Первый онлайн-переводчик междустрочного текста из ведущих и ведомых СМИ. ѣѣ
Похвалить, поругаться, предложить новость, разместить рекламу
👇👇👇
@Otsuka_mail
Last updated 2 weeks, 2 days ago
Last updated 1 year, 4 months ago
Трэці Статут Вялікага Княства Літоўскага, адзін з першых рукапісных спісаў, выкананы ў Гадуцішках па-старабеларуску лацінскім шрыфтам. 1595 год.
1 верасня 1928 года ў вёсцы Касута на Вілейшчыне ў сям’і праваслаўнага святара нарадзіўся Расціслаў Лапіцкі — кіраўнік антыкамуністычнага руху на Мядзельшчыне і Смаргоншчыне.
Арганізацыяй выдаваліся антысталінскія ўлёткі з прызывамі не ўступаць у калгасы і супраціўляцца рэжыму. Удзельнікаў высачылі і арыштавалі. Расціславу быў прысуджаны расстрэл.
У памяці школьнікаў і знаёмых Расціслаў Лапіцкі застаўся як надзвычайная асоба, надзеленая многімі талентамі, са шчырай і добрай душой, адкрытай на чужы боль. Ён выдатна маляваў, добра спяваў і граў на музычных інструмэнтах. Меў здольнасці да майстравання і вынаходніцтваў - рабіў радыёпрыймачы, ездзіў на самаробных роварах.
26 жніўня 1897 года ў Пакуцёх нарадзіўся Антон Абрамовіч — беларускі грамадска-палітычны дзяяч у Заходняй Беларусі. Першы старшыня Беларускага студэнцкага саюзу.
Нарадзіўся ў сялянскай сям'і. У 1916 годзе быў прызваны ў Рускую імператарскую армію, удзельнічаў у Першай сусветнай вайне. Скончыў службу ў 1918 годзе.
Увосень 1919 пасланы Беларускай школьнай рады Меншчыны (БШРМ) у якасці рэзідэнта па арганізацыі беларускага школьніцтва ў Слуцкі павет. З-за непрыязнага стаўлення да яго кіраўніцтва Белнацкаму Случчыны, які складаўся галоўным чынам з беларускіх эсэраў, у лютым 1920 пераведзены ў Бабруйск, пасля ў Барысаўскі павет.
З 1920 года — у польскім войску. Пасля Рыскае дамовы зьехаў у Вільню. Увосень 1920 года паступіў ва ўніверсітэт Стэфана Баторыя на факультэт польскай філалогіі, дзе зацікавіўся беларускім нацыянальным рухам. У канцы 1922 г. адышоў ад актыўнай працы У БСС. Скончыў універсітэт са ступенню магістра. У 1925 годзе атрымаў званне старшага лейтэнанта і прызначэнне на службу ў гарнізон Войска Польскага ў Берасці, быў інтэндантам склада Берасцейскае крэпасці. Да Другой сусветнай вайны працаваў намеснікам дырэктара Зямельнага банка ў Вільні. 1 верасня 1939 года як афіцэр рэзерву быў мабілізаваны ў польскую армію. Быў узяты ў палон чырвонаармейцамі, трапіў у лагер для ваеннапалонных у Казельску, дзе, хутчэй за ўсё, звар'яцеў. Яго адправілі ў Смаленскі псіхіятрычны шпіталь, затым у Асташкаўскі лагер, дзе расстралялі. Дакладная дата растрэлу і месца пахавання невядомыя.
На зьездзе прадстаўнікоў Заходняй Беларусі, які адбываўся 11 і 12 снежня 1921 года ў Вільні выступіў з такімі словамі:
«Сяляне! Я хачу сказаць пару слоў ад імя беларускіх студэнтаў — Вашых сыноў, каторые з вялікім трудам папалі ў высшае вучэбнае завядзеньне. Мы тутака сабраліся сягоньня і маем магчымасьць свабодна гаварыць аб сваіх справах і адносінах да польскага народу. Вялікшая частка нашай Беларусі знаходзіцца яшчэ пад маскоўскай нагайкай і мы павінны памятаць аб сваім становішчы. Між вамі няма многіх лепшых сыноў, каторыя мелі бы права тут судзіць і падаць свой голас аб тэй справе, аб якой тутака гаворыцца. Я хачу сказаць, што мы ня йдзём тым шляхам, па якім павінны ісьці, я хачу напомніць, што вы пачынаеце ісьці крывой дарогай…». У той момант старшыня зьезду перарваў яму голас.
16 сакавіка 1922 году Францішак Пяткевіч і Антон Абрамовіч, як прадстаўнікі БСС былі на аўдыенцыі ў начальніка Польскае дзяржавы Юзэфа Пілсудскага.
На здымку — сябры Беларускага Студэнцкага саюзу, 1930-ыя гг.
"С. Богданово. Віленск. губ. Ошмянск. п. Тут завелася карчма, і нашы богданоўцы так, уляглі ў яе, што амаль не што-дня там седзяць. Калі жонкі прыйходзяць іх адтуль выпрашываць, дык іх б'юць бяз конца.
J.S."
"Наша Ніва", № 11, 1910 год.
Новы мурал у Бабровічах Валожынскага раёна.
Первый онлайн-переводчик междустрочного текста из ведущих и ведомых СМИ. ѣѣ
Похвалить, поругаться, предложить новость, разместить рекламу
👇👇👇
@Otsuka_mail
Last updated 2 weeks, 2 days ago
Last updated 1 year, 4 months ago