تەلەفزیۆنی ستێرک تیڤی ساڵیادی دامەزراندنی پارتی کرێکارانی کوردستان پیرۆز دەکات.. پـەکەکە تەڤگەری هیوای گەلانە و ئیرادەی مرۆڤایەتییە

لە زاپ شەڕێکی سەخت بەڕێوەدەچێت.

لە بەرزاییەکانی گوندی گوهەرزی، شەڕێکی توند لە نێوان گەریلاکانی ئازادی کوردستان و سەربازانی سوپای داگیرکەری تورکیا بەڕێوەدەچێت و دەنگی تەقەی بەرز دەبیسرێت.

لە ماوەی یەک ساڵدا ١٨ ژنی کورد لە ڕۆژهەڵاتی کوردستان کوژراون

تیمى دۆناڵد تره‌مپ سه‌رۆكى هه‌ڵبژێردراوى ئه‌مریكا به ‌شێوه‌یه‌كى فه‌رمى، بانگهێشتى مه‌زڵوم عه‌بدى‌ و ئیلهام ئه‌حمه‌دیان له‌ ڕۆژئاواى كوردستان كردووه‌ بۆ ئاماده‌بوون له ‌مه‌ڕاسیمى سوێندخواردن ‌و ده‌ستبه‌كاربوونى تره‌مپدا.

بەپێی هەواڵێک، کە لەلایەن هێزەکانی سووریای دیموکراتیک (قەسەدە)وە بڵاوكراوه‌ته‌وه ‌و پێگەی پلاتفۆڕمی تایبەتی دۆناڵد ترەمپ سەرۆکی هەڵبژێردراوی ئەمریکا بڵاوی كردووه‌ته‌وه‌، حکومەتە نوێیەکەی دۆناڵد ترەمپ، بۆ ڕۆژى ٢٠ـى کانوونی دووەمی ٢٠٢٥ مەڕاسیمی وەرگرتنی دەسەڵات، وەفدێکی باڵای هێزەکانی سووریای دیموکرات ‌و خۆبەڕێوەبەری دیموکراتی باکوور و ڕۆژهەڵاتی سووریا، بانگهێشت کردووە، بۆ کۆشکی سپی.

له‌و هه‌واڵه‌دا ئاماژه‌ به‌وه‌ كراوه‌، هەرەیەک لە ئیلهام ئەحمەد ‌و مەزڵوم عەبدی ئەندامانی سەرەکی وەفدەکەن ‌بۆ ئاماده‌بوون له ‌مه‌ڕاسیمى سوێندخواردن ‌و ده‌ستبه‌كاربوونى تره‌مپ و ئەمەش دەوڵەتی داگیرکەری تورکی زۆر نیگەران کردووە.

سەپاندنی سزای سێدارە بەسەر وریشە مورادیدا
تەڤگەری ژنانی ئازاد: دەبێت هەمو ژنان لە دژی سزای لە سێدارەدان ببنە دەنگی وریشە مورادی

"ترس هەیە لەوەی سەرژمێری بۆ گۆڕینی دیمۆگرافیا بێت"

بەرەو ژنانی باشوور ڕایگەیاند، وەک چۆن وریشە مورادی لە زیندان بووە دەنگی هەموو ژنان، پێویستە هەموو ژنانی جیهان ببێت بە دەنگی وریشە مورادی و لە بەرامبەر سەپاندنی سزای لەسێدارەدان دەنگ هەڵبڕین، چەندە بتوانین دەنگ هەڵبڕین ئەوەندە دەتوانین ئەم لەسێدارەدانە ڕابگرین.

هەپەگە ڕایگەیاند، لە چالاکی گەریلاکانی ئازادیی کوردستاندا لە دژی سوپای داگیرکەری تورک، لە زاپ و خواکورک داگیرکەرێك سزادرا و کامێرایەکی چاودێریش لەناوبراوە.

ناوەندی ڕاگەیاندن و چاپەمەنیی هێزەکانی پاراستنی گەل-هەپەگە، لەبارەى چالاکییەکانی گەریلا و هێرشە داگیرکارییەکانی دەوڵەتی تورک و بەکار‌هێنانی چەکی قەدەغەکراوی کیمیایی لە دژی گەریلاکانی ئازادیی، ڕاگەیاندراوێکى بڵاوکردەوە.

لە ڕاگەیاندراوەکەی هەپەگەدا هاتووە، گەریلاکانى یەژاستار و هەپەگە لە ڕۆژانی ٨ تا ١٠ـی تشرینی دووەم پێنج چالاکییان لە دژی سوپای داگیرکەرى تورک لە گۆڕەپانی بەرخۆدانی گردی ئامێدی و بەهار لە هەرێمی شەهید دەلیلی ڕۆژئاوای زاپ و گردی شەید هێمن لە هەرێمی خواکورک ئەنجام داوە.

هەپەگە ڕاشیگەیاند، لە ئەنجامی ئەو چالاکییانەی گەریلادا داگیرکەرێک سزادرا و لە کامێرایەکی چاودێریش تێکشکێندرا.

گەریلاکانی یەژاستار ڕایانگەیاند، توندوتیژی سیستماتیک لە ڕێگەی ڕێکخستنی هاوبەش و هێزی خۆپاراستنی ژنان دەتوانرێت کۆتایی پێبهێندرێت و دەشڵێن: ئێمە هێزی پاراستنی سەرجەم ژنانی بندەست و چەوساوەین.

گەریلاکانی یەژاستار بەبۆنەی ٢٥ـی تشرینی دووەم ڕۆژی جیهانیی بەرەنگاربوونەوەی توندوتیژی بەرامبەر ژنان، لە ناو تونێلەکانی بەرخۆدان لە چیا ئازادەکانی کوردستانەوە ڕاگەیاندراوێکیان بڵاوکردەوە.

لە سەرەتای ڕاگەیاندراوەکەیاندا ئاماژەیان بەوەکرد، ملیۆنان ژن لە ناو سیستمی پیاوسالاردا هەموو ڕۆژێک دەکوژرێن، دەستدرێژییان دەکرێتەسەر، گێچەڵیان پێدەکرێت یاخود ڕووبەڕووی توندوتیژی دەبنەوە و ڕەوایەتی بەو ژیانەی ژنان دەدرێت.

ڕاشیانگەیاند، ڕێبەری گەلی کورد عەبدوڵا ئۆجالان بە ئایدۆلۆژیا و فەلسەفەی خۆیەوە ڕێگەی تێکۆشانی ئازادی خستە بەردەم ژنان، سوپای ژنانیش لەسەر ئەو بنەمایە دامەزرا، لە هەموو گۆڕەپانێکی شەڕ و ژیاندا ئێمە پێشەنگایەتی دەکەین، توندوتیژی سیستماتیک لە ڕێگەی ڕێکخستنی هاوبەش و هێزی خۆپاراستنی ژنان دەتوانرێت کۆتایی پێبهێندرێت.

گەریلاکان باسیان لەوەشکرد، لە چەندین ناوچەی جیهان سیاسەتی قڕکردن لە بەرامبەر ژنان پەیڕەو دەکرێت و ئەو سیاسەتە بە بەرخۆدان و پشتیوانی دەتوانرێت تێکبشکێندرێت، ئێمە نەک هەر لەپێناو ژنانی کوردستانی، بەڵکوو بۆ هەموو ژنێکی چەوساوە تێدەکۆشین.

هەروەها دەشڵێن، یەژاستار بەتایبەتی بۆ ژنانی کوردستان و تورکیا، هەروەها لە ئەفغانستان و هیندتسانەوە تا ئەوروپا، سوپای پارێزگاری و پاراستنی ژنانی بندەست وچەوساوەیە، بە دروشمی ‘ژن، ژیان، ئازادی’ ئێمە داگیرکەران تێکدەشکێنین، هێڵی هاوڕێیانی فیدایی وەک ئاسیا، ڕوکەن و سارا بە بنەما دەگرین، کە بەبێ دوودڵی لەپێناو ئازادیدا گیانی خۆیان بەخشی.

لە کۆتایشدا گەریلاکانی یەژاستار وتیان: وەک شەڕڤانانی یەژاستار لە هەر چالاکیەکمان گورز لە سیستمی پیاوسالار دەدەین، بانگەوازمان لە سەرجەم ژنانی گەنج ئەوەیە؛ ڕووبکەنە ناو ڕیزەکانی یەژاستار، بە فەلسەفەی ئاپۆیی بەشداری ناو ژیانێکی جوان ببن و تێکۆشان بگەیەننە سەرکەوتن.