اليـوم چان لا طـاقة لا تَـصوير
لا خِــتامها مِـسك ✨."

الشَي الي أحبه بنَفسيّ
أنهُ آني " الملجأ " لكُل شَخص يُعرفني
أو المنطقة الآمنة الي ترتاح بيهَا
دائماً آني حِنينة عَلى أشخاصيّ
لأن ﭑ؏ـرف هُمة أو آني بيوم مِن
الأيام راح نختفي ومايظل بَس الذكرى الحِلوة ✨ .

يوم لـطيف والاسئلة حـلوة وسهلة
شُكراً دكتور أحمد ماقصرت
اول مَرة ارضىٰ عليك 😂🧡

كل شي يحتاجله وقت !
الجرح حتى يطيب
الطفل حتى يمشي
والطالب حتى ينجح والمسافر حتى يرجع
والانسان حتى ينسى ، يقوىٰ ،
ينضج ، يوعىٰ ، يكبر . . . .
كُل شي يطلب من عدنا القوة والصبر
حتى يصير ؟ الضربة الي اليوم تأذينا منها
وكسرتنا ، باجر مراح نحس بيها ،
الشغلات الي خفنا منها اليوم ؟
باجر راح تكون اشياء تافهة كُلش
واشياء عاديه بالنسبة النا
كل شي بهل حياة ينراد اله وقت
ينراد اله صبر ينراد له تعب ،
مو كلشي يجي بسهولة ماكو هذا المصطلح
كل شي ينرادله وقت يلا يصير حتى يتحقق ،
وخلوها ببالكُم كُل شي حَ يجيكم بالوقت
المناسب ✨."

الفَسلجة 0 _ شفوقة 1 *🐈.
اليـوم چان مابي ولا غَلـطة يجننننن
الجَـو اقيمه 10/10 والأمتحان هم 10/10 والمُطر وكُلشي چان حلو 🩷***."

11/11 ان شاء الله رب العالمين يكتبلنا التوفيق والخير والأيام الحلوة النا وللناس التحبنا وللناس النحبهم وللكُل 🫂💜."

أوجاع الروح
علاجها ليالي مُمطرة قُرب الحُسين ✨.

قرأت جملة تگول ‏💚
"من لم يزرنا و الديارُ مُخيفة
لا مرحباً به و الديار أمان "
وحَسيتها مناسبة لكل واحد اختار يختفي بـ أكثر وقت چنـا محتاجين انه يضل يَمنا و يرجع بعد ما نكون مرّينا بكل ظروفنا واحساسنا لوحدنا.

- علاقتي بالدوام مثل ماگالت فيروز:
إذا رجعت بجن وإذا تركتك بشقى
لاقدرانة فل ولاقدرانة أبقى✨.

خلسولف شوية علىٰ المَـرحلة الاولىٰ من بدايتها لحد نهايتها

اول شي هاي الكُلية جنت ما رايدتها ولا احبها بس صارت بعد ولهسة ما احبها مو
عبالكم تغير ??
دخلت القسم برغبة تامة مني وحُب اله بعد معاناة بالتقديم لان صار تأخير وهيج وبوقتها صارت عطلة اخرتني كُلش
بالأخير بَعد معاناة اسبوع تمت على خَير ." وطلعلي بالبرنامج
"عَزيزي الطالب تم قبولك في قسم تقنيات التخدير "
هـنا الفَرحة الفرحتها ما الها مَـثيل لان تعبت يلا حَصلتها ."
وراها داومت جان تاريخ 2023/12/3 وچان اول يوم داوم رحتله بين حَماس لان رايده هالقسم وبين مالي خلگ لان ما رايدة بهاي الجامعة."
دخلت اول مُحاضرة جانت فسلجة وكعدت بين بنات اثنين واثنينهن لهسة كُلش مكانتهن حلوة بگلبي واثنينهن كُلش أحبهن ."
وراها دخلنا مُحاضرة تشريح نظري وجان الدكتور حَـيل لطيف حَسسنا انو هو ابونا وبعدين بالامتحانات مال المد طلع اللطف من عيوننا ? بس مع ذلك احبه لان خوش انسان وطَيب ."
بس بهاي الايام تحس روحك ضايع لان اول مرة تدخل بهيج مُجتمع وماتعرف العالم البي ونيتهم وهاا اني من النوع الما اختلط هواي ولا احب يكون عندي صديق من فئة الشباب وهذا احسن شي انو يخلي راسك بارد ."
صادقت بنات اثنين بعدها حَسيتهن تغيرن من يسمعن مَدح الي ، فَـ اني ابتعدت لان ما احب هيج بشر ." وراها ضليت وحدي لمُدة طويلة يعني نكدر نگول مُجرد سلام بيني وبين البنات وبس ومن اخلص مُحاضراتي گبل ارجع للبيت لان مالي خلگ احد هناك ، المُهم عَدت هالفترة على خير وراها بلشنا امتحانات وجنت ماعرف شلون اقرااا المواد وشنو طبيعة الاسئلة ولان اول مرة يكون جوابنا كُله انگليزي ويجيبلك فد 50 فراغ انت متعرف شگاعد يقصد بيهن ?
المُهم نجحت كورس اول الا مادة وحدة جنت كل ما يجي دورها اتمرض بيها ??
كملنا كورس اول كملته بحماس وجنت اداوم ، بس الكورس الثاني تم فقدان الشغف وگضيتها غيابات وعُطل وجانت اكثر شي عُطل والحمدلله اجت من صالحي
وراها كورس ثاني تعودت على الامتحانات وكمت اعرف اقراا وكلش عادي الانكليزي لان اني أساساً قوية بي ، فَـ شفت الامتحانات كُلش سهلة بس تحتاج دراسة شوية طبعاً."
وراها كملنا كورس ثاني ونجحت الحمدلله ?
يعني چانت سنة كُلش عادية بس احس بيها بأنجاز عظيم وفترة تغيير جَديدة بحياتي
تعلمت هواي اشياء صح گضيتها وحدي اغلب الاوقات والايام وجنت كلش احس بملل ويمكن هالشي هو الما يخليني احبها بس اهم الشي خلصت واخيراً ..."

وان شاء الله المَرحلة الثانية
هم حَ أبقى على گد هالبنوتات الاثنين وتخيلو هن عدهن صديقات يعني من يروحن وياهن اني أضل وحدي ? ، بس عادي اهم شي مرتاحة انو ما يجيني اي كلام سلبي ويأثر بنفسيتي
وحدرس هواي ان شاء الله
حتىٰ اريد تقديرات أعلىٰ وان شاء الله رب العالمين يكتبلي التوفيق بيها .." ?