*Tabiat...

Kuz keldi...
Negadir, horg‘inlik, charchoq —
Kezadi temiryo'l bekatlarida.
Zerikkan ehtimol, suv quvlashmachoq —
O‘ynar tomorqaning egatlarida.

Daraxtlar o‘ranar sariq ko‘rpaga,
Archa qolganlarga omad tilaydi.
Balki jim-jitlikni buzib jo‘rttaga,
Olmaxon daraxtda o‘ynoqilaydi.

Ariqda loyqa suv oqadi hamon,
Charchamas sho‘r suvni ichib qayrag‘och.
Negadir bu safar boqadi hayron,
Elektr simdagi qushga simyog‘och.

Osmonda turnalar uchar bir chiziq,
Sezilar samoni bo‘ylayotgani.
Shunchaki men uchun juda ham qiziq
Chigirtka nima deb kuylayotgani.

Kuz keldi...
Tabiat o‘lmadi hali,
Atrofni egallar qushlar ovozi.
Ilon kelar sevgi izhor qilgani,
Uni hadiktirar ilonning nozi.

Suvda laqqabaliq tushayapti raqs,
Uni quruqlikda kuzatar ovchi.
Baliqqa ilmoqda beun va besas,
Chuvalchang orqali keladi sovchi.

Temiyo‘l relsida nogoh chumoli,
Yonida qo‘ng‘izga latifa aytar.
Bir chetda berkinib hammadan holi,
Ninachi yoriga bitadi baytlar

Baqa ham shunchaki vaqqillamaydi,
U dardini doston qiladi ilkis.
Ko‘chada bo‘lsa ham shunchaki daydi,
Botqoqda u "xizmat ko'rsatgan artist".

Menimcha o'rgimchak ancha mast bo‘lgan,
Yo‘qsa u pashshaga gurung bermasdi.
Asalari qular, qaramay yo‘lga,
Qarasa pushaymon sira yemasdi.

Alloh hikmati bor har bir izlarda,
Tabiat ko‘rkidan bosadi haybat.
Robbim mo‘jizasin ko‘rgan kezlarda,
Ko‘zlardan yurakka ko‘chadi hayrat.

✍ Muallif: Samandar Abu Muhammad*@sheriyat_olami_channel

*Milliylik...

Parvo qilmang kim nima demas,
Mayli yursin g‘alat qarashib.
Sizga ovrupacha shim emas,
Atlas ko‘ylak turar yarashib.

Milliylikni qo‘ymang yo‘qotib,
Moda deya o‘zlikdan kechmang.
Tor shimlarni yuboring otib,
Egningizdan atlasni yechmang.

Men o‘ksinib ketdim, poshnali
Tufligingiz siqar oyoqni.
Siz o‘zbegim qizisiz hech ham,
Yuzingiz ko‘rmasin bo‘yoqni.

Kerak emas sun'iy go‘zallik,
Axir gulday betakrorsiz siz,
Siz o‘zbegim hur qizi bo‘ling,
Boringizcha qabul qilamiz.

Qoshingizni termang hoy opam,
Hoy singillar qayting bu ishdan.
Milliylikda bari mujassam,
Saboq oling ko'hna o‘tmishdan.

O‘sma qo‘ying, Onajoningiz
"Baraka top qizim" deb aytsin.
Tilagim shu xonadoningiz,
Milliylikka batamom qaytsin.

✍ Muallif:Samandar Abu Muhammad*@sheriyat_olami_channel

*Baxtning asiri...

Men baxtli yashayman necha yil, kun-ki,
Quvonchda boyman-u g‘amda faqirman.
Baxtsiz yashamoqlik mengamas chunki
Qo‘llarim kishanband – baxtga asirman.

Zanjirlab qo‘yildi oyoqlarim ham,
Rost bo‘lsin alamdan yiroq ketganim.
Xotiram o‘chsa-yu menga o‘shal dam,
Eslatib qo'yinglar baxtli ekanim.

Asirlik batamom meni shod etgan
Baxtning zindonidan chiqmasligim haq.
Qayg'u ham mendan chin uzoqlab ketgan,
Men unga befarqman, u menga befarq.

Shu ekan taqdirga tamom bitilgan,
Na bir pushaymonman, na bir afsusman.
Musibat, dardlari ortga chekingan,
Shunchaki men bitta oddiy mahbusman.

Zindonband etildim, koshki bir umr,
Yashasam men, bo‘lib baxtning asiri.
Nadomat chekmayman, so‘rmayman uzr,
Chunki men baxtimni topdim axiyri.

✍ Muallif:
Samandar Abu Muhammad*@sheriyat_olami_channel

*Shunchaki...

Shunchaki ismingni takrorlasam bas,
Behos bir tabassum yugurar labga.
O‘zi-ku o‘sha kun sevgidan sarmast,
Isming muhrlanib bo'lgandi qalbga.

Sen borsan dunyoda, men borman biroq,
Goʻyoki o'rtada muhabbat mavhum.
Mayliga masofa bo‘lsa ham yiroq,
Qizg‘onma. Hadya et bitta tabassum.

Shunchaki tabassum lekin men unda,
Ko‘raman ranglarga cho‘mgan olamni.
Men seni shundayin sevdim bu kunda,
Hattoki unutdim dildagi g‘amni.

Shunchaki yashamoq qiyindir tushun,
Sensizlik jonimga solmoqda xatar.
Shunchaki men yaxshi bo‘lmog‘im uchun,
Oshig'ing holidan olib tur xabar.

✍ Muallif: Samandar Abu Muhammad*@sheriyat_olami_channel

Muallif: Samandar Abu Muhammad. Ijroda: Go‘zaloy Ahmedova
https://youtube.com/watch?v=NdPI8SH4X5U&si=hE9p0mM4-awwitoD
You tube kanalimizga kirib obuna bo‘lib qo‘yingizlar

Onaning farzandiga murojaati...

Bo‘y-basting bo‘libdi, ham osmon qadar,
Bolam sen ulg‘ayding, men cho‘kkan sari.
Kechirgin bolam-a kelgin bir safar,
Yillar ta'sir qildi, qolyapman qarib...

O‘ylading...
"Onamning joni temirdan,
Dunyo og‘riqlari qilmaydi ta‘sir".
Bilmaysan ich-etim doim kemirgan,
Sening ulg‘ayishing edi-ku axir.

Esimda tunlari yig'lab chiqarding,
Nolish tushmas edi burro tilingdan.
Bolam nima bo‘ldi, menga ayt darding,
Ne sinov chiqmoqda bugun yo‘lingdan?

"Sizga nima" deysan, men emasmidim,
Sen uchun kechalar uyqudan kechgan.
Dardim ko‘p bo‘lsa ham so‘z demas edim,
Bilmaysan azoblar qonimni ichgan.

Men ishlar edim, sen yurarding o‘ynab,
Ko‘chadan hech beri kelmasding erka.
Hattoki noningni berardim chaynab,
Bugunchi Onangni turibsan tergab...

Borimni berdim bir tabassumingga,
Kulsang yorishardi men uchun olam.
Alloh umr bersin deyman umringga,
Menga o‘xshamasin taqdiring bolam.

Qo‘lim kesov bo‘ldi, sochim supurgi,
Ko‘ylagim yaradi polni artgani.
Menga bir qaragin, holimni ko‘rgin,
Men chekmagan dardlar bormi? Ayt qani?

Ish bilan band bo‘ldim shom-u saharda,
Shunday o‘tar edi, mening har kunim.
Der eding gohida chiqsak shaharga:
"Uni olib bering yo‘q mana buni".

Doimo bolam deb oldim yoningni,
Garchi xatolardan charchab hormading.
Sendan o‘ksiyabman, Onajoningni
Bir bora shaharga olib bormading.

Yoki o‘yladingmi, qarimaydi deb,
Nahot sochlarimda ko‘rmading oqni.
Ortimdan qolmagin pushaymonlar yeb,
Bir kuni quchsam gar men ham tuproqni.

✍ Muallif: Samandar Abu Muhammad
@sheriyat_olami_channel

Assalomu alaykum hammaga! Xullas hozir ko‘rib qoldim, bugun bir shoir ukam( ham yaxshi ijrochi) Abrorbek Abdullayev (@musicbend04) ning tug'ilgan kuni ekan. Hurmatli Abrorbek, bu muborak kun bilan Muhtarama Onajoningizni tabriklayman, sizning va oila a‘zolaringizning baxtiga sog‘ bo‘lsin??. Sizga ham shu tilaklar, ijoddan to‘xtab qolmang??

?@shoirin ? bu esa ukamizning ijodiy kanali

✍???????? ??? ????????
???'????? ????????

,,?'????? ????????, ?'?????..."

@GozaloyAhmedovaa
@sheriyat_olami_channel

Doimgidek o‘tdi bir kunim,
Yomon emas, Allohga shukur.
Duo qilgan bo‘lsa kimda kim,
Sizga rahmat, cheksiz tashakkur.

E‘tibordan chetda qolmadim,
Balki bu ham yaxshilikkadir.
Haq bo‘lsangiz hamki bo‘lib jim,
Men yomonga qilasiz sabr.

Rahmat sizga barchasi uchun,
Ijodimda mudom hamrohim.
Men so‘rayman doimo har kun,
Sizga ajr bersin Allohim.

Men havaskor edim, lek hozir,
Siz sababli o‘sdim ijodda.
Agar Alloh aylasa qodir,
Sizlar doim qolasiz yodda.

✍ Muallif : Samandar Abu Muhammad
@sheriyat_olami_channel

Unutaman... O‘zganing nomidan...

Seni so‘rab chiqdim sahar azongacha,
Bormanmi yo yo‘qmi erta zamongacha.
Rosti kimni sevganding men yomongacha?
Qachongacha aytgin endi qachongacha?
Sen yashaysan men bir chetda g‘am yutaman.
Unutaman endi seni unutaman.

Yoki aytgin baxtga loyiq emasmidim,
Sen sevmasang men ham seni sevmasmidim.
Kuchli bo‘lsam yurakka bas kelmasmidim,
Bilganimda sevib xato qilmasmidim.
G‘am ichinda qolgan dilni ovutaman.
Unutaman endi seni unutaman.

Arzimaysan tunlar to‘kkan ko‘z yoshimga,
Og'ir kunda aylanmading darddoshimga.
Bilmaysan hech nelar keldi bu boshimga,
Sog‘insang gar qaytib kelma sen qoshimga,
Baxtim yo‘qlab kelishini jim kutaman,
Unutaman endi seni unutaman.

Achinyapman, qadrim oyoq osti bo‘ldi,
Nahot menga muhabbatning qasdi bo‘ldi.
Alamlardan ko‘zlarim ham yoshga to‘ldi,
Sen sababli yurakginam toshga to‘ldi.
Ishqdan kuygan bu qalbimni sovitaman.
Unutaman endi seni unutaman.

✍ Muallif: Samandar Abu Muhammad
@sheriyat_olami_channel