Tun pardasin tortdi olamga,
Zimistonga burkandi kunduz.
Yorugʻlikdan nishon boʻlay deb,
Miltilladi necha ming yulduz.

Zulmat ichra har qancha boqmay,
Koʻrinmadi koʻzimga borliq.
Oʻzimcha soʻng oʻyladim,demak,
Tunda olam chiqarar hordiq.

Eshonova Dilafroʻz Xakimovna.
00:27
08.11.2024 y

Kuzda tunlar sokin boʻlmas,
Qadamlaring shitirlar.
Xuddi "meni qiynama",- deb,
Xazonbarglar shivirlar.

Kuzda tunlar sokin boʻlmas,
Daraxtlar ham qaltiroq .
Yaproqlar-la xayrlashar,
Yaproqni quchar tuproq.

Kuzda tunlar, kuzda tonglar,
Kuzda havolar shirin.
Aslida shu Kuz ochadi,
Tabiatning bor sirin.

Eshonova Dilafroʻz Xakimovna.
6.10.2024 y
22:05

Men yashashda davom etyapman.
Sen qayerda toʻxtab turibsan?
Nimalarni umid qilganding?
Nimalarga chidab yuribsan?

Kim? va Nima? Oldi umrimiz!
Oʻzgalarga sarf etdik vaqtni .
Millar izni bilan kunimiz,
Eslatadi kun boʻyi Haqni!

Haqiqatga tik qarab ,magʻrur.
Haqiqatni soʻzladi koʻzlar.
Tan olindi bitta haqiqat.
Gunohlardan qizardi yuzlar.

U yayradi, koʻzlari kuldi,
Tan olindi kuchli ehtiros.
Lablar titrar , suyaklar sindi.
Vujudni jon tark etdi xolos.

Men yashashda davom etyapman.
Sen qayerda toʻxtab turibsan?

Eshonova Dilafroʻz Xakimovna.
24.09.2024 y
23:37

Senda hech gunoh yoʻq, gunohkorman men.
Yuragim tubiga qamab ishqingni.
Birga sayr etaylik , birga ketaylik,
Kel , shugun unutgin  hamma ishingni.

Meni aybdor koʻnglim nelar istamas,
Issiq nafasingdan erisin  tanam .
Kel , biroz hordiq ol , silay sochlaring.
Sening tashrifingdan yorishsin xonam.

Eh ,sodda koʻnglim-a , sodda mugʻombir,
Avrab -avrab menga nelar soʻzlatar,
Aqlim lol, koʻnglimning qilmishlaridan .
Koʻnglim oʻz dardiga davo izlatar.

Ayt, netay xasta qalb ishqing eslatar...

Eshonova Dilafroʻz Xakimovna.
17_07_2024 y.
8:29.

Meni qoʻrqitolmas kelish- ketishlar,
Zero ,kelganlarning ketmogʻi tayin.
Ketganlar qoldirib oʻzlaridan iz.
Meni ortlaridan chorlar atayin.

Izlar koʻmiladi -yoqqanida qor,
Yomgʻirlar yuvadi ,qorlar yogʻmasa.
Faqat sogʻinganim sen yonimda qol,
Men oʻlib qolaman seni koʻrmasam

Sening kelishingday goʻzal kelish yoʻq,
Yaxshiyam , sen kelding ,borim,xush kelding.
Har bir nafasimdan endi koʻnglim toʻq,
Umrimda havoday , saboday yelding.

Baxtlarga choʻmilib,koʻmilib ,kulib,
Baxtiyor onlarni birga kutamiz.
Azizim , ranjima, ketsak ham agar,
Shu baxtli lahzalar bilan ketamiz.

Meni qoʻrqitolmas ,  kelish-ketishlar,
Zero , kelganlarning ketmogʻi tayin!

Eshonova Dilafroʻz Xakimovna.
28.06.2024 yil.
20:35.

Na yoqa na yengi bor.
Qay fasonda tenggi bor?
Na ranglarga bahs qilar,
Na kunduz na tungi bor.

Bahsi yoʻq hech bichimga ,
Meros qolmas kishingga.
Har bandaga munosib,
Libos soʻnggi ishingga.

Qabrga kirishingga...

Na deraza,na tuynuk,
Na xonalik na uylik.
Kishi yoʻq bir kuygulik,
Qabrdosh boʻlishingga.

Undan qochib boʻlmaydi,
Yolgʻon -yashiq boʻlmaydi.
Qaysi banda oʻlmaydi?
Bir qara turishingga!

Jim! Koʻnik oʻlishingga!

Mayli , meni yomon de,
Yaxshiligi gumon de.
Gʻazablanma koʻrinsam.
Savob yigʻ ulushingga.

Dunyo turmas qabrda.
Koʻp hikmat bor sabrda.
Tuproq erur aslimiz.
Oyoqdan past qadrda.

Gaplashadi  Qabrda !!!

Eshonova Dilafroʻz Xakimovna.
25.06.2024 yil.
00:06 da

Jim turing...
Jimjitlik xoxlab qoldim.
Jim...
Sukunat portlatsin sokin xonamni.
Yasama tabassum taqib olib men.
Bugun koʻp aldadim ,jonim onamni.!

Jim turing!...
Aqlli gaplar shart emas!
Oʻzim ham bilaman, yolgʻon zararin.
Ona u...
Shunaqa koʻrinish kerak.
Yashirib, koʻzyoshda otgan saharin.

Jim turing...
Xulosa yasamang darrov!
Balki sogʻinganman, balki kutganman.
Balki...
Men bir umr tunlarda shundoq.
Achchiq achchiq koʻzyosh yutganman...

Baxtiyor damlarim sogʻingandirman...
Toʻla toʻkis baxtga choʻmgan lahzalar!
Vaqtning tarozisi ogʻirlik qilib,
Quvonchim koʻksimdan yulgan lahzalar...
Jim...

Baʼzida jim turib yengmoq mushkulda.
Ichingni timdalab turgan azobni.
Borliqdan bir parcha ,boʻlaksan oʻzing.
Borliqqa sochma-da buncha gʻazabni.

Jim turing...
Jimjitlik baridan yaxshi...

Eshonova Dilafroʻz Xakimovna.
3- iyun.2024- yil.
02:04

Bugun 39- bahorimni qarshi olyapman.Va shu yoshimgacha ham yonimda faqat Onam hech qayerga qimirlamay turganliklarini koʻrib kelyapman.Dardda ham,gʻamda ham,kulfatda ham har qanday sinovli kunda faqat onam hech indamay ,kuch boʻlib turibdilar.
Ammo vaqt beshafqat .
U onamni qarityapti...
                           E.D.X.

Bilaman umrimiz besh kunlik,
Birida yigʻlasak ,birida kuldik.
Ona! Sizni qachon sevaman dedik.?
Ona! Siz borimsiz, borimsiz!

Hammadan pand yedim, hammadan,
Qalbimda chuqur bor gʻamlardan.
Koʻksimdan itardi doʻst-u yor ,
Xotira qoldi koʻp damlardan.
Ona! Siz eng shirin onimsiz.
Siz meni Jonimsiz,Jonimsiz!

Koʻzimni yashirsam, ovozim titrar.
Koʻzlarim termulsa ,yoshlar miltirar.
Sizni yoʻqotishdan qalbim qaltirar.
Ona ! Siz - mehrga konimsiz!
Kon emas ! Jonimsiz ,Jonimsiz!

Sochingiz rangiga rang boʻlay,
Oyogʻin ostida chang boʻlay.
Siz  juda uzoq yil yashang-u.
Yoshingiz bilolmay tang boʻlay.
Ona! Siz eng shirin bolimsiz!
Ona! Siz borimsiz,borimsiz!

Issiq quchogʻida erisam,
Qattiq nigohida evrilsam.
Bir kalom soʻziga oʻlsam-u.
Mehrli ohida  tirilsam.
Ona! Siz eng goʻzal moʻʼjiza.
Men juda ojiza ,ojiza.

Onalar sevgisi Moʻʼjiza!

Eshonova Dilafroʻz Xakimovna.
23-aprel .2024- yil. 1:07.

Qofiya haqida oʻylagim kelmadi.
Yarim tunda Qofiya bozorni palitsiya bilan borib ham ochib boʻlmaydi baribir.

Koʻzlarimda qishning qahridan,
Qolib ketdi bitta tuguncha.
Seni nursiz yuzingga boqib,
Sovib qoldi yurak yupuncha.

Isinmoqqa Bahor taftidan ,
Oʻziga nur izlar qaroqlar.
Qara hatto muzlar ostidan,
Boshin koʻtarmoqda yaproqlar.

Boʻgʻriqqan tong, namchil havodan,
Vujudimda qonim koʻpirar.
Seni istab Bahor tongidan.
Yurak qafasida yugurar.

Yangilanmoq, yaralmoq fasli,
Bahor meni senga qaytardi.
Muzlar erib diydalarimdan,
Sevgi qoʻshigʻimiz aytardi.

Eshonova Dilafroʻz Xakimovna.
5-mart. 2024- yil.
22:02

**Бухоролик ижодкорларнинг телеграм каналлари рўйхати:

Омон Мухтор: https://t.me/Omon_Muxtor Садриддин Салим Бухорий: https://t.me/SadriddinSalimBuxoriy Тилак Жўра: https://t.me/tilakjura1947 Азиз Саид: https://t.me/vaqt_manzili Ҳалима Аҳмедова: https://t.me/halima_ahmad Султонмурод Олим: https://t.me/Sultonmurod_OLIM Сулаймон Шодиев: https://t.me/SulaymonShodiyev Нодира Афоқова: https://t.me/Nodirasheriyati Вафо Файзуллоҳ: https://t.me/Vafo_Fayzulloh Санобар Меҳмон: https://t.me/Sanobar_Mehmonova Абдунаби Ҳамро: https://t.me/abdunabihamro Муҳаммад Азим: https://t.me/azim202 Бобоқул Усмон: https://t.me/BoboqulUsmon Жасур Эсан: https://t.me/JasurbekEsanov Рухсора Нур: https://t.me/tanqidvatalqin Гулзода Ғайратова: https://t.me/yozuvlarimdan Сабина Расулова: https://t.me/SabinaRasulova_ijodi Муслима Ҳамроз: http://hamroz.uz Ҳамид Насруллоев: https://t.me/hazrati_insonim Ҳамзабек Турдиев: https://t.me/hamzabek81 Рўзимурод Маҳмуд: https://t.me/RuzimurodMahmud Моҳигул Ўктам қизи: https://t.me/+0WK2LujgMzAzZDZi Инобат Очилова: https://t.me/inobatbuxoriy Илҳом Салимов: https://t.me/salimov_blogi Мадина Ваҳобова: https://t.me/VahobovaMadina Нилуфар Рухсор: https://t.me/Nilufar_Rux Мактуба ШАЙДО: @Maktubashaydo Лайло Ҳайитова: https://t.me/Leyla_Tun_Qizi Дилшод Ражаб: @dilshod_rajab_ijodi Бобур Бобомурод: @bobur_bobomurod Зарнигор Ибрагимова: https://t.me/zarasohili Зилола Тошева: https://t.me/zilolakamol1992 Дилафрўз Эшонова: https://t.me/dildagilaringiz Дилобар Меҳмонова: https://t.me/mehmonovad Дилобар Жўраева: https://t.me/Dilobar_Joraeva Аброр Пир Муҳаммад : https://t.me/abrorpirmuhammad Олия Равшанова: https://t.me/nazmnavosi Зухро Асадова: @bloknotasadova Зиёда Шодиева: https://t.me/sherlarziyoda Самад Муҳаммад Дамин: https://t.me/SamadMuhammadDamin Шерзод Ғойиб: https://t.me/Sherzod_Goyib_sherlari Собир Салимович: https://t.me/Sobirsalimovich0172 Аҳмад Ҳайдаров: https://t.me/Ahmad_HAYDAROV Баҳром Солиев: https://t.me/Bahrom_Soliyev Тилланисо: https://t.me/TillanisoEN Махсумахоним: https://t.me/Maxsumaijodi Хуршид Неъмат: https://t.me/xurshidnemat_channel Обид Қўлдош: https://t.me/azob4 Агар Сиз бу рўйхатга кирмаган бухоролик ижодкорларнинг телеграм каналлари ҳақида маълумотга эга бўлсангиз, @obid_85 телеграм манзилига юборишингиз мумкин.**https://t.me/amshuyu