Бугун севимли шоирларимдан бири Усмон Носир туғилган кун. Шоирнинг шу шеърини жуда яхши кўраман. Сизга ҳам илиндим.

ЯНА ШЕЪРИМГА
(Сонет)

Шеърим! Яна ўзинг яхшисан,
Боққа кирсанг, гуллар шарманда.
Бир мен эмас, ҳаёт шахсисан,
Жоним каби яшайсан манда.
Юрагимнинг дарди – нақшисан,
Қилолмайман сени ҳеч канда!
Ўт бўлурми ишқи йўқ танда?
Дардимсанки, шеърим яхшисан.
Сен орада кўприк бўлдинг-да,
Гейне билан ўртоқ тутиндим.
Лермонтовдан кўмак ўтиндим.
Бутун умрим сенинг бўйнингда.
Саҳарда қон тупурсам, майли.
Мен – Мажнунман, шеърим, сен –
Лайли!

**ПОЛВОН

Ўзбекистоннинг миллий паҳлавони –
Турсун Али Муҳаммад Полвонга бағишлов

Ўғлонларим, зинҳор билинг, бас,
Фақат тош кўтарган полвон полвонмас,
Мусибатни, кулфатни енгиб,
Истибдодни, зулматни енгиб,
Эл ичра бош кўтарган – полвон!

Юрса кимдир чўкиб, сарғариб,
Вафо излаб, бир дўст ахтариб,
Инсон бўлиб, дунёда ғариб
Бир кўнгилни кўтарган – полвон!

Фақат тош кўтарган полвон полвонмас,
Мағрурланмай жасад кучига,
Ўз ғамини ютиб ичига,
Эл ғамини кўтарган – полвон!

Давр ҳақнинг ўткир ва синмас
Тишларига тош осиб турса,
Гурзи билан полвоннинг эмас,
Ҳақиқатнинг кўксига урса,
Даст кўтариб ҳақнинг туғини,
Ҳаққа чорлаб, халқнинг руҳини
Токи меърож кўтарган – полвон!

Фақат тош кўтарган полвон полвонмас.
Шовқин-сурон қилаётганлар –
Мусибатни куйлаётганлар,
Ишрат билиб ғамимизни ҳам,
Кўтармаса битта сўзни ҳам,
Раиятнинг қасоси учун
Чидаб, Ҳақнинг ризоси учун
Мазлум юкин кўтарган – полвон!

Фақат тош кўтарган полвон-полвонмас...

Аждодларннг қутлуғ либосин
Олақуроқ шимга алмашиб,
Мисли саҳна масхарабози –
Бутун авлод юрса адашиб,
Аёл – Кашмир санъати билан
Юрт саҳнида ўйнатса илон,
Худосини унутса тўқлар
Ва белида белбоғи йўқлар,
Номус қилиб бу ҳолдан андак,
Ор эгнига кийгизиб яктак,
Белбоғ боғлаб Номус белига,
Ўз касбини бериб ўғлига,
Юксак тутиб миллат шаънини,
Бошида тож кўтарган – полвон!..

1988 (1989)

Мирзо Кенжабек**
@m_kenjabek
┈┈• ❀ ❀ •┈┈•

*❗️*❗️Muhojirlarga tezkor muhim tavsiyalar!**Krokus Siti Xolldagi terakt yuzasidan Moskvadagi muhojirlarimizni ogohlikka chaqiramiz.

Telefoningizni quvvatiga e’tiborli bo‘ling.

Yaqinlaringizga yashab turgan joyingiz va sheriklaringiz haqida ma’lumot berib qo‘ying.

Hujjatlaringizni oldingizda olib yuring.

Krasnogorskda yoki Krokuss Siti Xoll majmuasi yonida yashayotgan bo‘lsangiz, ko‘chaga zaruriyatsiz chiqmang.

Internet va mobil aloqa sekinlashgan bo‘lsa VPN xizmatidan foydalanib, yaqinlaringiz bilan aloqada bo‘lib turing.

Telefoningizni begonalarga foydalanish uchun bermang.

Ko‘cha-ko‘yda, jamoat transportlarida terakt voqeasini muhokama qilmang.

Eng muhimi, ayni vaqtda hech qanday Rossiya siyosatiga muholifatchi manbalarni kuzatishni tavsiya qilmaymiz. Terakt sababchilarining motivi aniqlashmaguncha ehtiyot choralarini ko‘rib qo‘yishingizni qat’iyan tavsiya qilamiz.

Obuna bo‘ling?
@migrantuz