رَحِمَ الله من يمُر بفترة عصيبة ولم يفقِد لُطفه مع الناس، وكأن ألمَهُ زاده لينًا.

أن لم تكوني في مكان يلقي بجمالكي و رقتكي،اعتزلي كل شى ?❤

ديما دير الشى إلا أنت مقتنع بيه وطز في كل شخص بيفهمك غلط طز في كلام الناس لأن والله هكي وإلا هكي حا يدرهولك كبد فا عيش حياتك كيف ما تبي و عارف أنها ترضى الله و أنسى وجود الناس ??.

رأيكم و لو فيه تفاعل أنزل التكمله ??❤.

والدتها ??:العنود هاتي نشوفوا الوليدي يناري
العنود??‍♀️:الولد كان جميل جداً عيونه عسليات و يبتسم خديت نساوي فيه انا وماما لقيت في يده حديده فيها إسمه وكان إسمه صقر
غيرتله ملابسه و لبسته من ملابس خوتي لما كانوا صغار لان الا كان لابسهم كانوا امسخات ب حليب واضع الولد كان يشرب ومخطوف خطف لكن مش فاهمه من الا خاطفه ومن الحق في الموضوع، وانا بنوض بعد لا رقد الولد مسك صبعي ف يده و بالقويه وكأنه يقولي خليك جنبي وكيف بيبكي حاولت نسكته وخديته في حضني ?انرقد فيه ?رقد ورميته على السرير و رقدت انا و ماما جنبه
العنود ??‍♀️: ماقدرت نغمض عيوني نفكر في الف تفكير في قصه خلف الطفل البري هذا بس مش عارفه شن هيا خايفه على خوتي وبابا خايفه على نفسي بس في نفس الوقت مش مستوعبه فكره نعطيه للشرطه نخاف تزيد الحاله أسوى
يتبع........

والد العنود ??: خيرك شن في
والدتها ??: بسم الله الرحمن الرحيم خيرك شن في
العنود ??‍♀️: لساني مربوط مش عارفه نحكيلهم شى في حد في حد
والد العنود ??: مني في مافي حد أهدي شوي واحكي شن فيه
العنود ??‍♀️: خديت شربت اميه و غسلت وجهي باش قدرت نحكي ونجمع نفسي حكيتلهم شن صار
والدتها ??: مرات تحلمي بنتي والا تتخايلي استهدي بالرحمن و ارقدي
العنود ??‍♀️: ماما والله صوت حقيقي كنت نصلي شن نتخايل ماما خايفه خليكم جنبي ??ما نبيش نرقد بروحي
والدها??: توا نفتح البلكونه لو في حد توا نشوفه
العنود ??‍♀️: لا بابا ما تفتحها لا نخاف
والدها ??: تمام ارقدي توا تعودي من الشيطان و الصبح يصير خير
العنود ??‍♀️: حاضر بابا
رقدت معاي ماما بس ما نحكيلكم عن كميه الخوف الا في قلبي ما قدرت نرقد أبداً قعدت نتقلب في سريري وكل ما نشوف البلكونه نذكر الصوت لعند ما جي الصبح مع الساعه 8 نضت بنمشي للكليه كان مشروع تخرجي بعد أسابيع وكنت متوتره و في نفس الوقت الصوت مش قادره ننساه، المهم مشيت للكليه و كان يوم عادي جداً وطول المحاضره مسهوبه ونفكر مش مركزه في شى ?روحت للحوش تغديت و دخلت رقدت شوي بعدها نضت نزلت ل ماما وخوتي نهدرزو لعند المغرب ركبت لداري بنصلي و بنقرا كملت صلاة و كانت البلكونه مفتوحه ماما فاتحتها تهوي في الدار وما كنت نعرف ما انتبهت كان الستار نازل بس فجأة سمعت صوت و الصوت قريب ولما شفت انصدمت بالمنظر كان شخص ومعاه ولد صغير الراجل لما تكلم مش ليبي انا مصدومه ?في مكاني وكأني ميته كان الراجل رجله مجروحه ومعاد قادر يمشى و الطفل الصغير يبكي وفي لحظه نقز راجل تاني لابس عسكري و مسك الولد و ينادي فيا يقولي بصوت يخوف خليه أمانه عندك تعاااالي
العنود ??‍♀️: بخطوات تردد مسكت الولد و مركزه في عيون الراجل اختفوا من قدامي كانت البلكونه متعي تنزل لجردينه فيها دروج و باب الجردينه مفتوحه فا طلعوا بسرعه.
والدتها ??: العنود العنود تعالي كان بتتعشى فتحت باب الدار
العنود ??‍♀️: كنت واقفه وماسكه الولد زي ما خديته في نفس المكان ما تحركت أبداً ولا عيطت ولا شى
والدتها ??: االعنود خيرك شن هذا مني العنود ردي عليا
العنود ??‍♀️: هوا هوا جي ومشي وووووو
والدتها ??: شن تقولي من هوا العنود مني هذا فهميني
العنود??‍♀️: نشوف ل أمي و مش قادره ننطق ولا نطلع كلمه صح ??
والدتها ??: ترعش مش فاهمه شن صاير نزلت تنادي على راجلها وصغارها
العنود ??‍♀️: قعمزت على السرير و في داخلي نقرأ في سورة الفاتحه نحاول نرجع لطبيعتي باش نحكيلهم إلا صار
دخل بابا وخوتي و قدرت نحكي و حكيتلهم الا صار
والدها ??: باهي شن قصه الولد هذا ليش قالك خليه عندك وكيف هكي فهميني بنتي لازم نسلموه للشرطه
العنود ??‍♀️: لا بابا خليه معاي الشرطه ح تحقق وما نعرفوا الأشخاص هذه من الباهي فيهم ومرات لما نقولوا للشرطه تتازم القصه أكثر خلينا ساكتين لعند ما يرجع الراجل لو ولده ياخده بابا الشرطه مش حل لينا ??لأن ح يحققوا وما نعرف شى على الراجل لو يكون مجرم ويخطف واحد من خوتي
والدها ??: استغفر الله تمام نسكتوا خير
العنود ??‍♀️: بابا سكرها البلكونه معاد نبيها ??
والدها ??: تمام توا نسكرها

❤

وعدتكم برواية بعد امتحان النبات ?رغم ان الاسئله ?صعبه و ان شاء الله خير بس حا انزللكم آخر روايه كتبتها لأن ما عندي mood يكتب رواية جديده ?هيا شويه و تنزل بإذن الله ❤❣️

الحمد لله على كل حال ❤.
خلي عندكم أمل كبير في رب ما تخيبوا الأمل هذا حتى لو كان صغير،كل التعب و القرايه و الضغط على نفسكم إنكم تكملوا الشيتات كلهم في يومين، و تثبت كل معلومات في رأسكم، هذا و الله إنجاز كبير??، خليكم مفتخرين بنفسكم، أهم شي انكم دخلتوا للامتحان و حاولتوا، ورب يعلم بكل شي،
الخيره فما اختاره الله لنا❤.