ملهوفه اجيتك اركض بنص الليل
تعبانه خويه وحيل ماضلي حيل
يمك ردت اوصل ودفعتني الخيل
سحكت عليك اكبالي شوفتني الويل

سحكت عليك وحيل هضمتني
كلما اجيلك خويه دفعتني
يم الخيم يحسين ردتني

ويلاه خويه حسين يبن امي

ـــــــــــــــــــــــــــــــــ
مذعوره وفتر خويه مابين السوگ
محروك كلبي وجدمي خويه محروگ
من شفت جسمك بالحوافر مسحوگ
نوخ الحيل البيه جن نوخت نوگ

الهضمتني خويه موش مسبيه
جابو الخيل السحكتك ليه
ابدمك يخويه مرت اعليه

ويلاه خويه حسين يبن امي

ــــــــــــــــــــــــــــــــــ
تفتر بدمك خيلهم يمي اجول
خيالهه اسمع والله ليه شيكول
دفعيها زينب كون مابين الجول
وكباله سحلي بخوه المكتول

دفعيها زينب حيل دفعيها
يم راس اخوه حيل جريها
اذيه زينب حيل اذيها

ويلاه خويه حسين يبن امي

ــــــــــــــــــــــــــــــــــ

محتاره خويه وراي ماعندي راي
تبجي العيال اتريد بس شربت ماي
ويم النهر وكفتلي ياخويه اعداي
وانه وعيالي ماكو زلمه وياي

دوره يمي العده دواره
وفوك النهر ياخويه كناره
ومنين اجيب الماي محتاره

ويلاه خويه حسين يبن امي

ــــــــــــــــــــــــــــــ
الخادم
علي الحاتمي

بعد مقتل الحسين تذهب
مولاتي زينب الى مصرع الحسين
فاااا لسان حاله

الحافر دايس ابصدره لظهره
وصل .. واليل مانيم لظهره
لو عندي اخو باقي لظهره
يوخر عنه خيل الاعوجيه

الشمر بنار هد والله بيه ثار
وبكل جسمي خلالي بيه ثار
بصوطه ليش لحكني بيا ثار
يطلبني وخذه روحي سبيه

الشمر ناره على خيامي وجره
وعباتي سحل سحلهه وجره
وتطلم روحي متوزره وجره
صوط عل الظهر من ال اميه

هيئة رماد الخيام
جاني الخبر.......
الرادود علي توفيق
الذاكر سجاد الجيزاني
كلمات خادمكم

امنيتي ازوراً زينب وبالحضره اموت

حب الحسين افضل تجاره

كل الجره بواقعة الطف على مولاتي زينب بهاي القصيده ?

(علي يامحلاته)

علي يامحلاته
هيبه ياكلماته
ليث وبصولاته كفو كلك حيدره

شيخ وبديوانه
عزب ابعدوانه
سرفن الهه اردانه دكهه دك الغايره

دكاهه دك الفحل
بالقاده سيفه ارتجل
وصل ركبهم زحل

دخيلك دخيلك علي يابوالحسن

_ _ _ _
سيفه صار اكلاده
بروس كل القاده
ياحلات اعناده بيه تمشي المرجله

المرجله بحساسه
صعدت ويه انفاسه
وصلت لحد راسه ثار بيهه بكربله

بالغيره فار الشهم
ناره وصل للنجم
حركاهه كل الزلم

دخيلك دخيلك علي يابوالحسن

_ _ _ _
غضب دار بعينه
حرك كل سبعينه
كتل وينه وينه من كبار القاده

حز ركبهم بيده
خلصهه البيده
الحرب صارت عيده وهوس الاعياده

صارتله عيد الحرب
كلباه بيده گلب
عيشهه دور الرعب

دخيلك دخيلك علي يابوالحسن
_ _ _ _
رعد يرعد سيفه
حز ركب وبكيفه
الجيش حتى بطيفه يخاف من اخياله

دخل حيدر عوده
ركب حط ابجوده
يادخيله وزوده ويادخيل افعاله

ادخيله شال الارض
كفاه طول ابعرض
خل الزلم تنقرض
دخيلك دخيلك علي يابوالحسن
_ _ _ _
خادم زينب
علي الحاتمي

افزع خويه لخيامك
حركوهه وفرن ايتامك
ركضن بالوادي احرمك
حسين
ركضن ياخويه بالهيمه
بالحر ومحتركه الخيمه
تعبن من الشام اوضيمه
حسين

خويه افزع فدوه ليه
خويه صاحولي سبيه
كلهه صاحت خارجيه

اخت حسين.. وسفه سبوهه
فوك النوك .. والله خذوهه
طاحت ماي.. يم راس اخوهه
اه زينب اه يازينب
_ _ _ _
تاهو بالهيمه اعيالك
تبجي ياخويه اطفالك
وعيوني دم تجرالك
حسين
نركض خويه بلا ولي
عكبك ضعنه يالغالي
ياهو غيرك يبرالي
حسين

خويه ياهو بعد يبره
خويه خنكتني العبره
الغربه كلش حيل مره

بين الشام .. مختنكهه زينب
تمشي حيل.. كل خطوه تتعب
حيل ملجوم.. كلبهه شيب
اه زينب اه زينب
_ _ _ _
مايرحم بينه الحادي
فرانه بين الوادي
بسمك كل ساعه انادي
حسين
بسمك نديت ابروحي
ويتامك زادت نوحي
بعدك هيجلي اجروحي
حسين

خويه كلبي زاد جرحه
خويه ينزف ليله صبحه
بالحزن راسملي لوحه

زينب هاي .. تبجي وحزينه
تشبع ضيم .. ليش الحنينه
صاحت اخ .. ابن امي وينه
اه زينب اه زينب
_ _ _ _
يبن امي ضعنه وينك
ارجع من فدوه العينك
كل عمري اطيه لسنينك
حسين
روحي اطيك انه وكلبي
بس ارجع ياضي دربي
اذوني وزادو تعبي
حسين

خويه لجلك انطي كلشي
خويه ارجع بعد رمشي
بعد مابياش امشي

بت الحيد .. بت الهواشم
تعبت حيل .. طكاهه ضالم
اتريد حسين.. من الغبره سالم
اه زينب اه زينب
_ _ _ _
خادم زينب
علي الحاتمي

نار..  نار بعيونه الكمر
نار..  نار بالحومه ظهر
نار..  سيفه بالقاده سعر

ثار.. ثار  بركان وغضب
ثار.. الحومه صارتله حطب
ثار.. سيفه يحصد بالركاب

يحلات اجفوفه
شال بيها الكوفه
غيرته معروفه
كفو عباس

غيرته محلاهه
بالحرب ثاراهه
والزلم  بجاهه
كفو عباس
        كمر كمر    ابوفاظل كمر
_ _ _ _
صال.. صال عل مهره دخل
صال.. صال وبسيفه ارتجل
صال .. والحرب دكهه الفحل

كال .. كال اكضيها الحرب
كال .. الحومه اكلبهه كلب
كال .. اله اخلي الدم يصب

كال شيخ الساده
اله ابجي القاده
يحلات اعناده
كفو عباس

عانداهه بسيفه
وفات بيهه بكيفه
خذه منهه حيفه
كفو عباس
         كمر كمر     ابوفاظل كمر
_ _ _ _
حيف.. ماخذ اركاب الزلم
حيف..  لهله رداه بعزم
حيف.. سيفه رادمهم ردم

سيف.. عينه تذبح بالعده
سيف.. والارض فاضت دمه
سيف.. الكاع طكهه بالسمه

سيفه بين ايمينه
ذبح  كل  سبعينه
وغضب فارت عينه
كفو عباس

عينه فاضت غيره
وحرك بيهه الديره
شكد صعب تفسيره
كفو عباس
         كمر كمر      ابوفاظل كمر
_ _ _ _
حيد.. حيد عباس ولغز
حيد.. سيفه بركبهم يحز
حيد.. بسمه يامحله الرجز

عيد.. الحومه لو صارت اله
عيد.. خلصاهه  كربله
عيد.. كفو يابن فاطمه

شال بيده الصارم
وخلصاهه الوادم
كفو يابن  فاطم
كفو عباس

كفو من افعاله
تعب الخياله
ياكلف يدناله
كفو عباس
      كمر كمر     ابوفاظل كمر
_ _ _ _
خادم زينب
علي الحاتمي