"بغضّ النظر عن مدى صغر بدايتك؛ احلم دائمًا بشكلٍ كَبير."

درت خطوة جديدة بكّل اليوم ادعولي نتوفّق فيها♥️.

وأفضلُ رِفقة هُم رِفقة القرآن وخير صحب هُم صحب القرآن ومن اجتمعوا لِ حفظ كتابه…

- الفجر يا راغبِين الجنّة?.

- يارب ألهمنا الصّواب في الجواب ♥️!

" لو أنّ النّاس كلّما استصعبوا أمراً تركوه ما قام للنّاس دُنيا و لا دِين".

مِن وُجهة نظَري إنت مش مُطالب تكون مِثالي دائماً ضروري تتقبّل العَثرات مافيش مُشكلة أبداً في بعض الهَزائِم، هل من الطبيعي إنّك تكون الفائز بشكل مستمر؟

- لا طبعاً الخسائر وارِدة وضرورية وهيّ أكثر شيء في حياتك يعلّمك تحافِظ عَلى ماكَسبت، ورصِيد معرفتِك وخبرتك، و وعيِك مايزيدش بعد كل نجاح بقدر مايزيد بعد غلطاتِك.

الخسارة بعد مسيرة طويلة رابِحة، الغلط بعد توالِي الأهداف الصحيحة، الفشل بعد نجاحات مُتتالية كُلها عاليَة المرارة لأنّك كنت متعوّد على مستوى ما وهبطت لمستوى بعيد كلّ البعد عنّك!

الانخفاض هذا هو أكبر دافع لانطلاقة قويّة تخلّيك توصل لمستوى أعلى بهلبا من المستوي اللي كُنت عليه.

أعظم درجات التصالح  مع ذاتِك " والعظيم الله"
هي إنّك تتقبل قِسمتك من الحياة حتى لو كانَت لا تتناسب بشكل طردي مع جهودك؛ لأنّ الضرائب غالِية فالنتيجة ثمينة وعالِية حتتعلم  درس، حتتكسب خبرة، حتنال عَوض جميل فوق مما تتخيّل  صبراً بس ?!

العثرات مافيش مشوار في حياتِك يخلوا منها وحتكون ممتن ليها في لحظة ما من حياتِك، لأنها حتغيّر فيك شيء غلط كان لازِم يتغيّر

بالنسبة ليّا نشوف في الغلط أجوَد معلّم للصّواب وكل غلطة غلطتها في حياتِك مستحِيل تكرر لأنّك تجرعت مرارتها فأنت حالياً في الصّواب بسبب  الغلطة.

لكلّ شيء تمر بيه حكمة تذكّر قول - الله سبحانه وتعالى- :

{ وعسى أنْ تكرهوا شيئاً وهو خيرٌ لكُم}.

- وفّقكم الله وسدّد خُطاكُم?.

⁣..

الفترة الأخِيرة تشائمت شوية من ناحية الناس اللي في الكلية، ومولية هُجومية مش عاجبني حد.

لكِن أغلبية أعضاء النادي لو مش كلهم اللي حضروا اليوم علموني إنّ كلّيتي فيها ناس لطِيفة جداً حتى في طرح وجهة نظرها و حُسن إصغائها، وإلى جانب هذا كلّه تفكِيرهم جميل و جداً?.

فِيه هلبا حدِيث وفيه هلبا أفكار ألهمتني اليوم لهلبا مواضِيع، لكِن ملخص النصيحة انضمّوا لنشاطات في كلّيتكم لأنّ حتلقوا ناس يشبهوكم، يشجعوكم، يساعدوكم، لأنّ الشيء هذا حيخلّيك تفرّغ سلبيّة الجامعة في حاجات تحبها.

كُنت نشوف في النشاطات مضيعة للوقت قبل مانجرّب اليوم بعد ماجرّبت اكتشفت إنّها أهم حاجة تديرها في فئتك العمريّة اللي انت فيها حالياً?.

و بَس يومكم قنيّن?.

"إنّي أُطِيل حدِيثنا إذ يبتَدي
وأنا بطبعِي لا أُطِيل كلامِي

خيرُ الكلامِ أقلّه فِي مَذهبِي
إلّا حدِيثُك ملجئِي وسَلامِي"