسهم ياوسفة
خضبت دم لحيتك من نزفه
وحيرتك من رحت لأمه كلفة
تروح وترد يم الخيم
وبصوتك تنادي بألم
يازينب اخذي للخيم ..مااكدر ارد
لو طلعت امه وشافته
ماجانت تضن موتته
متغسل بدم ركبته..شتصبر بعد

علي عبد الحسن

يافاطمة .. رتل لساني من الزغر
يافاطمة .. يضل يحجي بي طول العمر
يافاطمة .. من المهد ولبعد القبر

حجة الله علينه واعله الحجج
والطاهر اصلة يتاني يوم الفرج

كون يم كل باب اذكر هالمصيبة
المامثلهه مصيبة لا يمهه قريبة
بت نبي والدنيا سوتهه غريبة
وحق علي ينغصب ياعالم عجيبة

أمنا فاطمة أمنا فاطمة
___

ام الحسن .. الأم الحنينة لكل الخدم
ام الحسن .. ترزقنه دمعة واحسن شيم
ام الحسن .. در طاهرة من اطهر رحم

نضيع ونتيه دربنه وتلم الخدم
وندعي ترزقنه دمعنه وللثار ألم

ماتخلي الخادم يضيع طريقة
وخادم الزهرة دمع عينه صديقة
الحزن عالزهراء احلى من العقيقة
والأنس خدمتهه بس هاي الحقيقة

أمنا فاطمة أمنا فاطمة __
مظلومة .. غصبوا فدكهه المن النبي
مظلومة .. ظلمهه الله مايرضى بي
مظلومة .. يهجم عليهه الناصبي

والأراكة اللي يمهه تبجي الحزن
قَطَعوها وحتى مارف الهم جفن

حتى دمعتهه الزجية حاربوهه
الأذو الزهراء اذو حتى ابوهه
وفرحة المحسن بعين امه طفوهه
حرمة آل النبي غير يقدروهه

أمنا فاطمة أمنا فاطمة
_الصابرة .. صبرت على كسر الضلع
الصابرة .. ماجف على خدهه الدمع
الصابرة .. تالي بإبنهه تنفجع

صبرت على الأذية واعله الظلم
تخفي عن حيدر المهه لاينهظم

من حادث البسمار تبدي الغاضرية
ومحسن الزهراء يوكع عالوطية
وماوعت عينه على امه الزجية
دم عزيز الزهرة شاهد عالقضية

أمنا فاطمة أمنا فاطمة

علي عبد الحسن