السلام عليكم ورحمة الله وبركاته، معاكم نرجس وراح اشرح لكم تجربتي للتحصيلي ✍? وحصولي على درجة ف التسعينات (ماشاءالله ⚡)

أولا التأسيس? : كان من كتاب ناصر العبدالكريم لكل المواد ما عدا الاحياء كان من ملخص يلو

ثانياً الشروحات ??‍?:
فيزياء و ماث دكتوره فرح إبراهيم
كيمياء استاذ محمد العمري
أحياء دكتور طلحة

ثالثا التجميعات?:
التجميعات اللي ذاكرتها و فادتني هي : غشام+ بصمة فرح+ جهاد + افانين للكيمياء+ يلو للأحياء+ الحوت فترات
طبعاً في تجميعات مهمة مثل الكنز و القبطان وغيرها بس ما ذاكرتها لأني ذاكرت كثير ف حسيت أنه كافية الحمدلله

رابعاً مدة مذاكرتي⏱:
كانت مدة مذاكرتي شهرين ونص تقريبا
الفيزياء أخذ مني ٢٠ يوم تأسيس
الرياضيات شهر تأسيس
الاحياء ١٥ يوم تأسيس
الكيمياء ١٥ يوم تأسيس

خامساً ترتيب المواد?:
طبعاً أول شي ذاكرت كيمياء وبعدها فيزياء وبعدها ماث وآخر شي الاحياء

طبعاً الاحياء قبل اختباري الفترة الأولى ما ذاكرته كامل يعني رحت الاختبار وانا لسى ما خلصت تأسيس ف في الفترة اللي بين الاختبارين كملت تأسيس

سادسا طريقه مراجعتي?:
كنت بعد كل درس اشوف شرحه راجعه اذا خلصت عن طريق كويزات و ملخصات واذا خلصت المادة كلها حليت تجميعات وكويزات ثانية

سابعاً اشياء فادتني?:
طبعا الفيزياء ف الفترة اللي بين الاختبارين استغليت اني اطوره طيب كيف؟
دخلت دورة الاستاذ علي السبيعي كانت مدتها 9 ايام ومرررة حلوة كشرح ومدة وفيها اختبارات وأشياء مفيدة مرة ???.
وطبعاً في دفاتر لمحاضرات دكتورة فرح انا اعتمدت على دفاتر عزام مرة روعه ماشاءالله عليه

طبعا صح ما ننسى الربط للأحياء جدااا سهل عليي المادة و الدكتور طلحة كان يربط ويختصر والله روعه
وطبعا عندي قناة اسمها كويزات تحصيلي نرجس كنت دائما احط كويزات واختبر نفسي فيها وافيد غيري بها

تقريبا هذا كل شي اذا ذكرت أن شاء الله راح اعدل عليه وربي يوفقكم ويسعدكم يارب ?.

للاستفسار:
@NARGOOSH99

?قناة تجارب التحصيلي :
https://t.me/T7selyy99
? قروب التحصيلي :
https://t.me/T7sely
? قناة تسريبات التحصيلي:
https://t.me/T7selyy

وصح لاتشيلون هم التظليل لان كان مخرعني مره والوقت كذلك صدقوني مره فيه بركه ماشاءالله يعني لاتشيلون همه ابد بس لاتصيرون زيي انا نسيت ان التظليل مع الحل بنفس الوقت مره قعدت احل ولعلي فليتها بالمراجعه ونسيت اظلل القسم وعلى طول لحقت الحمدلله ولاتخافون من سالفة الايام وقت التسجيل لما يجي وقتها استخيروا ارجوكم استخيروا بعدها اختاروا الي تبونه لاني كنت بدوامه الافضليه بالايام مره كانت مجننتني بالبداية وطفشت رحت استخرت واخترت ايام من عندي وشي ثاني ترا مستوى الاختبارين بالفترتين واحد وحتى احيانا اسهل وكذا يعني تراه التاسيس واحد لاتخافون انه تغير شاسع لا بالعكس توكلوا على الله.
18. لاتهتمون للانحراف المعياري هذا الموضوع كان هاجسي وشغلي الشاغل ومسبب لي هلع ورعب لانهائي! حرفيا الي استنتجته مابتاخذ غير حقك باذن الله واحيانا زياده على حقك :)
19. اخيرا ادرسوا ادرسوا ادرسوا وابذلوا من قلب صدقوني لا انحراف ولا غيره بيغير درجتكم باذن الله واهم شي من ذا كله التوكل على الله والدعاء هذا الي اتفق عليه كل الي يكتبون تجارب سواء قدرات وتحصيلي الدعاء الدعاء والقرب من الله سبحانه جنّه يارب اجعلنا من عباده الصالحين وتحققون احلامكم وانتو قدها باذن الله ماعليكم من الهيصه الي تنقال تذكروا ان الله معكم قووا علاقتكم بالله سبحانه وبترضون بحول الله وقوته والله لو انهم حالفين بيوم يجيبون اسئلة من المريخ مايحلها ادمي صاحي وانت متوكل على الله سبحانه وداعي الله صدقني يا انسان ربي بيهيئ لك الاسباب يا بيلهمك الاجابة الصائبة بدون لا تدري كيف بقدرته سبحانه يا بيصير شي تطفى كهرباء او غيره ويتبدل كل شي بثواني ويتكنسل اليوم ويجيبون لكم اوراق سهله يعني لاتخافون الله معاكم باذن الله ولعلي سدحت لكم كل السوالف عن التحصيلي بس كذا حسيت ان ضميري ارتاح قلت لكم كل نقطه باذن الله اني مانسيت شي مسؤولية ههههههههه
اخيرا اللهم لك الحمد كما ينبغي لجلاله وعظيم سلطانه وماشاء الله تبارك الرحمن صدقوني بتعدون الاختبار بافضل درجة باذن الله واتمنى من كل قلبي اني افدتكم وجاوبت على الاسئله الي تتراود في ذهنكم او اني شلت عنكم قلق الاختبار لو بنسبة بسيطة وادعوا لي بالتوفيق والتيسير وبالتوفيق لكم واذ عندكم اي سؤال انا موجوده وبساعدكم باذن الله صدقوني الامور سهالات وبسيطه ان شاء الله ?
https://curiouscat.live/Bnyyywop

?قناة تجارب يسّر ( تحصيلي ) :
https://t.me/T7selyy99
? قروب تحصيلي ثانوي ( مناقشة) :
https://t.me/T7sely
? قناة تحصيلي ثانوي ( تسريبات ) :
https://t.me/T7selyy
-
? لمشاركة تجربتك أرسل هنا :
@T7sely99bot

لاتهتم لكلام الناس يعني ترا الناس تهوّل ومو كل شي انت تشوفه الناس تشوفه بنفس النظره كل واحد وله عقليته ونظرته انتبهوا تسمعون كلامهم :)
5. اقتنعوا ان الاختبار بسيط باذن الله سواء قدرات او تحصيلي بس فعليا فكرة لازم تقتنعون فيها ولازم تبذل مجهود عشان يعطيك نتائج خرافية تقعد تشكر الله عزوجل ثم نفسك طول حياتك باذن الله بمعنى لا تحط ببالك وتقتنع انهم اختبارات تعجيزيه عشان ماتصير فعلا تعجيزيه تفائلوا.
6. كان من احدى مخاوفي انه مايطلع نفس القدرات الاسئلة تجيك نفسها و ماتتكرر بالتحصيلي وعشت بدوامة سيئة من كلام الناس عنه هههههههههههه طلع نفسه لحد ما بس ذا مايعني تحفظون التجميعات بس :)
7. اذ جيت ثالث و ماخلصت القدرات Please relax انا بديت اذاكر القدرات اصلا من الاجازة الي بعدها اصير ثالث وخلصته بالترم الاول مدري الثاني من ثالث ماشاءالله تبارك الله موضوعه سهالات ان شاء الله بس لا تتأخرون اكثر..
8. لا تقطعون لاتقطعون لاتقطعون من المذاكره اذ مره مره يومين لثلاث ايام عشان ماتنسون هذي سر من اسرار الانتصار باختبارات قياس باذن الله.
9. مع كثرة الحفظ والفهم بتعرفون طريقة حفظ لكم مفضلة اعتمدوها زي انا مايناسبني التكرار والورقه والقلم اكرهه احسه تضييع وقت بالنسبه لي لانه مايناسبني كليًا البعض لا فبالتالي بتسهلون على نفسكم كثير و تسرعون بالانجاز ان شاء الله ودامكم ماتفضلون طريقة ما بالحفظ مابتحفظون وتضيعون وقت وبعدين تشوفون نفسكم ما انجزتوا وتنهارون انتبهوا للتفاصيل ذي او عادي اذ تحسون ماتعرفون كملوا بالطريقة الي تخليكم تنجزون قلت لكم هذي النقطه لان بعضهم يقولون جيبوا ورقه وقلم واحفظوا هم نيتهم زينه عشان تحفظون بس انا كان يجيني تانيب ضمير لاني ماكنت اسويها وماكانت تناسبني فاحفظوا بالطريقة الي تخليكم فعلا فعلا حافظين صم.
10. هونوا على نفسكم لا تحبطوا نفسكم وتقولوا لنفسكم كلام سلبي بمجرد ماتجيك فكرة سلبية فورًا اعكسها صدقني بترتاح بليز افهموا كلامي هذا مو مجرد كلام تحفيز وايجابية زائفة هذا كلام واقعي حتما لازم تطبقه بحياتك عشان تقدر تتأقلم مع الاشياء الي بتواجهها مستقبلًا وان شاء الله مانواجه غير كل خير.
11. مو كل يوم بيكون انجازك ١٠٠٪؜ انا كان انجازي بالاحياء سيء جدا جدا بشكل مو طبيعي كنت شوي وانفجر صياح لما الكل يقول الاحياء مادتي المفضلة واتمنى اختباري كله احياء كنت اقول هم وش يحسون فيه بعدها خلاص تعودت يعني وفعلا طلع سهل وهذا بفضل الله اولا ثم استاذ احمد سكول و ملخص يلو جزاهم الله خير.
12. وسيطروا على العامل النفسي بمعنى لاتتوترون وتخافون وتقلقون بزيادة ركزوا ماتقدرون تسيطرون عليه ١٠٠٪؜ لكن لاتخلونه يعطل انجازكم وبتجيكم ممكن لحظات تبون تتركون كل شي وتعطونه اقوى سكيب وقلت لكم فوق ح ر ف ي ا جاني استسلام مجنون حسيت بترك كل شي وفعلا تركت كل شي وصليت الوتر ودعيت بعدها نمت وصحيت و تعوذت من الشيطان وكملت لان لازم تكملون و لاتعطون المشاعر ذي اهميه واجد يعني خلوها تطلع يوم هه يومين بالكثير ثلاث ايام بس موب واجد تأثر عليكم وعلى انجازكم بشكل واضح.
13. لو طلعتوا من الاختبار وانتو عطبتوها لاتستسلمون ابدا ابدا ابدا ارجوكم ارجوكم اسمعوا كلامي ادعوا ادعوا كثير .. كثير كثير ازعل من من البعض لما من اليأس يتركون الدعاء مثلا لانهم نقصوا كثير ترا لذة الدعاء فعلا تجي بهالاوقات انك تكون يأست ورغم ذلك تدعي وباذن الله تستجاب و ياحبايبي ادعوا بالافضل دايم على حتى لو انكم قبعتوها ادعوا وبس وصح اختموا دعاءكم بـ " وانا بخير " وبس.
14. ونسيت شي ترا كنت اشرح للناس بالحوت القروب الخطييييييير والمخفي وغشام وتثبت المعلومة ان شاء الله كذا.
15. للمعلومية الزنقه جتني قبل اول اختبار فتره اولى لي وفكرت الغيه واكتفي بالثانيه بس الحمدلله ما الغيته عشان على الاقل لو عطبتها ارجع بفايده اني تدربت على طريقته
16. وللمعلومية ترا مش شرط مدرستكم تصير شرحها 100٪؜ وحلو عشان تجيب درجات بالتحصيلي لان حرفيا بالنسبة لي كانت مذاكرتي ذاتيه واغلبنا اصلا مع قياس كذا بمعنى اذاكر من نفسي ادور شروحات اساتذة باليوتيوب وهكذا يعني ماعليكم يالي مدارسكم شرحها سيء اصلا انا حرفيا اعدت هيكلة المنهج وشرحه من نفسي لاني انسى مره حتى لو شرحهم كويس.
17.

نجي لاهم مرحلة حرفيا ..
التجميعات باسرد لكم كل شي حليته بالبداية مع بعض بعدها بعلمكم الفتره الاولى وش الي خلصته من ذول والثانيه كذلك ان شاء الله

غشام -سايفر حق سنة ٢٠٢٢ وحق الفترة الاولى لـ٢٠٢٣ -بصمة فرح للفيز" ذاكرته وقت تاسيس الفيز بس حطيته عشان تعرفون" - الكنز ٢٠٢٣ - جهاد ٤٠٠س - الحوت الفترة الاولى والثانية لسنة ٢٠٢١ و تجميع الحوت الفترة حقت سنة ٢٠٢٢ لانهم مسويين تجميع لفترة وحدة لسنة ٢٠٢٢ -تجميعات مهندسة -تجميعات يلو

الفترة الاولى / بس ذاكرت غشام اهم تجميع واي شي ما افهمه اشوف شرح استاذ وائل السيد الله يسعده ويوفقه للرياضيات والي م اعرفه بالكيم اكيد الاستاذ محمد العمري وبالموت مداني اذاكر سايفر حق ٢٠٢٢ :)
الفترة الثانية/ جهاد٤٠٠س - حوت فترتين ٢٠٢١ - حوت الفترة حقت سنة ٢٠٢٢- سايفر ٢٠٢٣ فتره اولى - تجميعات مهندسة للفترة الاولى ٢٠٢٣- تجميعات يلو للفترة الاولى ٢٠٢٣ - الكنز لكل المواد ٢٠٢٣

لاتسمعون كلام الي يقول لاتكثر تجميعات حرفيا كل ماذاكرتوا زياده كل ماضمنتوا باذن الله درجة احلامكم وبس انتبهوا من الاغلاط..

——————

ودي اقول شي صار لي وقت دراستي للفتره الاولى المغزى منه لاتستسلم لما خلصت تأسيس رحت اراجع ووصلت للاحياء لقيتني حرفيًا ذاكرتي انمسحت رغم انها مده قصيره هنا شوي صار يتينثمثخثنيوثمثخثخثخ ومامعي وقت حرفيا ورغم ذلك سحبت عليه زياده لين لما خلصت تجميع غشام للمواد الثلاث الباقيه المهم لما وصلت لتجميع الاحياء لغشام لا اني الي حافظه ولا اني الي قاعده احل تجميعات المهم وعدت وبديت احفظه من جديد من ملخص يلو واحل تجميعات غشام للاحياء بنفس الوقت مع مسائل ناصر للاحياء طبعا كلها بنفس الوقت قمة الاحتراق الذهني زنقه وكدت ان اتعثر واستسلم تعرفون شعور اليأس لكن الله سبحانه كان معي ومع كل المسلمين الله معك يا انسان بس انت حس بذا الشعور واسعى وتخيلوا شي؟ قبل اختباري بيوم من الفتره الاولى خلصت حفظ احياء والبيئة وتجميعاتهم يعني المغرب خلصته تقريبا وبكره اختباري ورحت وانا سهرانه يعني حالتي حاله وعلى فكرة جتني اسئلة من الي ذاكرته باخر يوم قبل اختباري بالمحاولة ذي ماخلصت غير غشام والفجر حليت سايفر الملف حق ٢٠٢٢ انتو متخيلين؟ خلصت سايفر قبل اختباري بساعتين يا الله عفوك بس يعنني استزيد المهم محاولتي هذي حرفيًا كان ٦٠٪؜ دعاء ٤٠٪؜ مذاكرة وحرفيا جاء ببالي كل الافكار الشينه بس تعوذت من الشيطان وقلت دامني توكلت على الله ودعيته ليش اخاف واسترجعت املي بالله ان الله قادر مقتدر و المهم الوقت ما اسعفني اكمل غير غشام وسايفر والحمدلله توكلت على الله وصدقوني من توكل على الله ماخاب..
——————
"الاختبار كيف كان بكلا الفترات"
الفترة الاولى /
فكيت الورقه اكتشفت اني مكبره الموضوع انا انه صعب وتعجيزي وجنوني ومايحله كائن بس حرفيا اغلبه اغلللللللبه تجميعات وببساطة تجيبون درجات عاليه باذن الله كان اسئلته كويسه نوعا ما اللهم لك الحمد ماشاءالله تبارك الله + الاسئلة الي غلطت فيها ماذاكرتها لاني ماذاكرت الورقه الي مصورينها قبل اختباري وغلطت باساله تافهه لاني نسيتها وتافهه جدا برضو
الفترة الثانية /
ذي كانت اهون شوي من سواد الاولى الي كانت ضغط نفسي وشي قرف بالنسبة لي كان معي وقت اقوي نقاط ضعفي واراجع واحل تجميعات زياده..بالثانيه الاسئلة كانت زينة مره يعني الحمدلله ماشاءالله تبارك الله لكن فيه اسئلة بسيطة وغريبه هههههه بتشوفونها وقت تذاكرون ماهي صعبه بس لان اول مره نشوفها تجيك لخمه شوي بس لاتقلقون بليز.

لكن الاختبارين بشكل عام كانوا من ناصر وغشام بنسبة كبيره تقريبا وترا غالبا انت وانت تذاكر تجميعات زي غشام وناصر وغيره من الي ذاكرته ترا انت فعليا وحرفيا قدامك ورقة الاختبار هالشي ممكن يهون عليك كثير ويخليك تذاكر التجميعات من قلب
——————
بليز عشان فعلا تبدأ رحلتك مع قياس بشكل قوي ذي الاشياء والنصائح اقراها /
1. قووا علاقتكم بالله اول شي وقبل كل حاااااجة صلوا الضحى مره مره الوتر وكل يوم صفحة قران قليل مستمر خير من كثير منقطع ابتغاء للأجر اولا واخيرًا..
2. افضل واحلى وامتع مدة للتحصيلي ارشحها من ٥ -٦ شهور ثلاث شهور تأسيس شهرين و تجميعات ومراجعة ثلاث او العكس وفيه بعضهم يقول وين مره طويله المده لكن انا اذ رجع فيني الزمن بذاكر قبله بـ٥ الى ٦ أشهر مره افضل صدقوني مابتمرون بزنقة الكلاب ولا بتكرهون التحصيلي كره مفرط لانكم تذاكرون وانتم مستمتعين موب خايفين من الوقت!
3. مهم تمرنون يدكم على الحل مهم مره مره حتى القدرات ..القدرات او التحصيلي بدون حل مسائل كثيره اعذرني مابتستفيد ولا اااااااا شي وهذا الي كان حاصل معي بالفتره الاولى كنت شوي هه ما احل واجد يعني احل وحلي كويس لكن مو بسرعه لا اقعد افكر واحلل واخمن واختبارات التحصيلي والقدرات مايبون كذا يبون طخ طخ بوم بوم بسرعه بسرعه فاهم جدا ومرن بالحل.
4.

#تجربه
السلام عليكم ورحمة الله وبركاته اهلين انا خريجة ٢٠٢٣ ماشاءالله جبت درجة كويسه الحمدلله بالفترتين بس الثانيه افضل ماشاءالله تبارك الله ماشاءالله تبارك الرحمن
اول شي مابتكلم عن المصادر لان في حاجة اهم منها بمليون مره اشوفكم تسوون لها سكيب فعلا بجلدكم
وهو علاقتكم بالله سبحانه ارجوكم لاتسوون سكيب على الجزئيه هذي لان فعليا وحرفيا هذا اهم بارت لازم تقرونه قووا علاقتكم بالله عز وجل وصلوا الضحى تكفون صلوها لو ركعتين وادعوا بسجودكم يالله لو اقولكم ان كل دعاء بتدعونه بالصلاه بسجودكم بيتحقق؟ وانا متأكده بيتحقق تعرفون كيف متأكده ؟ لدرجة احمدوا الله بعد ماتخلصون دعاء لانه حقق لكم هذي الامنيه - رغم انها ماتحققت الحين لكن قريب بتتحقق - يعني شفتوا اليقين؟ ادعوا بيقين وصلوا الوتر وادعوا والحوا ياخي مافي ارحم من الله عليك يا انسان ..ادعوا وانتو موقنين بالاجابة يعني متأكدين ١٠٠٪؜ انها بتستجاب بحول الله لانكم تدعون مين؟ تدعون الي خلق الكون ذا كله ما يعجزه سبحانه ان يحقق امنيتك البسيطه يا انسان؟
لذلك ادعوا وصلوا الضحى والوتر وبصلاتكم المفروضه بسجودكم دايمًا وقبل لاتروحون اختباركم صلوا الضحى او الوتر حسب موعدكم و اقروا سورة البقره الي مايقراها بهاوشه اقروها ابتغاء للاجر والتوفيق باذن الله ولما تخشون القاعه قولوا اللهم ادخلني مدخل صدق واخرجني مخرج صدق واجل لي من لدنك سلطانا نصيرا والله يوفقكم وحاولوا تبعدون عن المعاصي لوجه الله وحوقلوا دايم وانتو رايحين للاختبار
ونبدأ بسم الله الرحمن الرحيم

——————

اول شي بديت بداية صدق بفبراير بعد ما فكوا التسجيل هنا حسيت الوضع بدا يصير جدي
المواد كانت الي بديت فيها بالترتيب فيز كيم ريض احياء

تاسست للفيز من الكوين فروحه اكيد تاسيسها القديم حق التسع مقاطع بس عادي تقدرون تشوفون شرحها لنسخة 2023
كنت مستغربه باول محاضره وحسيت اني من كوكب ثاني كيف تفهمون هالاشياء؟ كييييف! وخست فيها اربع ايام مدري خمس وبرضو ما استوعبتها ههههههههه بعدها مع الاستمراريه طلعت حلويات تقريبا تقريبا مذاكرتي شهر ورغم هالشهر ما اعتبر اني كنت توب بالماده الا بعد التجميعات والتدريبات ولعلي فليتها بتاسيس الفيز لاني كنت اماطل ولان الفيز اشياء ناسيه ٧٠٪؜ منها خاصة اولى هذا كان اساسي فيه سيء بشكل مو طبيعي لذلك ذا الشي خلاني اطووول بعد ماخلصت الـ٩ مقاطع حقت التاسيس وعدت تاسيسي بسلسلة الشروحات الي حقت المراجعة الي سوتها لسنة ٢٠٢٢ كانت ١٨ مدري ٢٠ مقطع وحليته تجميعها للفيزياء بصمة فرح
——————
نجي للكيم
تاسست من استاذ محمد العمري وعادي ترا بعد التاسيس تحس انك موب فاهم اللعب الصح بعد التدريب المكثف الكيمياء فيها اشياء لفظيه تنحفظ هي الي تخليني اول اطول ماده حليوه باذن الله احفظوا قوانين وعناصر وتعاريف وتصيرون ميه ميه فيها بإذن الله سبحانه..
——————
تأسست للماث من أ.عماد كتاب معاصر ٤ رغم ان على وقتي نازل ٥ بس it’s ok
الماده تمام صح قوانينها كثيره بس التكرار يعلم الشطار ترا يبغا له تدريب مره مكثف مرررررررررررررره ياجماعه بشكل وبالذات الماث حتى الباقي بس ذا خصوصا انا اعتبر بس اخذت اساسيات بسيطه بمدة قصيره بعدها تدربت لان ماحسيت احتاج اطول بالتأسيس والصراحة كان الوقت يادوبك وكنت حريصة اني اختم تجميعات واتدرب لانها حسيتها اهم بكثيييير لانها تلصق المعلومة فعلا يعني لو اني فعلا اعتمدت على مدة تأسيسي للرياضيات ذي القصيرة وكان الاختبار بس رياضيات والدرجة من ١٠بجيب ٢من ١٠لان فعليا مدة التأسيس كانت خربوطيه اهم شي التدريب هو الي عليه الكلام بعدها تدربت بناصر مهم مررره صراحة
اشوف يمدي تكتفون بناصر صراحة صح ان ترتيب المعلومات عند عماد مره افضل خاصة بالدوال ورسماتها ومجالها ومداها بس بالاسئلة ناصر وفروحه لانها تشرح المواد كلها او بكيفكم بس ناصر جايب افكار الاختبار نسخ لصق يعني وانتو تذاكرونه شوفوا ورقة الاختبار قدامكم جاني كثير مره مره م ر ه منه صراحة سواءً رياضيات او الباقي بس فعلا كنز وركزوا بالهوامش احفظوها صم وحدة من الاختبارات جاني سؤال دقرت فيه واحسبه جديد طلع من هوامش ناصر
——————
والاحياء
أ .احمد سكول
ذاكرت من مقاطعه لاحياء 1 نصها بس وبهالوقت كان عندي النبلاء لكن ماحفظت منه شفت عمر مسوي ملخص للاحياء وجبته وحفظت من ملخصه + مقاطع استاذ احمد لاحياء 3 كاملة وعلم البئه حقت سلوك الحيوان ونص احياء 1
سويت غلط كلفني كثير وقت وجهد ونفسية لما كنت احفظ الاحياء بما انه اخر ماده تحسون كسّلت شوي وصرت احفظ حفظ اي كلام بس عشان اخلص والحق اتدرب على التجميعات وذا غللللللللطططططط احفظوا زيييييين مره وحده عشان ماتقعدون تحفظون من اول وجديد زيي
——————
قبل ابدا تجميعات راجعت المنهج وسحبت على الاحياء لاني شفت حفظي الخربوطي راح هباء واجلته لين اخلص تجميعات المواد الباقيه وهذا الخطاء الثاني بمذاكرتي للاحياء وكانت ١٠ ايام اتوقع او اكثر ما ادري مراجعة

——————

✨التجربة التالية ↓

#تجربه

السلام عليكم الحمدلله جبت اعلى من الدرجة اللي تمنيتها وكله بفضل الله
اولاً التأسيس:
كتاب ناصر عبد الكريم مره حلو يجمع بين التاسيس و التدريب يعني كل سوال موجود في الكتاب مهم لازم تفهمونه
الرياضيات كنت اشوف قناة مهند
الكيم قناة محمد العمري
الفيزياء فرح
الاحياء ظافر القرني واعتمدت على كتاب ناصر اكثر

التدريب :
تجميعات غشام لكل المواد مره مهمه افهموها زين و احفظوها
وتسريبات سايفر برضوا جميله وطبعاً بين الفترتين ذاكروا تسريبات الاختبار اللي فات لان راح يجي منها وتسريبات اليوم اللي قبل الاختبار كلها مهمه
مدة المذاكره : ثلاث اشهر تقريباً لكن انصح اكثر لان ضغطت على نفسي كثير ف انتم لا تضغطون على نفسكم وابدوا قبلها ب ٤ او ٥ اشهر وبس والله
كنت احسب التحصيلي صعب و تعجيزي من كلام الناس لكن كان سهل الحمدلله وكان عندي اخطاء بعد وبس انتوا قدها ان شاء الله ??

?قناة تجارب يسّر ( تحصيلي ) :
https://t.me/T7selyy99
? قروب تحصيلي ثانوي ( مناقشة) :
https://t.me/T7sely
? قناة تحصيلي ثانوي ( تسريبات ) :
https://t.me/T7selyy
-
? لمشاركة تجربتك أرسل هنا :
@T7sely99bot

✨التجربة التالية ↓