Райондашыбыз, Нөнәгәр егете Раяз Фасыйховка мактаулы исем биргәннәр. Котлыйбыз!

Раязга Татарстанның Халык артисты дигән мактаулы исем бирелгән.

Әлеге указга Татарстан Рәисе Рөстәм Миңнеханов кул куйган.

Биш яшьлек кыз бала трамвай астына эләккән. Юл-транспорт һәлакәте Җиңү проспекты һәм Зәкиев урамы киселешендә килеп чыккан. Бу хакта Ватаным Татарстан яза.

Кызның баш мие селкенү сәбәпле аны тизрәк әнисе белән бергә Республика балалар клиник хастаханәсенә алып киткәннәр.

Дәүләт автоинспекциясендә юл-транспорт һәлакәте шартларын ачыклыйлар.

Татарстан Республикасы Экология һәм табигый байлыклар министрлыгы уздырган «Эколидер» конкурсының «Татарстан Республикасы авыл җирлекләре территорияләрендә әйләнә-тирә мохитне саклау өлкәсендәге казанышлары өчен» номинациясендә Урта Көшкәт авыл җирлеге җитәкчесе урынбасары Гөлгенә Раушан кызы Сафиуллина 3 урынга лаек булды.

Гөлгенә Сафиуллинаның бу зур уңышы Татарстан Республикасы авылларын, аерым алганда, Урта Көшкәт авыл җирлегенең экологиягә булган җаваплылыгын ныгытучы эшчәнлеге нәтиҗәсе булып тора. Аның тырышлыгы авылдагы кешеләрне табигатькә карата җаваплы булырга өйрәтә, экология мәсьәләләрендә актив катнашырга этәрә.

Гаилә елы кысаларында Борнак авылы китапханәсендә "Китаплы гаилә-гыйлемле гаилә" исемле кичә үткәрелгән.
Кичәгә китапны яратып
укучылар килгән. Чарада алар үзләренең укыган китаплары турында сөйләгән.

Мөмкинлеге чикле кешеләр ункөнлеге дәвам итә!

Шул уңайдан, «Факел» яшьләр (яшүсмерләр) клубы хезмәткәрләре, Балтач бистәсендә яшәүче Петрова Эльвинаны котлап кайтты.

Эльвина, мөмкинлеге чикле булуына да карамастан, бик ачык һәм ягымлы кыз. Ул тормышка гашыйк! Әлеге ункөнлектә генә түгел, ел әйләнәсендә тирә-юньдәгеләргә игътибарыбызны жәлләмәсәк иде!