МУҲАММАД ﷺ УММАТЛАРИНИНГ ФАЗЛИ..

Фақиҳ Абу Лайс Самарқандий ровийлар силсиласи ила Муқотил ибн Сулаймондан родияллоҳу анҳудан ривоят қиладилар: “Мусо (алайҳиссалом) айтдилар: “Эй Раббим, мен саҳифаларда шафоат қилувчи ва шафоат қилинувчи бир уммат ёзилганини кўрдим. Уларни менинг умматим қил”. Аллоҳ: “Улар Муҳаммад ﷺ уммати”, деди. Мусо (алайҳиссалом) айтдилар:
“Эй Аллоҳ, саҳифаларда бир умматнинг гуноҳларига беш вақт намоз каффорат эканини кўрдим. Шу кишиларни менинг умматим қил”. Аллоҳ: “Улар Муҳаммад ﷺ умматидир”, деди. 

Мусо айтдилар: “Эй Аллоҳ, саҳифаларда бир уммат ҳақида хабар топдим. Улар адашганларни, ҳаттоки, бир кўзли Дажжолни ўлдиради. Уларни менинг умматим қил”. Аллоҳ: 
“Улар Муҳаммад ﷺ умматидир”, деди.
Мусо (алайҳиссалом) айтдилар: “Эй Аллоҳ, саҳифаларда бир умматни топдим. Улар сув ва тупроқ билан покланяпти. Уларни менинг умматим қил”. Аллоҳ: “Улар Муҳаммад ﷺ умматидир”, деди.
Мусо алайҳиссалом айтдилар “Эй 
Аллоҳ, саҳифаларда бир умматни топдим. Улар садақаларни олишмоқда, ваҳоланки, 
аввалгилар у садақани ёндиришар эди. Уларни менинг умматим қил”. Аллоҳ: “Улар 
Муҳаммад ﷺнинг умматидир”, деди.
Мусо (алайҳиссалом) айтдилар: “Эй Аллоҳ, саҳифаларда 
бир уммат ҳақида ўқидим, агар улар бир яхшиликни ният қилишса, гарчи уни бажармасалар ҳам, уларга битта яхшилик ёзилади. Агар бажарсалар, ўнтадан етти 
юзтагача ёки ундан-да кўпайтириб ёзилади. Агар улардан биронтаси бир ёмон ишни хоҳласа, лекин қилмаса, унга ҳеч нарса ёзилмайди. Агар уни амалга оширса, битта 
ёмонлик ёзилади. Уларни менинг умматим қил”. Аллоҳ: “Улар Муҳаммаднинг ﷺ
умматидир”, деди.* 

Муъаммар ҳам Қатодадан шунга ўхшаш ривоятни келтирган. Фақат қуйидагича 
зиёдаси бор: “Мусо (алайҳиссалом) айтдилар: “Эй Аллоҳ, саҳифаларда бир уммат ҳақида хабар топдим. Улар умматларнинг яхшиси экан. Яхши амалларга буюриб, 
ёмонларидан қайтарадилар. Уларни менинг умматим қил”. Аллоҳ: “Улар Муҳаммад ﷺ умматидир”. Мусо айтдилар: “Эй Аллоҳ, саҳифаларда бир уммат ҳақида ўқидим. Улар 
дунёда охиргилар, қиёматда олдингилар экан. Уларни менинг умматим қил”. Аллоҳ: “Улар 
Муҳаммаднинг ﷺ уммати”, деди. Мусо (алайҳиссалом) айтдилар: “Эй Аллоҳ, саҳифаларда бир уммат ҳақида ўқидим. Уларнинг китоблари қалбларида, қараб туриб ўқийверадилар. Уларни менинг умматим қил”. Аллоҳ таоло: “Улар Муҳаммаднинг ﷺ
уммати”, деди.
Ҳатто кейин Мусо (алайҳиссалом) ҳам Муҳаммад ﷺнинг
умматидан бўлишни орзу қилиб қолдилар. Шунда Аллоҳ у кишига ваҳий юборди: 

“Эй Мусо, ҳақиқатдан Мен сени одамлар устида пайғамбарим бўлишга ва (бевосита) каломимни эшитишга танлаб олдим. Бас, сенга ато этган нарсамни (яъни пайғамбарликни) олгин ва шукр қилгувчилардан бўлгин” (Аъроф, 144оят); 
“Мусо қавмидан шундай жамоат ҳам борки”, ҳақ (сўз) билан (одамларни) тўғри йўлга бошларлар ва ҳақ (ҳукмлар) билан адолат қилурлар” (Аъроф, 159-
оят). Шундан кейин Мусо (алайҳиссалом) рози бўлдилар.

АЛ-ФАҚИҲ АБУ ЛАЙС АС-САМАРҚАНДИЙ
"ТАНБЕҲУЛ–ҒОФИЛИЙН" китобидан олинди

Кўрдингизми биз қандай умматмиз Бизга Аллоҳ таоло энг катта неъмат ислом ва иймон неъматини Муҳаммад ﷺга уммат бўлиш неъматини берган..Алҳамдулиллаҳ...

#bismillah 🦋

#bismillah 🦋

"Bir kunda bitta kitob" marafoni tashkil qilinsa, qatnashadiganlar bormi ?

Faollar uchun alohida sovğalar ham ajratiladi...)

Kamentariyada "+" belgisini qoldirib keting. Fikringiz biz uchun muhim.

©️Shaxsiy kanalingiz bõlsa, ulashib qōysangiz manfaatli bõlar edi)

"Bir kunda bitta kitob" marafoni tashkil qilinsa, qatnashadiganlar bormi ?

Faollar uchun alohida sovğalar ham ajratiladi...)

Kamentariyada "+" belgisini qoldirib keting. Fikringiz biz uchun muhim.

©️Shaxsiy kanalingiz bõlsa, ulashib qōysangiz manfaatli bõlar edi)

Hayrli kech barchaga