Кеч шомгача югуриб елиб,
Уй вазифа қолди токчага
“Рус тили”да муаллим келиб,
Каминани чорлар доскага

Тилим тортиб қолди шу куни,
Билганимни дилимга босдим
Тўпиғимга олмай кулгуни,
Доскамизга бир сўзни ёздим

Кулишарди, синфдошларим,
Қалтираган қўлимга қараб
Бир туйғудан мағрур бошларим,
Кўтарилди, қўллагин ёраб...

У кунларки, ўтмишдир бироқ,
Ғурур туяр тутиб дилимда
Доска, ҳамда юракка у чоғ,
ВАТАН ёздим ОНА ТИЛИмда

21 октябрь - Ўзбек тили байрами муборак бўлсин! Ҳурмат ила
Отабек Ўрмон
https://t.me/otabeknobel

Бир кинодаги севги тарихидан илҳомланиб ёзилган шеър

Кўришмадик. Бермадик салом,
Сўзлашмадик, кетавердик жим
Тилимиздан учди на калом,
Ахир бизни кўрар эди ким...

Учрашмадик. Хиёбонларни,
Орзуларга этмадик асир
Куйдирмадик ўтда жонларни,
Бизларни ким тутарди ахир...

Севишмадик. Ҳижрон боғида,
Қўл ушлашиб сайр этмадик
Оҳ урмадик ҳажр доғида,
Аро йўлда ташлаб кетмадик

Соғинмадик. Чекмадик нола,
Бир замонда яшадик, бироқ,
Қанча яқин бўлсак бегона,
Қанча олис бўлсак яқинроқ

Айрилмадик. Дил сиримизни,
Учрашганда айтамиз дедик.
Асли излаб бир-биримизни,
Бу дунёда топмаган эдик...

PS
Кўришмадик, учрашмадик, севишмадик,
Соғинчларсиз, айрилиқсиз аҳволимиз,
Биз ошиқлар минг йилларки тополмаган,
Муҳаббатнинг саволи йўқ, жавобимиз!

Отабек Ўрмон
10.10.2024.
https://t.me/otabeknobel

NURJONA
Shodmonqul SALOM she’ri

Rejissor:
Erkin Bozorov
Tasvirchi:
Nosirjon Otajonov
Aktrisa:
Lobarxon Mamadjonova
https://t.me/otabeknobel

9 май - Хотира ва қадрлаш куни.

Тарих – бу хотира дегани, ўтган аждодларнинг шонли ишларини эслаш, ўтмиш воқеаларидан тўғри хулоса чиқариб яшаш демакдир.
Ушбу кун раҳматли Отажоним ҳақида ёзилган шеъримни улашаяпман, ўтиб кетганларни жойлари жаннатдан бўлсин.

Ота

Ота йўлга чиқдим сизни хотирлаб,
Бугун сокин ётган кошонангизга.
Кўз ёшим қоларми етишгунимча?
Изларингиз турган остонангизга.

Чертмадингиз қилсам-да шўхликларимни,
Бош ўғлим дедингиз, юрсин эркалаб.
Қанийди бир ўқисангиз тўртликларимни,
Ўзим ўқиб берай ҳар кун эрталаб.

Мен қандай босаман сизнинг ўрнингиз?
Бобо бўлолмайман неварангизга.
Шунча қисқа эдими ўтган умрингиз?
Илоҳим қўшиб берсин чеварангизга.

Эккан дарахтларингиз бўй чўзиб анча,
Салқинда ўтирибмиз сизни олиб ёд.
Қабрингиз ёнига экдик бир арча,
Сояси бу жойни айласин обод.

Ҳовлимизда юради онам мўлтираб,
Сиз ўтирган жойга қарайди зимдан.
Ота йўлга чиқдим сизни хотирлаб,
Қайтишда дуони оламан кимдан?

Ота йўлга чиқдим сизни хотирлаб..
https://t.me/otabeknobel

Бугун

?Толибжон Исроилов
?Отабек Ўрмон

Йиғлама, муҳаббат унутмагин деб,
Бугун севишганлар, ёрлар бошқача
Кўнглингни пойига ёйсанг ҳамки сеп,
Босиб ўтадилар, орлар бошқача.
https://t.me/otabeknobel