Баъзида  топиб  ранжийсан.
Баъзида  йўқотиб  мамнун  бўласан...

Шуҳрат  ОРИФ

https://t.me/DilnozaNur_ijod

Тақдирдан қочолмайсан - қочган еринг ҳам тақдирдир.

Табризлик Шамс

https://t.me/DilnozaNur_ijod

ПОРТРЕТ

Узоқ термуласан нигоҳларимга,
Кўзларингда мунг бор минг йиллик, э, воҳ.
Сўзсиз саволлар-у, сўзсиз жавоблар,
Юракка тиғларин санчаверар, оҳ!

Келасан! Соғиниб, интизор, интиқ,
Машина, тирбанд йўл, таниш сигаранг.
Сенинг битта изҳор, табассумингдан,
Олам кўринади менга ранг-баранг.

Соатлаб сўзлайман алланеларни,
Учраган ғамлар-у, камлар йўлимдан.
Сўзлайман тинглашни бир четга суриб,
Жилмайиб турасан, тутиб қўлимдан.

Қайноққина кофе, ёмғир шивири,
Кўзингга боқаман севги уммони.
Бесўз, бесас, беун бу муҳаббатинг,
Пойимга келтириб ташлар дунёни.

Кейин эслатади, соатлар, миллар,
Соғинчни етаклаб ортга қайтишни.
Қўлингдан тутаман эслатмоқ бўлиб,
Жоним, унутдингми бир сўз айтишни.

Жимсан... Билмагандек, англамагандек,
Гўё, барчасидан дилинг хотиржам.
Бироқ, шивирлайсан майин, оҳиста,
Ҳаётим! Бу бахтим сенсиз бўлар кам!

Қувониб кетаман, шодлик мен билан,
Севинч кўзларимдан қалқир ёш бўлиб.
Сўзлайсан: "Жоним, айт қачон иккимиз -
Яшаймиз бу ишқдан лиммо-лим тўлиб".

"Ўзингни асрагин, менга кераксан",
Демоғинг жонимга жон бўлар инон.
Мени кўпроқ севсанг, мен кўпроқ севсам,
Ахир яқин бўлар бизга, Художон!

10.03.2024 14:48

Дилноза АБДУҲАМИДОВА

https://t.me/DilnozaNur_ijod

Узун йўл, қисқариб борар тобора,
Суҳбатимиз эса узундан-узоқ.
Қарагин, кўнглимиз кенгликларида -
Орзулар уйғонар тонглардайин оқ.

Тун шошиб келади, ойни етаклаб,
Биз эса дил билан диллашдик чунон.
Жимликка ўраниб бутун бир борлиқ,
Ҳатто, ҳавас билан боқади осмон.

Кейин хайрлашмоқ кераклигини,
Эслатиб туради соат чиққиллаб.
Соғинчни бағрига босиб қаттиқроқ,
Кетгиси келмайди юрак ҳиққиллаб.

Сенинг кўзларингда "кетма" деган сўз,
Менинг юрагимда "кетма" деган дард.
Шундоқ барчасига қўлини силкиб,
Йўлин очиб берса, тақдир кетиб мард.

Сен қолсанг қўлимдан тутиб маҳкамроқ,
Йўқ қилиб айрилиқ фироқларини.
Йўлимни ёритиб борсанг то абад,
Тутганча бахтларнинг чироқларини.

2024 йил. Март

Дилноза АБДУҲАМИДОВА

https://t.me/DilnozaNur_ijod

ОНА

Тушавердим ҳаётнинг кўп чоҳларига,
Армон тизди юрагимнинг чокларига,
Жонинг ҳалак бўлди фақат оҳларимга,
Она!

Вафо қилдик, бузмадик ҳеч аҳдимизни,
Букмоқ бўлди, шаънимизни, қаддимизни,
Билиб турдик ўзимизни, ҳаддимизни,
Она!

Уриндилар ўт қўймоққа, ёнганим йўқ,
Туҳматларнинг тўфонидан тинганим йўқ,
Эгилдим-у, бироқ билгин синганим йўқ,
Она!

"Дўстман деди". Дўст бўлганда кулмайдилар,
Сирим сотиб, бу юракни тилмайдилар,
Улар ҳануз Сенинг меҳринг билмайдилар,
Она!

Куймай қўйдик, қалб туҳфаси жудодан,
Умрим тилаб сўрадинг ҳар дуодан,
Сен Бахтимсан, айланайин Худодан,
Она!

20:00 10.03.2024

Дилноза АБДУҲАМИДОВА

https://t.me/DilnozaNur_ijod

Умид яшар экан, дил қатларида,
Бир туйғу ёндирар жонни исмсиз.
Менинг айтарим бор ишқ хатларида,
Соғинган биз бўлдик, ҳанузам жимсиз!

Сизга етиб бормас, дардлар, яролар,
Не дейди бу дилга дилсиз, "қаро"лар,
Севгимиз боғида зоғлар аролар,
Соғинган биз бўлдик, ҳанузам жимсиз!

"Қўй уни, дилингга узоқ", - демишлар,
"Ҳийласи, найранги, тузоқ", - демишлар,
"Севгингга арзимас, юз оҳ", - демишлар,
Соғинган биз бўлдик, ҳанузам жимсиз!

Кимдир ғийбатларни тизиб борадур,
Гумонлар, шубҳалар сизиб борадур,
Сизнинг ишончингиз бузиб борадур,
Соғинган биз бўлдик, ҳанузам жимсиз!

Улар тушунмагай воҳ-у, нидога,
Раҳмим келаверар ишқдан жудога,
Оҳим етиб борар, бир кун Худога,
Соғинган биз бўлдик, ҳанузам жимсиз!

23:51 21.01.2024

Дилноза АБДУҲАМИДОВА

https://t.me/DilnozaNur_ijod

Vaqtlarning qoʻygani jim tuzoq boʻldi,
Bergani bedilning xoʻp soʻroq boʻldi,
Uchrashmoq vaqtimiz koʻp uzoq boʻldi,
Sogʻinchdan ko'nglimiz oʻrtandi, Jonim.

Togʻlarning sabri ham toʻkilib ketdi,
Bulutlar bolishdek soʻkilib ketdi,
Kunlar kulolmayin ezilib ketdi,
Sogʻinchdan ko'nglimiz oʻrtandi, Jonim.

Atirgul tikon deb chopib boʻlmaydi,
Rost soʻzni bekitib, yopib boʻlmaydi,
Na meni, na seni topib boʻlmaydi,
Sogʻinchdan ko'nglimiz oʻrtandi, Jonim.

17:36. 8.01.2024

Dilnoza Abduhamidovahttps://t.me/DilnozaNur_ijod

Жоним, керакми айт, шунча дард, ҳижрон,
Ва шунча азоблар, ва шунча оғриқ.
Ахир бизнинг қанча орзуимиз бор -
Сенга юрагимни этганман тортиқ.

Жоним, керакми айт, бизга шу ситам,
Керакми соғинчда сарғаймоқ ҳануз.
Керакми умримиз баҳорларини -
Тарк этмай изғиса мудраётган куз.

Жоним, тўкилганман, пойингга шундоқ,
Умримиз ўтмоқда гумонла абас.
Руҳим ва юрагим сеники инон -
Сочилиб кетмасдан териб олсанг бас.

11:36    5.12.2023

Men sizga bu kuzni yetaklab keldim,
Zarracha koʻnglingiz gʻamga choʻkmasin.
Dilingiz sog'inchdan entikib yana -
Koʻzingiz alamli yoshlar toʻkmasin.

Men sizga keltirdim, dil ila zarrin,
Quyoshning nuri-yu baxt yomgʻirlarin.
Azizim, qalbingiz entikib tinglar,
Mening muhabbatim barg shivirlarin.

Kuzning jilosidek sevgimiz rangin,
Rangin tuygʻularga ketdik qorishib.
Sizga boqqanimda dunyoning qalbi,
Har on boraverar tongdek yorishib.

Men sizga keltirdim, kuzni azizim,
Qarang, go'zallikning yoʻqdir poyoni.
Bilmagan qalblarga baralla ayting -
Kuz bu Ishq faslidir, kuz visol oni.

Toshkent-Navoiy. 1.09.2023 16:28

Dilnoza Abduhamidovahttps://t.me/DilnozaNur_ijod

Биз қадрли инсонларни доимо ўзимиз билан қалбимизда олиб юрамиз.

*© Шамс Табризий*https://t.me/DilnozaNur_ijod