Филология һәм мәдәниятара багланышлар институтында татар телендә ТЕЛЕЖУРНАЛИСТИКА курсы ачыла!

ТЕЛЕЖУРНАЛИСТИКА курсы 10-13 яшьлек татар телле балалар өчен оештырыла.

Уку 2 ай дәвам итәчәк. Дәресләр атнага 1 тапкыр уздырыла.

Курсның исеменнән күренгәнчә, укучылар телевидение дөньясын өйрәнәчәк. Укытучылар – танылган телевидение алып баручылары, ШАЯН ТВ каналы журналистлары. Балалар кадрда эшләү, тапшырулар алып бару, импровизация, актерлык осталыгына өйрәнәчәк. Курсның тагын бер үзенчәлеге – дәресләр Татарстан Журналистлар берлегендә дә узачак, укучылар Журналистлар берлеге белән танышачак.

Эшнең нәтиҗәсе нинди булачак соң? Балалар телевидение тормышы белән танышачак, журналистлар, танылган телевидение алып баручылары белән якыннан аралашачак, үзләрен камера каршында иркен тотарга өйрәнәчәк. Шулай ук ШАЯН ТВ каналына да экскурсия планлаштырылган. Иң мөһиме, балалар татар телен камилләштерәчәк, алып бару осталыгына өйрәнәчәк һәм талантларын барлап һәм сынап карау мөмкинлеге булачак!

Подписаться ӘЙДӘ!

Дөрес! Бүген "Унбер" лицеенда кечкенә генә Сабантуй бәйрәме узды. Башлангыч сыйныф укучылары төрле уеннарда катнаштылар, күңел ачтылар☺️

Бөтендөнья татар яшьләре форумы бәйге оештыра? Сез дә катнаша аласыз, бары тик социаль челтәрләрегезне 10 көн дәвамында татар телендә алып барырга кирәк?

Бүген безнең лицейда татар теле укытучылары өчен Дмитрий Петров семинар үткәрде. Ул бик күп төрле телләр белә һәм аларны башкаларга да өйрәтә.

Аңа кызыклы сораулар бирделәр. Дмитрий Петровның җаваплары сезнең өчен дә кызыклы һәм файдалы булырга мөмкин.

- Татар телендә башта нәрсәләр өйрәндегез?
- Фигыльләр??

- Татарча яраткан сүз яки фразагыз бармы?
- Мин сине яратам❤️

-Татар теле нинди ассоциация барлыкка китерә?
- Җыр, матур җыр, аеруча гармун көе?

Дмитрий Петров - «Полиглот» интеллектуаль реалити-шоу авторы һәм алып баручысы, РФ Хөкүмәтенең мәгариф һәм мәдәният өлкәсендәге премиясе лауреаты.

Дмитрий Петров безнең лицей укучыларына да үзенең киңәшләрен бирде, видеода тыңлый аласыз?

Шулай ук аның татар теле дәресләре җыелган плейлистка сылтама белән дә бүлешәбез