Sizlardan so'ralgan ma'lumotlarni tashlab beringlar Hurmatli ishtirokchilar.

@students_tanlov_admin ga o'zingiz ovoz yig'adigan materialingizni, o'z FIO ngiz va telefon raqamingizni jo'nating.

Assalomu Aleykum. Tanlov ishtirokchilar diqqatiga :

"Сув текин эмас"
Андижон вилояти Республикамизнинг энг кичик вилояти бўлиб, унинг майдони 430 минг гектарни ташкил қилади, бу дегани Республикамизнинг атига 1 фоизини, ахоли сони эса  Республика ахолисининг 10 фоизини ташкил қилади.
2023 йил 1 апрель холатига 3 млн. 338 минг нафарни, 1 квадрат километрга эса 776 нафарни ташкил қилиб, Андижон вилояти энг ахоли зич худудлар сарасига киради.
Вилоятнинг асосий сув манбалари Норин дарёси ва Қорадарё бўлиб, ушбу сув манбаларидаги сувлар Республикамиздан ташқарида шаклланади ва бу кўрсаткич 90 фоизни ташкил қилади. Қолган 10 фоиз сув ресурсларимиз эса вилоятнинг ўзида шаклланади.
Ахолига ичимлик сувини етказиб бериш учун асосий сув манбаси бу Қорадарё ўзанига қурилган Андижон сув омбори бўлиб, ичимлик суви учун йилига 95 млн.кубометр сувни етказиб беради. Қолган 131 млн.кубометр сув ер ости қудуқларидан оланди.
Ушбу сув миқдорини ахоли ичимлик ва маиший эхтиёжлари учун фойдаланилади ҳамда сув манбасидан ахоли хонадонларигача сувни етказиб бериш учун 9 186 км сув қувурлари, 1709 дона сув иншоотлари, 2140 дона ер ости қудуқларидан фойдаланилади.
Юқоридаги сув объектларига хизмат кўрсатиш учун вилоят бўйич “Сувоқава” унитар корхонасининг 1360 нафар ходимлари хизмат қилади. 1 кубометр сувни ахолига етказиб бериш давлатга 520 сўмга тушади ёки 1 литр сув хасобида олсак, унинг таннарҳи 0,52 сўмга тўғри келади.
Муҳтарам юртбошимизнинг Сурхондарё вилоятига ташрифи чоғида мамлакатимиздаги сув муаммоларига тўхталиб, “Сув текин эмас” деган ғояни аҳоли онгига чуқур сингдириш лозимлигини таъкидладилар. Шунингдек, жорий йил 29 ноябрь куни Президентимиз томонидан ўтказилган селектор йиғилиши айнан сув масалаларига бағишланди. Демак, давлатимиз раҳбарини ташвишлантирган масала нафақат давлат хизматчиларининг, балки ҳаммамизнинг, бутун ҳамжамиятнинг масаласи бўлиши керак ва сувнинг ҳар бир томчисидан унумли фойдаланишимиз, уни исроф қилмаслигимиз, қадрлашимиз керак бўлар экан. Бу қараш кундалик турмуш тарзимиз қоидасига айланиши керак, сувга бўлган муносабатимизни тублан ўзгартиришимиз керак бўлади. Уйимиздаги жўмракдан оқаётган сув ўз-ўзидан эмас, балки давлат томонидан бюджет маблағларидан сарфланаётган маблағлар хисобига келаётганини хис қилишимиз керак бўлади.
Кези келганда шуни таъкидлаш жоизки, хадисларда келтирилишича, хатто дарё сувидан таҳорат олиш учун  фойдаланганимизда ҳам эхтиёждан ортиғи исрофга кираркан.
Биз ёшлар, талаба ва магистрлар, айниқса, сув соҳаси йўналишида тахсил олаётган ёшлар сувнинг ҳар бир қатраси азиз эканлигини, уни исроф қилмасдан самарали фойдаланишни тарғибот қилишимиз керак бўлади.
Бунинг учун эса ишни ўзимиздан бошлаймиз!
Ичимлик сувларини ховлиларга бехуда сепмаслик қовун-тарвузларни совутиш учун сув жўмрагини соатлаб очиб қўймаслик, очиқ қолиб кетган кўчадаги жўмракни бураб беркитиб қўйиш, сувга хисоблагич ўрнатиш ва сув учун тўловларни вақтида амалга ошириб бориш ишларида ўрнак бўламиз. Доно халқимиз “Сув бу ҳаёт”  деб бежиз айтмаган.
Сув бу Аллоҳнинг неъмати, уни исроф қилмаслик эса ҳаммамизнинг муқаддас бурчимиздир.