( توسل بالقاسم ابن الإمام الكاظم عليهما السلام )

نخوه نخوه سيّدي يالقاسم ****جينا بالحاجات مدينا الچفوف
وانتَ حاشى سيدي اترد الضيوف
نقسم اعليك بقسم ياهالعطوف
ابحق ضلع الحسين ويّا فاطم ***نخوه جينا لك اومدمعنا جرى
نقسم اعليك ابمصاب الطاهره
زينب اخت احسين ذيچ الصابره
بضعة الكرار هيبة هاشم **دخيل جينا بالحسين او مصرعه
وجاه عباس الوگع عالمشرعه
اللي غايب رده لينا ورجعه
لعيلته رده ولينه سالم **ابقسم جينا والقسم جدًا عظيم
ابجاه امّك فاطمه اوبوك الكريم
شافي كل وجعان مولاي اوسقيم
واحفظ إلنا سيدي كل خادم **نخوه نخوه سيدي بجاه الرضا
كل مريض اليوم شافي له امرضه
بجاه من جثته رميّه امرضضه
اوخذوا زينب عالهزل للظالم *****يا شبل حيدر الساكن بالغري
كل موالي اليوم نادى اوجعفري
يمتى يطلع لينا ابن العسكري
بطلعته ايحل الفرج عالوادم

تمَّت بحمد الله و منّه
الثلاثاء: 20 / 5 / 1445هـ
العبد المقصّر: سجاد ناجي العديل

https://t.me/sajjadnaji2015

( أحوال الإمام علي عليه السلام في فقد السيدة فاطمة الزهراء عليها السلام )

حيدر ينوح دمعه مسفوح
ابفرقة الزهره الحزينه قلبه مجروح ****الله يساعد بوالحسن في هذا المصاب
حين اللي غسّل فاطمه اوعاين للصواب
شاهد صدرها امن العصر يا وسف منعاب
والوجن من ضرب الرجس أحمر اومنصاب

سطره عالعين ابوجه أمّ الحسين
اوشهق شهقه هالولي اتذوّب الروح ****من بعد ما أنهى الغسل سيْد الوصيين
نادى على أولاده تعالوا حسن ياحسين
يا زينب الحرّه با بت سيد الكونين
ودعوها أمكم فاطمه خير النساوين

لفوا بالآه ويلي ويلاه
راحت امنا اومنها بويه المتن مجروح ****تالي حمل نعش الطهر والدمع غدران
شاله معاه المقداد اوعمار اويه سلمان
واشلون حال الدفن روحه وسط تربان
الله يساعد بوالحسن في هاي الأحزان

ايقوم وايطيح مدمعه ايسيح
حاله صعبه اوما يوفّي وصِف وشروح ****عقب الدفن تالي رجع بوالحمله داره
اودمعاته فوق اخدوده بالحسره اتجاره
لن زينب اتصيح اوقلبها بانكساره
باب الزچيّه للحشر ما تطفى ناره

تبقى الاوجاع ويّ الاضلاع
اودم صدرها من أذى المسمار ما ايروح ****راحت الزهره اوصارت العيله حزينه
اوحيدر ينوح اويصفق ايساره ابيمينه
ويقول ظلمه اوموحشه الدنيا علينه
اوياريت عمري قبلچ اتقضّت اسنينه

يلطم الهام ويّ الايتام
اوزينب امن البچي منها الصوت مبحوح ****الله يساعد زينب الحرّه النجيبه
أمها افقدتها اوعالطهر ظلّت كئيبه
اوبالسيف باچر ينطبر ليث الحريبه
اوچبد الحسن تتقطّع ابسم المصيبه

احسين مطروح اوكلّه اجروح
ويلي وامن القفى لن اتشوفه مذبوح

تمَّت بحمد الله و منّه
العبد المقصّر : سجاد ناجي العديل
يوم السبت : 13 / 5 / 1446هـ

https://t.me/sajjadnaji2015

ابوذيات استشهاد السيدة فاطمة الزهراء عليها السلام

شعدد منْ رزايا امي وأَلْمّها
العدو بالسوط ياوسفه أَلْمّها
تجر ونّتها دايم ويَّ المّها
وتنادي ابصوت ياخير البريّه

الجمعة 26 / 10 / 1441هـ

مصايب فاطِمه الأعظم و (أمرها)
والأصعب منها ياويلي و (أمرها)
العصابة لمن الطاغي (أمرها)
تحرگ الدِار عالزهره الزچيّه

السبت 17 / 8 / 1441هـ

https://t.me/sajjadnaji2015

( قصيدة لشهادة سيدتي ومولاتي السيدة فاطمة الزهراء عليها السلام )

يا مولاتي يالمظلومه ***جينه الليله نصرخ جينه
يا مولاتي لا تخلّينا
نقسم اعليچ ابْمهدينه
نريده يحضر لينا يومه ***يا مولاتي ردنه الخدمه
و موته ابمجلس أبواليمه
و كل امْوالي هذا حلمه
يموت بْمجلس للمعصومه ***وفقينا نبچي لمصابچ
لحرگت دارچ ويَّا بابچ
و سيلة دمّچ فوگ اعتابچ
و محسن هالخر ويّا ادمومه ***ياللي ابحبكم الله خصنّا
نشكر ربنا اعلى المنّه
و بالمحشر ندخل بالجنّه
و الشيعي تنجلي اهْمومه ***يا مولاتي كلنا نحبچ
وفقينا نبگى في دربچ
نوصل يا مولاتي گبرچ
و توضح النا كل ارسومه

تمَّت بحمد الله و منّه
6 / 4 / 1443هـ
12 / 11 / 2021مـ
العبد المقصّر : سجاد ناجي العديل

https://t.me/sajjadnaji2015

( توسل بالسيدة فاطمة الزهراء عليها السلام )

نخوه بالزهره الزچيّه
و بعلي حامي الحميّه ***نخوه بالزهره البتوله
وبعلي راعي الحموله
والمحب رايد تجو له
إجِا ابدمعاته الجريّه ***دخيل بالمجتبى ولدچ
ونّته الحْسِين بعدچ
وابضربهم فوگ زندچ
وزينب الحره الآبيّه ***نخوه يافاطمه ابحيدر
والدمع منّا يتحدر
والطفل ياويلي الخر
محسنچ فوگ الوطيّه ***نخوه نخوه يالحنونه
المحب رايد تجونه
ابزينب الحره المصونه
الركبوهـا اعلى المطيّه ***بالسبي للكوفه راحت
العلي يابويه صاحت
السما والأملاك ناحت
تبچي و الحسره شجيّه ***ادخيل ياحيدر ابصبرك
وبالحبل هالفوگ نحرك
شلون للزهراء تترك
كلّه من حبل الوصيّه ***نخوه ابحيدر يازهره
اوحين طحتي على الغبره
والنبي يبچي ابگبره
ينعى ابونْته الخفيّه

لخادم العتره الطاهره
سجاد ناجي العديل
الأثنين ١ / ٦ / ١٤٤١هـ

https://t.me/sajjadnaji2015

( نخوه بالصديقة السيدة فاطمة الزهراء عليها السلام )

نخوه يا أم احسين يالمقهوره ****على بابچ يالبتوله قاصدين
لاتردينا يازهره خايبين
بجاه مولانا أمير المؤمنين
كل مُحب عندچ قصد بانذوره ****نخوه يا أم حسين فرجي شدتي
لاترديها يازهره طلبتي
حاجتي عندچ تراها حاجتي
ابحق ضلوعچ فاطمه المكسوره ****دخيل يازهره اوعليچ المُعتمد
منهو غيرچ نقصد ابوقت الشدد
فاطمه يا فاطمه نرجوا المدد
كشفي الشدّات يا معصوره ****يا زچيّه انصيح والمدمع همول
اقضي الحاجات يا بنت الرسول
اونبغي الباري يبلّغنا الوصول
قبر ابوچ اونشم زاكي اعطوره ****لاترديني ولا اتردي الحضور
يا زچيّه سَهلي هاي الأمور
نقصد البوچ النبي كلنا اونزور
بالمدامع فاطمه المنثوره ****فاطمه والله تعبنا امن الزمن
يمتى يطلع حجة الله ابن الحسن
نعتني مشّايه لچ كلنا ابشجن
اونجي قبرچ فاطمه وانزوره

تمَّت بحمد الله و منّه
1445هـ
العبد المقصّر: سجاد ناجي العديل

https://t.me/sajjadnaji2015

( نزلة في حق كريم أهل البيت الإمام الحسن المجتبى عليه السلام )

ما نعوفك يالأمين
يا مُعزَّ المؤمنينْ ****سيّدي جاتك تنادي شيعتك
حاشا يا مولاي تنسى امصيبتك
سمّتك جعده اللعينه زوجتك
بأثر سمها گطّعت لك چبدتك

ما رعوك الظالمين
يا مُعزَّ المؤمنينْ ****سيّدي ننساك هذا مستحيل
لك نقَدْم الرّوح مولايه قليل
ولو ردت مولاي من عدنا دليل
هالمجالس إلك نعقد يالجليل

انقيمها ابمرّ السنين
يا مُعزَّ المؤمنينْ ****يا إمامي يا نسل خير البشر
اليحبّك نجى والله من سقر
عنده الميزان راجح بالحشر
لانّه متمسك ابدربك يا ذخر

مثلك انحصّل امنين
يا مُعزَّ المؤمنينْ ****سيّدي تبقى منار العارفين
لو ما أنتَ الناس چانوا ضايعين
ابفضلك اوعلمك هديت العالمين
نهجك البيّن لنا الحق واليقين

على نهجك سائرين
يا مُعزَّ المؤمنينْ ****يا ابومحمد سيّدي يبن الرسول
بوك حيدر وأمّك الزّهره البتول
عن مقامك سيّدي شاللي نقول
أنتَ حيدر سيّدي فحل الفحول

بالشدد لا ما تلين
يا مُعزَّ المؤمنينْ ****سيّدي يا رابع أصحاب الكساء
بالصلح أسست ثورة كربلاء
سيّدي لولاك ما قام العزاء
اونبقى في كل عام نحمل للواء

عالشعائر ثابتين
يا مُعزَّ المؤمنينْ ****
تمَّت بحمد الله ومنّه
كربلاء المقدسة : ١٤٤٦هـ
العبد المقصّر : سجاد ناجي العديل
https://t.me/sajjadnaji2015

( ذلك و من يعظم شعائر الله فإنها من تقوى القلوب )
قصيدة لاستشهاد الإمام الحسن المجتبى (عليه السلام)
-----------
فامان الله يابومحمد يانور العين
انا اوخيّك صد ليّه انا الحسين

تروح انت ياخويه وينكسر ظهري
القلب يلهب وانت اساندي من صغري
على الحلوه وعلى المُره حسن تدري
تعايشنا ولاتتركني خويه الحين

على جدي وعلى امي شكثر صحنا
وانا و زينب چنه انجيلك اتلمنا
وبعد حيدر بيك احنا تحزّمنا
منو النا وبعد ساعه بيجيك البين

لايتامك شقول انا يابومحمد
على فرقاك تبچي والحزن سرمد
وجرح زينب حاشا يالحسن يضمد
تحن لجلك وعلى امصابك تجر اونين

صدق خويه انا اقضي بسبب لسموم
لچن يومك ياخويه ما مثيله يوم
يذبحونك لاعادي خويه يا مظلوم
او ابصدرك يتربّع عدوّ الدين

ياخويه حسين تقرّب ليّه يالغالي
اريد اوصيك قبل لا أگضي آجالي
بعد عيني ياخويه الزينب الوالي
اكفلها لا تدخَّل بعدك ادواوين

بعد ذبحك يانور اعيوني والالآم
يودّوها العزيزه اوخيّتك للشام
يوقفوها الأعادي ابمجلس الظلاّم
بحبل واحد خواتك كلها متربطين

اوگلّه يالحسن باچر يظلمونك
بعد موتك اهانه وضيم ايسمعونك
والف مره بقساوتهم يهينونك
وقبرك يالاخو ايطوله حقد السنين

لَچن حالك ياخويه يفجع الوادم
بعد موتك قبرك ما يظل سالم
يهدمونه اويروعون الطهر فاطم
بلا قبه اومناره اوحضره وامعزين

صدق چبدك من اسموم العدى ذايب
لچن خويه ابياخذ ثارك الغايب
اوثار اللي قضت منها الضلع عايب
بعد ما سقّطت فوق العتب لجنين

حسن الناصر
https://t.me/HassanAlNasser
سجاد العديل
https://t.me/sajjadnaji2015

1445هـ

( توسل بالإمام الحسن عليه السلام )

نخوه نخوه بالإمام المجتبى ****جينا جينا سيّدي اوعدنا طلب
بجاه خدر الهاشميّه اللّي انسلب
نريد نعلي ابمرقدك اربع گُبب
اونبني ابصحنك مناره امذّهبه ****والله يا مولاي تعبّنا الزّمن
جينا هاليوم اوننادي يالحسن
نريد تكشف عنّا أهوال اومحن
اوكل محب هاليوم يحضى ابمطلبه ****سيّدي مولاي يا باب المُراد
جاتك الشيعه تنادي بْعتقاد
يا عماد الدّين ويْ أصل الرشاد
و اللّي جالك سيّدي ما تخيّبه ****ياللّي وسفه گطّعوها چبدتك
جات هالليله تنادي شيعتك
بالبواچي و النواعي الحسرتك
نخوه نخوه يا كريم أهل العبا ****نخوه يالمدفون في أرض البقيع
أوصل ابگلبي الگبرك يا شفيع
جيت انخى والگصد لك ما يضيع
اويظل دمعي على امصابك اسكبه ****كلنا جينا سيّدي ابابك وگوف
حاجه عدنا اونعتني ابمدّ الچفوف
نخوه باللّي منذبح برض الطفوف
اوباللّي أخذوها سبيّه امسلّبه ******سيّدي اوگرّب علينا الأربعين
نريد نمشي اونوصل احنا للحسين
والله ما رحنا إمامي من سنين
الشيعه والله ابهالبُعد متعذّبه

تمَّت بحمد الله و منّه
يوم السبت : 06 / 02 / 1444هـ
الموافق : 03 / 09 / 2022م
العبد المقصّر : سجاد ناجي العديل

https://t.me/sajjadnaji2015

نخوه في رثاء كريم أهل البيت الإمام الحسن عليه السلام

نخوه نخوه يالحسن يابن علي **على بايك سيدي جينا وگوف
يمتى تستقبلنا مولايه ضيوف
نشوف گبه لمشهدك بيها نطوف
بالكرامه الحسَنيّه يالولي **سيدي يمتى نوّصل مشهدك
كلنا نتشرّف بخدمة مرقدك
كلها هالليله الشيعه نادتك
عجّل النا بالفرح يابن علي **كل موالي الليله نادى بدمعته
يمتى يامولاي تفرّج شدّته
سيّدي و المرض طالت مُدته
كل همومه الليله رايد تنجلي **دخيل باللّي داسته اخيول العدى
وجثّته ظلّت ثلاثه اموسّده
امصيبته كل عام بينا امجدده
بهالمصايب يادموعي اهملي **نخوه نخوه باللّي راحت عالأسر
من بعد ذبحة اخوها بالظهر
و هْيَ عالناگه و تلطم بالعَشُر
بعد كافلها اويلي تنولي **تندب اوخوها تشوفه اعلى الثره
العدو يضربها واهي خوها تَرى
مثل اختكم ماسمعنا امخدّره
وهي تنادي اوتندب الكم ياهلي ***سيدي والمهدي طالت غيبته
يمتى يظهر و إلنا تضوي رايته
و المُحب بالعين سالت دمعته
وابظهوره الفتن كلها تنجلي

خادم العترة الطاهره
سـجـاد نـاجـي الـعـديـل
تمَّت يوم الاربعاء : 21 / 4 / 1441هـ
آخر تعديل يوم الاربعاء : 5 / 2 / 1442هـ
https://t.me/sajjadnaji2015