«Яхь иманах йу, ткъа хьагl мунепикъаллах йу. Бусалба стаг яхь йолуш хуьлу, хьагl лелош ца хуьлу, ткъа мунепикъ стаг хьагl лелош хуьлу, яхь йолуш ца хуьлу.»

Фудайл ибн lийад

Берриге хастам Хьуна букъ Йа АллахӀ! Ма гойту-кх Ахь Хьайгахь бен паччахьалла цхьаьнгехь доций! Ма дӀахоуьйту-кх Ахь, Ницкъ Хьайгахь бен боций! Стенгахь ду 54 шарахь Асадаьра латтийна паччахьалла? Стенгахь ву Асад? Стенгахь бу дуьнена паччахьий ду шаьш боху цуьнан доттагӀий? Стенгахь бу дуьнена элий шайх тарделларш? Стенгахь бу уьш? АллахӀа сийсаз би уьш! АллахӀа барт бохий царна юккъера! АллахӀа шен лайшна гӀодеш дуй шайна гича, ца бо цара бусалбанашца тӀом, шаьш долчахь герзанаш охьатуьйсе бовду уьш. Йа цхьа гӀоьнча ца хуьлу царна вала. Цундела ю керистан уггаре йоккха Ӏалашо - бусалбанеха барт бохо! Вайн барт хилча АллахӀа вайна толам лой хууш бу уьш.

Суна сайн дахарехь цкъа а хезна йоцу къизаллаш, цкъа а суна дага а ца деана долу хӀуманаш, хила йиш яра-кх аьлла сан дог теша а хала долу хӀуманаш девзина суна кху шина дийнахь, и инзаре хӀума ду, суна ца хууш бусалба наха ловш йолу халонаш, уьш хьийзор, уьш байар, цхьа а адамалла йоцуш, акхароша а лелор йоцу къизаллаш царна тӀехь лелор, лелийна гина со чӀогӀа Ӏадийна кху шина дийнахь... Цхьана а хӀуман тӀе ойла йоьдуш яц сан, хӀора минотехь аьлча санна царна ойла еш, цецвийларан доза дан а дац, «ва, муха?» боху хаттарш коьртера довлуш дац, йа АллахӀ, баккъал а, ма бӀаьрзе хиллера со, хӀара хьал Ахь суна ца гайтинехь, баккъал а хӀумма а гуш дацара-кх суна.

Суна ца хаьа, хӀара дерриг гича а бусалба волчуьнан дог меттах ца далахь, цуьнан и кхин муьлхачу меттехь меттахдер ду. ХӀара къизаллаш гича а бусалба волчуьнан мостагӀалла, цабезам цу боьхачу жӀаьлешка карзах ца балахь, суна ца хаьа цуьнан и кхин мичахь меттахбер бу...

АллахӀа доллу дуьнен тӀера бусалба нах маьрша бовларана юьхьиг йойла хӀара! ТӀаьхьа тӀе мелла богӀу толам хьалхарчулла боккха беш! АллахӀа маьрша воккхийла хӀора бусалба стаг! АллахӀа маьрша йоккхийла хӀора бусалба пачхьалкх! АллахӀа маьрша йоккхийла герга йолу ханчохь Палестина! Сийлахь болу толам баларца! АллахӀа барт чӀагӀбойла массо бусалбанна! АллахӀа нийсонна тӀехь чӀагӀдойла вай! АллахӀа тодойла вайн хьолаш! АллахӀа нисдойла вайн дегнаш! АллахӀа чӀагӀбойла вайн кӀажош, кху нийсонан новкъахь!

Я АллахI бIаьрга негIар тоххала йолчу ханчохь хьал хуьйца-кх Ахьа!

Дуьне мел ду дIасабахан хиллачаьрга кхайкхам бу "МАЬРША СИРИ МОХК ШУ ЛАРДЕШ БУ-КХ".

бакъ ду юкъарадийларш дуккха а дара, цхьа а минот ца йолуш дарс чекх далара-м цхьа доккха хlума хетара..

заметкаш чу язйина хlинца а лаьтташ ю Бухарийн хьадийсаш доьшуш юкъара йилина хенаш

хиш диттина жинех, сихьрах цlан вала лууш волчо лерина ладогlа дезаш