Министрлер Кеңеси Баслығының орынбасары тайынланды
Жоллыбеков Владимир Бахтиярович – Қарақалпақстан Республикасы Министрлер Кеңеси Баслығының орынбасары – Инвестициялар ҳәм сыртқы саўда министри лаўазымына тайынланды.

Қоңыратта халықаралық әҳмийетке ийе жолдың 240 километри пайдаланыўға тапсырылды

Қоңырат районы аймағындағы халықаралық әҳмийетке ийе А-380 «Ғузар-Бухара-Нѳкис-Бейнеў» автомобиль жолының 240 километрли цемент-бетон қапламалы бөлеги пайдаланыўға тапсырылды.

Жойбардың улыўма баҳасы 383,4 млн АҚШ доллорына тең болып, қурылыс жумыслары 2020-2024-жыллары даўамында әмелге асырылған.

⚡️ 27-октябрь - Өзбекстанда сайлаў

Өзбекстан Республикасы Олий Мажлиси Нызамшылық палатасы ҳәм де жергиликли Кеңеслер депутатлары сайлаўы 2024-жыл
27-октябрь күни болып өтеди.
Орайлық сайлаў комиссиясы сайлаў компаниясы басланғанын мәлим етти.

Каналға ағза болың ??****https://t.me/Qaraqalpaqstan_xawazi

Талан-тараж етиў жынаятлары анықланды

Қанлыкөл районы Камбағаллықты қысқартыў ҳәм бәнтликке көмеклесиў бөлими ҳәм «К.О.» ислеп шығарыў кооперативи лаўазымлы шахслары 13 пуқараның бәнтлигин тәмийинлегенлиги ҳаққында рәсмий ҳүжжетлерге жалған мағлыўматлар киритиў арқалы 52 млн. сўм бюджет қаржыларын өзлестириў жолы менен талан-тараж еткенлиги анықланған.

Усы жағдай бойынша Өзбекстан Республикасы Жынаят кодексиниң 167-статьясы 2-бөлими “г”-бәнти менен жынаят иси қозғатылған.

Төрткүл районы Камбағаллықты қысқартыў ҳәм бәнтликке көмеклесиў бөлими ҳәм «И.Л.» ЖШЖ лаўазымлы шахслары 55 млн. сўм бюджет қаржыларын өзлестириў жолы менен талан-тараж еткенлиги анықланған.

Усы жағдай бойынша Өзбекстан Республикасы Жынаят кодексиниң 167-статьясы 2-бөлими “в, г”-бәнтлери менен жынаят иси қозғатылған.

«Қарақалпақстан Сувқурилишинвест» МК ҳәм «Б.М.» ЖШЖ лаўазымлы шахслары тәрепинен Бозатаў районынан ағып турған Әмиўдәрьяның бөлиминде насос орнатыў ислерине 227,6 млн. сўм муғдарда орынланбаған жумыс көлемлерин қосып жазыў арқалы бюджет қаржыларын талан-тараж еткенлиги анықланған.

Усы жағдай бойынша Өзбекстан Республикасы Жынаят кодексиниң 167-статьясы 3-бөлими “а”-бәнти, 205-статьясы 2-бөлими “а”-бәнти ҳәм 209-статьясы 2-бөлими “а”-бәнти менен жынаят иси қозғатылған.

Каналға ағза болың ??****https://t.me/Qaraqalpaqstan_xawazi