🗣 🇹🇷 «Հոկտեմբերի 18-ին Ստամբուլում կայացած Տարածաշրջանային համագործակցության հարթակի շրջանակներում մեր երկրում հյուրընկալել ենք Ադրբեջանի, Հայաստանի, Իրանի և Ռուսաստանի արտգործնախարարներին։ Նկատում ենք, որ հարթակը, որը «տարածաշրջանին տեր կանգնելու» (regional ownership) մեր ըմբռնման ամենահստակ օրինակներից է, բավարարում է կարևոր մի կարիք: Առաջիկա ժամանակահատվածում մենք ցանկանում ենք այս մեխանիզմը ինստիտուցիոնալ կառուցվածքի վերածել։ 44-օրյա պատերազմից հետո Ղարաբաղում 30-ամյա օկուպացիայի ավարտով Հարավային Կովկասում ստեղծվեց մշտական ​​խաղաղությանն ուղղված բացառիկ հնարավորություն։

Երբեմնի` ցավով, օկուպացիայով և հակամարտություններով հայտնի այս տարածաշրջանում, այժմ փչում են խաղաղության քամիներ: Մենք մոտիկից հետևում ենք Ադրբեջանի և Հայաստանի անկեղծ ջանքերին այս ուղղությամբ: Մեր ցանկությունն է ստանալ ուրախալի և բարի լուրեր հնարավորինս շուտ՝ առանց հնարավորություն տալու գործընթացը խափանել փորձող ուժերին։ Որպես Թուրքիա՝ մենք կշարունակենք աշխատել մշտական ​​խաղաղության հաստատման համար՝ մեր ադրբեջանցի եղբայրների հետ համակարգմամբ»։

Թուրքիայի նախագահ Ռեջեփ Թայիփ Էրդողան

📱 @regionmonitor1

📌 ՀՀ փոխարտգործնախարար Վ․ Կոստանյանը Մատենադարանում ՅՈՒՆԵՍԿՕ-ի հետ համատեղ կազմակերպված համաժողովում ունեցած ելույթի ժամանակ հայտարարել է, որ Լեռնային Ղարաբաղում հազարամյակների հարուստ պատմություն ունեցող հայկական ժառանգությունն այսօր կանգնած է ոչնչացման և ինքնության խեղաթյուրման սպառնալիքի առաջ Ադրբեջանի կողմից։

Փոխնախարարի խոսքով՝ նման լուրջ վտանգներին դիմակայելու համար ավելի քան երբևէ անհրաժեշտ է ամրապնդել մշակութային ժառանգության պահպանմանն ուղղված ինստիտուտները և գործիքները, ինչպես նաև ուսումնասիրել նորարարական ուղիները մարդկության համատեղ ժառանգությունը պահպանելու համար։

📱 @regionmonitor1

Թուրքիայի նախագահ Էրդողանն այսօր մեկնելու է Կազան՝ մասնակցելու ԲՐԻԿՍ-ի առաջնորդների 16-րդ գագաթնաժողովին։ Նա վերջին անգամ ԲՐԻԿՍ գագաթնաժողովին մասնակցել է 2018թ․ Հարավաֆրիկյան Հանրապետությունում։

Էրդողանն այցի շրջանակում ունենալու է նաև երկկողմ հանդիպումներ՝ այդ թվում ՌԴ նախագահ Վ․ Պուտինի հետ։

📱 @regionmonitor1

#Ով_է_Ֆեթհուլլահ_Գյուլենը

📌Հոկտեմբերի 20-ին մահացել է Անկարայի կողմից ահաբեկչական ճանաչված «Ֆեթհուլլահական կազմակերպության» ղեկավար, Թուրքիայում 2016 թվականի հեղաշրջման փորձի կազմակերպման մեջ մեղադրվող իսլամի քարոզիչ, միլիարդատեր Ֆեթհուլլահ Գյուլենը։

🔺Գյուլենի մահվան լուրը մեծ ուրախությամբ է ընդունել Թուրքիայի իշխող ուժը։ Գրեթե նույն կերպ են արձագանքել ընդդիմադիր քաղաքական և հասարակական շրջանակները։

🔺Չնայած Գյուլենը կտակել էր, որ իրեն հողին հանձնեն Թուրքիայում՝ իր մոր գերեզմանի կողքին, սակայն դա թուրքական իշխանությունները դա թույլ չեն տա։

➡️ ՄԱՆՐԱՄԱՍՆԵՐ

📱 @regionmonitor1

🇮🇷 Իրանի նախագահ Մասուդ Փեզեշքիանը վաղը մեկնելու է ՌԴ՝ մասնակցելու ԲՐԻԿՍ-ի գագաթնաժողովին: Նիստի շրջանակներում նա առանձին հանդիպումներ է ունենալու ՌԴ, Հնդկաստանի, Չինաստանի և Եգիպտոսի ղեկավարների հետ:

📱 @regionmonitor1

?? Միջազգային քրեական դատարանի նախկին դատախազ Լուիս Մորենո Օկամպոն բաց նամակ է հրապարակել X-ի իր էջում՝ առաջարկելով ամբողջ աշխարհի հայերին համախմբվել և մեդիա արշավ սկսել նոյեմբերին Բաքվում կայանալիք ՄԱԿ–ի կլիմայի փոփոխության 29-րդ համաժողովի (COP29) դեմ։

? @regionmonitor1

▪️ԱՄՆ պետքարտուղարության խոսնակ Մեթյու Միլլերին ճեպազրույցի ժամանակ հարց են ուղղել վիզայի ազատականացման շուրջ ԵՄ-Հայաստան երկխոսության վերաբերյալ, ինչին հավելյալ տեղեկություններ չունենալու պատճառով Միլլերը չի պատասխանել:

▪️Փոխարենը նա անդրադարձել է խաղաղության գործընթացին՝ նշելով. «Հայաստանն ու Ադրբեջանը շարունակում են զգալի առաջընթաց գրանցել խաղաղության համաձայնագիրն ամբողջացնելու ուղղությամբ: Մենք վճռական ենք աջակցել այդ գործընթացին: Եկել է խաղաղության ժամանակը և մենք կշարունակենք աշխատել համաձայնության հասնելու ուղղությամբ»:

? @regionmonitor1

???? ԵՄ Խորհուրդը ողջունել է Հայաստանի հետ վիզային ռեժիմի ազատականացման շուրջ երկխոսություն սկսելու և երկխոսության յուրաքանչյուր փուլում Խորհրդին և անդամ պետություններին լիարժեք ներգրավելու Հանձնաժողովի մտադրությունը, այդ թվում՝ չափանիշների սահմանումը և գնահատումը. «Հայաստանի քաղաքացիների համար մուտքի արտոնագրային պարտավորությունների վերացման հնարավորությունը կդիտարկվի միայն չափանիշների ամբողջական կատարումից հետո»:

? @regionmonitor1

?? Տեղի է ունեցել Հայկական PR մրցանակաբաշխությունը: «Տարվա հանրային գործիչ» անվանակարգում հաղթող է ճանաչվել Արցախի նախկին պետնախարար Ռուբեն Վարդանյանը:

??Մրցանակն ստացել է Վարդանյանի դուստր Մարիա Վարդանյանը:

? @regionmonitor1