#Ҳадис

Абу Саид ал-Худрий розияллоҳу анҳудан ривоят қилинади: “Расулуллоҳ соллаллоҳу алайҳи васаллам: “Бирортангиз бир кечада Қуръони каримнинг учдан бирини ўқий оласизми?” – деб сўрадилар.
– Бунга қандай қилиб кучимиз етади? – дейишди.
– “Аллоҳу аҳад, Аллоҳус сомад” (яъни, “Ихлос” сураси) Қуръоннинг учдан биридир”, - *дедилар”.
Муттафақун алайҳ.

Анас розияллоҳу анҳудан ривоят қилинади: “Бир одам (“Ихлос” сурасини назарда тутиб): “Эй, Расулуллоҳ, мен шу сурани жуда яхши кўраман”, деди. Расулуллоҳ: “Уни яхши кўришинг сени жаннатга етаклайди”, - дедилар”.
Имом Термизий ривояти.*

https://t.me/oqqorgonjome

#ҳикмат

Илмнинг озлигини одоб беркитади. Аммо кўп илм одобсизликни беркита олмайди.

Шунинг учун аввало одобли бўлиш лозим. Сўнгра ким бўлсангиз бўлаверинг!

https://t.me/oqqorgonjome

АЁЛЛАР УМРАДАН КЕЛСА, БИРИНЧИ БЎЛИБ ОТАСИНИНГ УЙИДА НАМОЗ ЎҚИЙДИМИ?
#қисқа_савол_жавоблар

*❓CАВОЛ: Баъзи жойларда Умра сафаридан келган аёллар биринчи ота-онасининг уйига бориб 2 ракат нафл намоз ўқиши керак, деган тушунча пайдо бўлиб қолган. Уйига қайтгач зиёратчиларнинг 40 кун чилла сақлаши ҳам урф бўлмоқда. Динимизда шундай кўрсатма борми?*

*💬 ЖАВОБ:* Бисмиллаҳир роҳманир роҳим. Динимизда сафардан келган аёл тўғри ота-онасиникига борсин, кейин 40 кун чилла сақласин, деган кўрсатма йўқ.
Муборак сафардан келган киши шукрона сифатида икки ракат нафл намоз ўқиши савобли амал. Лекин бу намознинг ҳеч ким билан кўришмасдан ўқисин деган шарти йўқ. Мободо бу намоз ўқилмай қолса ҳам гуноҳ бўлмайди. Валлоҳу аълам.

Ўзбекистон мусулмонлари идораси
Фатво маркази.
🔗 Улашинг: @diniysavollar

https://t.me/oqqorgonjome

Имом Бухорий шундай зот эдилар

Абдулвоҳид ибн Одам ат-Тавовисий айтадилар: Мен тушимда Расулуллоҳ саллаллоҳу алайҳи васалламни кўрдим. У киши бир жамоат саҳобалари билан турган эдилар. Мен у кишига салом бердим, у зот алик олдилар. Мен: Ё Расулуллоҳ! Бу ерда нега турибсиз?-деб сўрадим. У зот саллаллоҳу алайҳи васаллам: Муҳаммад ибн Исмоил Бухорийни кутиб турибман, дедилар. Бир неча кундан кейин Имом Бухорийнинг вафот этганлиги ҳақидаги хабарни эшитдим. Ўйлаб қарасам, мен Расулуллоҳни тушимда кўрган вақтга тўғри келди.

(Сияру аъламун нубало - Шамсуддин Заҳабий).

https://t.me/oqqorgonjome

#Етти рақамининг сири
Аллоҳ таоло инсонни етти қават осмоннинг устида (жаннатда) яратди.Етти қават осмонни, етти қават ерни яратди.
Инсон етти аъзоси билан сажда қилади. Хаж ва умрада етти марта Каъбаи муаззама тавоф қилинади, Хажда етти марта шайтонга тош отилади. Етти марта саъй қилинади. Хафтанинг кунлари еттита килиб белгиланди. Дўзахнинг эшиги хам еттита.
Ким “етти”нинг хикматини тафаккур ва тааммул қилса:
етти аъзоси билан хафтанинг етти куни (намозларда) сажда қилса;
- агар хаж ва умрага муяссар бўлса, етти марта тавоф етти марта саъй қилса ва етти марта шайтонга тош отса;
- унинг бу ишларига устидаги етти қават осмон остидаги етти қават ер гувоҳлик берса, етти дар- возаси бор жаханнамдан нажот топади
https://t.me/oqqorgonjome