I take it easy even when it's hard for me, so I win even if I lose

ديما معارف الطفولة أو خلينا نقولوا الناس اللي عرفتها قبل ما تفقد البراءة، حتلقى منهم مواقف مليحة حتى وانت كبير، وأنا ما نعرفش شنو العلاقة
لكن متأكد ديما إن الشخص اللي عرفك قبل ما تتلبز من الدنيا، حيعرفك حتى بعد ما تتلبز، وحيوقف معاك لأنه عارف أصل اللي واقف معاه، عارف حقيقتك بغض النظر عن الموقف.

في حاجات ما تندارش الا معاك وحاجات ما تنقالش الا ليك، ولو شايف إني شخص جوه مليح ديما فا لأنك أهني وشايف، مع ذلك لو جي يوم ولقيت جوي مليح وانت مهناش، مش معناها في حد غيرك حاضر، زي ما عرفت نعيشلك فا أنا نعرف كويس نعيشلي.

غالبا الشخص اللي يدوي بالكرامة هلبا يكون وهم
علاش ؟ لان انت طالما اي موقف قادر يمس كرامتك معناها انت شخصيتك ضعيفة مش معناها انت داير حد وقوي.

لما تتعود على روحك بشخصية معينة أو تحاول توصل لشخصية معينة، حتتعب هلبا وقت الحياة تغيرلك الشخصية هاذي، لما تعيش مش متقبل نفسك وما عندكش الخيار إنك تتخطاها، لما عارف إنك يطلع منك أحسن من هكي، لكن هذا ما أنت عليه، مش عجز منك لكن عدم توافق الفكرة اللي في دماغك مع اللي اختاره الواقع، شعور فاز على العجز في الاخخي.

من الحاجات اللي تخوف ونفوّتوا فيها عادي، إن وقت حد يسألك شن الحاجة اللي ممكن تفرحك؟ ما تلقاش إجابة.

"‏الحياة واسعة ورحبة والأرزاق وفيرة والخيرات مقبلة وكل يوم أنت في حب وحفظ ورحمة ‏الحمد لله ملء كل شيء".

ما عنديش فكرة على محاولات حد من وراي، فا قبل ما تطلعني مش مهتم بمشاعرك وبيوع، اسأل روحك انا نعرف ولا مفروض نوحي يعني.

‏اللهم ان أبي في ذمتك وكفالتك وضيافتك وما جزاء الضيف الا الكرم والإحسان وانت اهل الجود والكرم، اللهم اغفر له وارحمه وعافه واعف عنه ووسع مرقده وادخله فسيح جنتك، ربي أرحم فقيدي والدي و أبعثه مبتسم كما كان دائماً، اللهم أرحم من كان في الأرض طيب الذكر طاهر القلب وهب له بقدر دعاء الصالحين للأموات نعيماً و رضواناً و سروراً ولجميع موتى المسلمين يارب.

﴿رَبِّ اغْفِرْ لِي وَ لِوالِدَيَّ وَ لِمَنْ دَخَلَ بَيْتِيَ مُؤْمِناً وَ لِلْمُؤْمِنِينَ وَ الْمُؤْمِناتِ وَ لا تَزِدِ الظَّالِمِينَ إِلاَّ تَباراً﴾.