(علي يامحلاته)

علي يامحلاته
هيبه ياكلماته
ليث وبصولاته كفو كلك حيدره

شيخ وبديوانه
عزب ابعدوانه
سرفن الهه اردانه دكهه دك الغايره

دكاهه دك الفحل
بالقاده سيفه ارتجل
وصل ركبهم زحل

دخيلك دخيلك علي يابوالحسن

_ _ _ _
سيفه صار اكلاده
بروس كل القاده
ياحلات اعناده بيه تمشي المرجله

المرجله بحساسه
صعدت ويه انفاسه
وصلت لحد راسه ثار بيهه بكربله

بالغيره فار الشهم
ناره وصل للنجم
حركاهه كل الزلم

دخيلك دخيلك علي يابوالحسن

_ _ _ _
غضب دار بعينه
حرك كل سبعينه
كتل وينه وينه من كبار القاده

حز ركبهم بيده
خلصهه البيده
الحرب صارت عيده وهوس الاعياده

صارتله عيد الحرب
كلباه بيده گلب
عيشهه دور الرعب

دخيلك دخيلك علي يابوالحسن
_ _ _ _
رعد يرعد سيفه
حز ركب وبكيفه
الجيش حتى بطيفه يخاف من اخياله

دخل حيدر عوده
ركب حط ابجوده
يادخيله وزوده ويادخيل افعاله

ادخيله شال الارض
كفاه طول ابعرض
خل الزلم تنقرض
دخيلك دخيلك علي يابوالحسن
_ _ _ _
خادم زينب
علي الحاتمي

افزع خويه لخيامك
حركوهه وفرن ايتامك
ركضن بالوادي احرمك
حسين
ركضن ياخويه بالهيمه
بالحر ومحتركه الخيمه
تعبن من الشام اوضيمه
حسين

خويه افزع فدوه ليه
خويه صاحولي سبيه
كلهه صاحت خارجيه

اخت حسين.. وسفه سبوهه
فوك النوك .. والله خذوهه
طاحت ماي.. يم راس اخوهه
اه زينب اه يازينب
_ _ _ _
تاهو بالهيمه اعيالك
تبجي ياخويه اطفالك
وعيوني دم تجرالك
حسين
نركض خويه بلا ولي
عكبك ضعنه يالغالي
ياهو غيرك يبرالي
حسين

خويه ياهو بعد يبره
خويه خنكتني العبره
الغربه كلش حيل مره

بين الشام .. مختنكهه زينب
تمشي حيل.. كل خطوه تتعب
حيل ملجوم.. كلبهه شيب
اه زينب اه زينب
_ _ _ _
مايرحم بينه الحادي
فرانه بين الوادي
بسمك كل ساعه انادي
حسين
بسمك نديت ابروحي
ويتامك زادت نوحي
بعدك هيجلي اجروحي
حسين

خويه كلبي زاد جرحه
خويه ينزف ليله صبحه
بالحزن راسملي لوحه

زينب هاي .. تبجي وحزينه
تشبع ضيم .. ليش الحنينه
صاحت اخ .. ابن امي وينه
اه زينب اه زينب
_ _ _ _
يبن امي ضعنه وينك
ارجع من فدوه العينك
كل عمري اطيه لسنينك
حسين
روحي اطيك انه وكلبي
بس ارجع ياضي دربي
اذوني وزادو تعبي
حسين

خويه لجلك انطي كلشي
خويه ارجع بعد رمشي
بعد مابياش امشي

بت الحيد .. بت الهواشم
تعبت حيل .. طكاهه ضالم
اتريد حسين.. من الغبره سالم
اه زينب اه زينب
_ _ _ _
خادم زينب
علي الحاتمي

نار..  نار بعيونه الكمر
نار..  نار بالحومه ظهر
نار..  سيفه بالقاده سعر

ثار.. ثار  بركان وغضب
ثار.. الحومه صارتله حطب
ثار.. سيفه يحصد بالركاب

يحلات اجفوفه
شال بيها الكوفه
غيرته معروفه
كفو عباس

غيرته محلاهه
بالحرب ثاراهه
والزلم  بجاهه
كفو عباس
        كمر كمر    ابوفاظل كمر
_ _ _ _
صال.. صال عل مهره دخل
صال.. صال وبسيفه ارتجل
صال .. والحرب دكهه الفحل

كال .. كال اكضيها الحرب
كال .. الحومه اكلبهه كلب
كال .. اله اخلي الدم يصب

كال شيخ الساده
اله ابجي القاده
يحلات اعناده
كفو عباس

عانداهه بسيفه
وفات بيهه بكيفه
خذه منهه حيفه
كفو عباس
         كمر كمر     ابوفاظل كمر
_ _ _ _
حيف.. ماخذ اركاب الزلم
حيف..  لهله رداه بعزم
حيف.. سيفه رادمهم ردم

سيف.. عينه تذبح بالعده
سيف.. والارض فاضت دمه
سيف.. الكاع طكهه بالسمه

سيفه بين ايمينه
ذبح  كل  سبعينه
وغضب فارت عينه
كفو عباس

عينه فاضت غيره
وحرك بيهه الديره
شكد صعب تفسيره
كفو عباس
         كمر كمر      ابوفاظل كمر
_ _ _ _
حيد.. حيد عباس ولغز
حيد.. سيفه بركبهم يحز
حيد.. بسمه يامحله الرجز

عيد.. الحومه لو صارت اله
عيد.. خلصاهه  كربله
عيد.. كفو يابن فاطمه

شال بيده الصارم
وخلصاهه الوادم
كفو يابن  فاطم
كفو عباس

كفو من افعاله
تعب الخياله
ياكلف يدناله
كفو عباس
      كمر كمر     ابوفاظل كمر
_ _ _ _
خادم زينب
علي الحاتمي

برز للمعركه طبها مبتسم
كفو من عباس والله ياشهم
جفه رحه طحن طحناه الزلم
وابن ابوه الشرد منه ومنهزم

كفو عباس.. طباهه رواهه نجمات الظهر
كفو عباس.. وذرهم شمرهم بالشاطي شمر
كفو عباس.. لاواهم خزراهم بعيونه الحمر
كفو عباس كفو عباس
......................................................
الجيش بالميدان منه منخسف
خزرت عيونه يكتل بيها الف
ياصلف يوكف اكباله ياصلف
شبل حيدر ياهو اليكدره الكلف

صلف عباس.. يوصله ويكدرله ياهو الفحل
صلف عباس.. بالحومه وعلومه وصلت يم زحل
صلف عباس.. نيرانه بعدوانه بالحومه شعل
كفو عباس كفو عباس
.............................................................
الخيل والخياله سحلهم سحل
بالحرب لا يجن سيفه ولا يمل
واليصير اكباله مايبقه عدل
يارجل يوكف اكباله يارجل

رجز عباس.. بكحيله هاليله بالحومه برز
رجز عباس.. بالحاسم والصارم طشرهم خرز
رجز عباس.. قادهم شاهدهم من سيفه عجز
كفو عباس كفو عباس
.............................................................
ركضو الخياله والقاده سوه
طلعو امن الفلك مو من نينوه
ضاع عن اخشومهم حتى الهوه
زئر بالميدان والوادي انطوه

زئر عباس.. ياقوته وبصوته راعبهم رعب
زئر عباس.. ضرباته بصولاته توجع بالكلب
زئر عباس.. شالهه ودكاهه بيمينه الحرب
كفو عباس كفو عباس
.....................................................
خادم العليله
علي الحاتمي

بالغيره ياوفاي
ينبع جبينك ماي
بالحومه تاه الراي.. من سيفك الباسل

بالحومه سيفك فار
يجدح شرار ونار
خله الزلم طشار..  قاده شكثر كاتل

سيفه.. يكتل عساكر
سيفه.. بالغيره فاير
سيفه.. عل حومه داير
..............................................
سيفك علي السواه
بيمينك شمحلاه
طش الزلم جواه .. دكاهه بالحومه

بالحومه دك الناس
لمن دخل عباس
راس اردم بالراس.. محلاهن اعلومه

بيده.. دك الكتايب
بيده.. يفتل شوارب
بيده.. سوه العجايب
.................................................
بيمينه فر الكون
ركع زلم لم عون
خلاهم يسجدون .. ركعهم بسيفه

سيفه ركب حز بيه
داس العده برجليه
والطف كلاب واديه.. منهم خذه حيفه

ثاره.. رده بيمينه
ثاره.. ينكط جبينه
ثاره.. شراع وسفينه
....................................................
ذب السمه عل الكاع
خله هواهم ضاع
بجفوفه رد الصاع..  رده لجل دينه

رد حكه بالميدان
نار وطفح بركان
حركاهم العدوان..  حركاهم بعينه

عينه.. حركت زلمهم
عينه.. شكت علمهم
عينه.. شطبت اسمهم
.....................................................
خادم العليله
علي الحاتمي

عمت عيني الوكت يازينب سباج
والله وسفه بناكه هزله صعداج
بدريه متروسه شماته طبباج
بالدرب بجساد اهلج عثراج

وسفه زينب .. بين غربه
بناكه هزله .. حيل صعبه

يمه زينب.. والسبي تعب اجدامج
يمه زينب.. بالفله ضيع ايتامج
يمه زينب.. حرك كلبج وي خيامج

يمه زينب يمه زينب
..............................................
وسفه خدر الله زينب بالغرب
بين الولايات تعثر بالدرب
ياهضيمه بسوك زينب من تطب
كلفه زينب بين غربه تنضرب

كلفه زينب .. طكهه حادي
يحدي بيها .. بين وادي

يمه زينب.. الصوط طابع عل متونج
يمه زينب.. امن البجي ذبلان عيونج
يمه زينب.. والوكت خيب اضنونج

يمه زينب يمه زينب
................................................
هاي اخت عباس حيل امدلله
وطن جانت هسه تاهت بالفله
خارجيه عليها صاحت كربله
الشام كله يصيح زينب لا هله

الشام كله .. هد عليها
خارجيه .. صاح ليها

يمه زينب.. الشام خربطهن ارسومج
يمه زينب.. ناره حركت كل هدومج
يمه زينب.. اضن هذا اليوم يومج

يمه زينب يمه زينب
...............................................
ذابت وصارت مثل خيط الشمع
عيونه تذرف دمه لا مو دمع
صارت عله عياله خيمه ودرع
رغم ماضال صاحي بيهه اي ضلع

رغم ماضال .. ضلع سالم
خيمه صارت .. عله الوادم

يمه زينب.. خيمه صرتي عل الوادم
يمه زينب.. عظم ماضال بيج سالم
يمه زينب.. كلبج شكد ضيم كاتم
.............................................
خادم العليله
علي الحاتمي