يازين الرزانه والرّكادة
والترفّع ووسع البال

إن كان عندك شك لاناشك العوق
‏في قلبي اللي لك يزيد إشتياقه

‏الشوق مشتاقلك أكثر من الشوق
‏شوق بدويٍ ضاعت أغلى نياقه

‏خطوى الولد يامال قصف التماهيل
‏يشرح عيـــوب الناس ماشاف عيبه

‏— بندر بن سرور

نصيحة لك و للزمن

يابنت عيفي واحدٍ ما يصلي
تارك عمود الدين مالك وماله

عيفيه لو يفرش لك البيت زلي
من لا يخاف الله حرامٍ حلاله

خلي ملعن والدينه يولي
"تلقين في نجد المسمى بداله"

وعليك باللي للجماعه يهلي
اللي كما النبوة منارة دلاله

بالرجل ثنتينٍ حداهن يدلي
من كبهن ماهوب ويا الرجاله

وان كان مابه دين مع زين دلي
جعله من الدنيا تقطع حباله

- بندر بن سرور

‏من سجايا البدو ذوي المروءة قديمًا،
‏أنهم يرفضون تزويج بناتهم لرجلٌ غنيّ حتى لا يُظن بهم الطمع في المثوبة
‏وكانوا أيضًا يحتقرون من لا يدرأ نفسه عن الحرج ويطلب المساعدة من نسيبه
‏وهذا مما تجده مرصودًا على لسان بندر بن سرور:

‏"مانيب من ينصى نسيبه ليا أحتاج
‏قرش الٍحرام ولاريال النسيبي"

‏حرام للفنجال سوقه ليا فار
‏إلا على اللي يرخصون الريالي

‏بأطراف بيته للمواجيب شنكار
‏معلاق كبشٍ عند راعيه غالي

‏- بندر بن سرور.

‏من جاهد الدنيا بلا رووس جنحان
‏يصبر لصكّات الزمان الرهيبه
بندر سرور

‏فالرجل ثنتينٍ حداهـن يدلّي
‏من كبّهن ماهوب ويا الرجاله

‏لاصار مابه دين مع زين دَليّ
‏جعله من الدنيا تقطع حباله

‏- بندر بن سرور