Бүген Республика белән идарә итү үзәгендә Башкортстан Башлыгы Радий Хәбиров атналык оператив киңәшмә үткәрде. Утырыш Кырымга ВСУ һөҗүменнән һәм Дагыстанда террорчылар һөҗүменнән һәлак булганнарны искә алып, бер минут тынлык белән ачылды.
Киңәшмәдә түбәндәге мәсьәләләр каралды:
Радий Хәбиров кадет мәктәбе чыгарылыш укучысы, әлеге вакытта махсус хәрби операциядә катнашучы Владислав Ухальга Шәйморатов орденын тапшырды;
быелгы чыгарылыш сыйныф укучылары БДИны күпкә югарырак балларга тапшырган, бу – мәгариф сыйфатын күтәрү һәм мәктәпләрне модернизацияләү буенча күрелгән чаралар нәтиҗәләре;
Әбҗәлил районы башлыгы җимергеч давылдан соң республика Башлыгыннан ярдәм сорады;
Хакимияткә һәм муниципалитет җитәкчеләренә СВО әгъзаларын җәмәгать тормышына актив җәлеп итәргә кушылды;
Радий Хәбиров Уфа мэры Ратмир Мәүлиевка ике тәүлек эчендә башкаладагы давыл нәтиҗәләрен бетерергә кушты;
Башкортстан Башлыгы БРИКС илләренең спорт уеннары җиңүчеләрен һәм призерларын котлады. Безнең спортчыларның тупланмасында - 20 медаль ( 12 алтын, 7 көмеш һәм бер бронза);
Башкортстанда үлемгә китерүче юл-транспорт һәлакәтләре саны арткан. ГАИ мәгълүматлары буенча, агымдагы ел башыннан төбәктә 1214 авария булган, аларда 1480 граждан зыян күргән;
Бу атнада "Сәламәтлек поездлары" 9 районда булачак: Благовар, Краснокама, Стәрлебаш, Стәрлетамак, Дуван, Мәчетле, Ярмәкәй, Әбҗәлил һәм Бөрҗән рйоннарында һәм Нефтекама шәһәрендә. 15 апрельдән табиблар 77 меңнән артык пациентны кабул иткән;
Башкортстан Башлыгы грантларын ел ахырына кадәр балалар бакчасының тагын 25 яшь педагогы алачак. Узган атнада 50 педагог 500 мең сумлык беренче грантлар алган. Шулай ук Радий Хәбиров олимпиада җиңүчеләренә һәм тренерларга түләүләрне арттырырга кушты;
Август аенда капиталь ремонттан соң Октябрьский музыка колледжы ачылачак. Республика Башлыгы ачылу тантанасында шәхсән катнашырга теләвен әйтте.

Малайлар 8 мартка әзерләнәләр