Больш не будзе адбывацца танцаў, толькі рэпетыцыі музычнай капэлі і танцавальнай суполкі.

Дзяк, што былі з намі з пачатку 2022 года!

Мы працягнем сваю дзейнасць у іншым фармаце.

На вялікі жаль, як і год таму, я сутыкнуўся з поўнай інфантыльнасцю беларускай суполкі наконт беларускіх народных танцаў.

Калі не паважаеце тое, што я даю вам свой вольны час, каб павучыць вас этнахарэаграфіі, паграць на дудзе, і гэта ўсё БЕСКАШТОЎНА, то выбачайце, я буду займацца толькі з людзьмі, якія мяне цэняць.

Вячка Красулін

Вох, юнае стварэнне!

Ты маеш магчымасць паслухаць надзвычайны артэфакт беларускай андэграўнднай культуры, якая гадавалася ў найлепшых сутарэннях рэпетыцыйных баз пры заводах горада Мінска.

Мы былі (і застаемся) амбіційнымі, хацелі зладзіць адметны канцэрт у нашай сталіцы, нават атрымалі гастрольнае пасведчанне (тупая бюракратычная паперка, без якой ты нават пёрнуць не маеш права са сцэны), але кавідная пандэмія пераламіла нашыя планы.

Рыхтаваліся да таго канцэрта (да й да тура летам 2020) мы сапраўды грунтоўна. Але вірус і выбары 2020 года ў Беларусі нарабілі нам перашкодаў. Пасядзеўшы за пляшкай піва наша банда вырашыла, што варта запісаць нашу канцэртную праграму ў студыі. Без ніякіх хлуслівых прыёмаў. Проста пачкай. Як яно і гучала б ужывую. Сказана-выпіта-зроблена.

У верасні 2020 года гурт перастаў існаваць як адно цэлае. Неўміручым голасам застаецца Вячка, піша гэтыя радкі і спадзяецца, што гэты “Апошні канцэрт у Мінску” прыйдзецца Табе даспадобы. Мы стараліся.

І да сустрэчы ў Менску!

🔥Spotify

Вітаю! Раптам некага зацікавіць)