دام وصلك فيه شي من المذلة
إعتبرني فرصةٍ جاتك و راحت

يا مطيح دمععتي ودعتك الله
و الله إنك طحّت معها يوم طاحت "

‏تقوّي ترا الخاطر لـ هاللحين باقي فيه
‏تعابير وجهك " قاطعتني " و أنا توّي

‏تزبّر ( دموعك ) في محاجر عيونك ليه !!
‏أوآسيك والّا أجرحك ولّا وش أسوي ؟

عز الله أني بري منك ياخلي
لك عدة أيام ماتطري على بالي

والله ماهوب كرهً لكن احسن لي
أتوب لله .. وأعدل على حالي

جهلت يوم الجهل .. ضلا خويٍ لي
قطعة خوي إللي يهين الحال والمالي

وشلون اجاملك وأنا أصوم وأصلي
وأخاف ربي ودمع العين همالي

وليّا ذكرت الجهل ولا تخيل لي
أخذت ساعه وأنا في مخرمً خالي

اجاهد النفس واصلاها على الملّي
واذكر مقام البشر في يوم الأهوالي

في يوم لا ماء ولا ماؤى ولا ظلّي
لا ثوب لا بشت لا غتره ولا عقالي

مادام ذي أخرتها ليش ترسلي
لعاد ترسل ولا ياصلك مرسالي

ثوب الدنس ياعشيري مايفصلّي
ماهو مقاسٍ علي ولا على أمثالي

مصلح بن عياد.

طوينا الصفحه اللي مالها موقع من الأعراب
تعايشنا و عدينا الزمان الشين بـ أعجوبه

مواقفنا عن المجد المشرف مالها مجناب
و أسامينا على مر الزمن ما هي بمحجوبه

تقدمنا بقو عزمونا لو الظروف أحزاب
نكافح و الضعافه عندنا ما هي بمرغوبه

قليل المعرفه ما يفرق العدوان و الأصحاب
ليا منك نصحته حك عرقوبه بـ عرقوبه

عسى ربي يوسع رزقنا مع كل فكه باب
قبل لا ننشغل في حاجه ما هي بمكتوبه .

‏عفى الله عن صدرٍ من الوقت لو ينهار
مايشكي مُعاناته على بعيد وقريّب

ليا حس في حزنه توارى عن الأنظار
ولا يوقع مّن همومه وضيقه قريّب

معه قلب ذيب ونفس طير وعزم وإصرار
ومعه حسن خلقٍ لا يعذرب ولا يعيّب

لو تحطه الأقدار ما بين نار وغار 
ماهوب متردي كان ماهوب متطيّب .

‏حتى جدار البيت يا سيّد البيت
‏من كثر ما يبكيك شوفه تصدّع
‏وأنا على شماغك بكيت وتلوّيت
‏وأقول من يزهاك بالطيب ودّع