...

Layli Majnun, Farhod Shirin takrorlar emas
Otabek-u Kumush, Anvar Ra'nolar necha.
Oshiqlar ham o'tdi, endi bo'ldi yetar bas
Muhammaddek sevay sen ham xuddi Xadicha.

Romeo-yu Julliyetalar afsonalar chun
O'tdi...
Kunlar kutmoqdadir bizlarni hali
Hamid ila Zulfiyaxon qildi tabassum
Fotimadek kuta olgin men misli Ali.

19:55
05.01.2025

@faqat_ijod

#4lik

...

U o'zgaga bo'lib qololmas
Farqi nima kimlar ko'z tikkan.
Muhabbating hech kim ololmas
Gar Yaratgan qalbingga ekkan.

18:16
05.01.2025

@faqat_ijod

Ba'zida... Ba'zida qalbingda o'kinch turadi Ba'zida tunlari beun yig'laysan Ba'zida yuraging notinch uradi Ba'zida azobdan diling tig'laysan Ba'zida o'xshamas sen boshlagan ish Ba'zida keladi qismat telbavor Ba'zida xayolga kelmagan turmush Ba'zida uchraydi…

Ba'zida...

Ba'zida qalbingda o'kinch turadi
Ba'zida tunlari beun yig'laysan
Ba'zida yuraging notinch uradi
Ba'zida azobdan diling tig'laysan

Ba'zida o'xshamas sen boshlagan ish
Ba'zida keladi qismat telbavor
Ba'zida xayolga kelmagan turmush
Ba'zida uchraydi bunda telba yor

Ba'zida ko'nglingning go'shangkasi keng
Ba'zida sig'maydi hattoki bir qil
Ba'zida taqdirning tarozisi teng
Ba'zida o'zingga deysan "Sabr qil"

Ba'zida savdolar kelmaydi halol
Ba'zida baraka izlab qolasan
Ba'zida qolasan o'zingga ham lol
Ba'zida o'tmishing eslab qolasan

Ba'zida o'ylaysan bu dunyo foniy
Ba'zida tafakkur o'tin yoqasan
Ba'zida bilmaysan abad yo oniy
Ba'zida teskari oqim, oqasan...

01:36
03.01.2025

@faqat_ijod

#4lik

Qaytish

O'xshamasa biror payt ish
Yaramasa uni aytish
Yagonadir chora albat
Nasib qilsin O'zga qaytish

Ko'zga surib, so'zin o'p lab
Buni armon qilgan ko'plab
Fursat tugab bitmasidan
O'zga yoril darding to'plab...

23:25
02.01.2024

@faqat_ijod

Assalomu alaykum

#new #ijod_time #hayotiy

(Nomlay olmadim hali)

Borlig'i deb bilib buyuk xalqini
Hayotini taqdim etib ketganlar
Dillarni tiladi shoir talqini
Hur ruhlari Jannat tomon yetganlar

Bo'g'zida saqlagan o'tinchlarini
Qalam-la qog'ozga tushirmaganlar
Vatanning diydori sog'inchlarini
Nurli ko'zlarida yashirmaganlar

Dardlarini ichga yutibon necha
Oilasini xavfga qoldirmaganlar
Bedorlikda o'tgan har bitta kecha
Lek zolimga erkin oldirmaganlar

O'z xalqin uyg'otib, ilmga chorlab
O'zbek nomli tilga tamal qo'yganlar
Ziyoning uchquni, quyoshdek porlab
Sodda yurt ishqini qalbga o'yganlar

Onaizor ko'zi yoshidan qotib
Shahidlikka qismat qodir etganlar
Xoinlar yashasa orini sotib
Yurtning tuprog'in ham nodir etganlar

Ozodlik tug'ining dastagi bo'lib
Mustaqillik haqqin so'rolmaganlar
Hur Vatan orzusi yuragi to'lib
Shunday obod kunlar ko'rolmaganlar

Yodingiz dillarga g'urur baxsh etgan
Xalqning duosida yashay olganlar
Boringiz ellarga surur baxsh etgan
Ilk buyuk qadamni tashlay olganlar

Shahidlar nomingiz abadga jodir
Firdavs bog'larin obod etganlar
Sizdan qolgan meros chin, bebahodir
Farishta-yu, hurlar ham yod etganlar.

@faqat_ijod

#new #ijod_time #4lik

Bir do'stim bor edi, afsus endi kech
Ko'rishmagandirmiz hayotda lekin
Aytgan bir jumlasi yoddan chiqmas hech
Hattoki surating ham sevish mumkin.

@faqat_ijod

#new #ijod_time #4lik

Mana yana yomg'irli kunlar
Paltom bor bu ko'nglim ham to'qdir
Lekin bordir bitta muammo
Tugma taqqich insonim yo'qdir😁

@faqat_ijod

#muxlislardan

Real Madrid

Bellingem porlagan mavsumning so'nggi
Vini super o'yin ko'rsatgan har tun
Final xayolida otdi yoz tonggi
Maestro ketar kun ham shu bugun

Karvahal rekordni urishga yaqin
Modrich o'z so'zini aytmoqqa tayyor
Rodrigo ham kutar o'zin fursatin
Xoselu - sehrli tayoqchamiz bor

Final tajribasi qonda gupurar
Kurtua bu temir darvoza demak
Ramos bo'lmasa ham Ryudi gol urar
Yonida Nacho ham bo'lishi kerak

Quvnoq Kamavingga raqsiga bo'lar
Bugun Uembli oshufta hali
Chuameni o'rnin Valverde olar
Zarbasi ochadi Dortmund chigalin

O'yinni hotirjam kuzatib har vaqt
Mulohaza qilar Karlo ota ham
Qoida birgina, o'shadir faqat
Real ga gol urma birinchi hech ham

Bir qosh ko'tarildi degani endi
Raqib jamoaga bari befoyda
Gol urar xoh Guler yokida Mendi
Balki Fran kelar kutmagan joyda

Chempionlik Real Madridning har bir
DNK si, tomir qonida ham jam
Finalga chiqdimi yutadi barbir
Shubha-gumonlarga beradi barham

Madridistlar bari birlashib bu kun
G'alaba onlarin intiq kutamiz
Nasib qilsa g'olib bo'lamiz bu tun
Doimgidek yana, yana yutamiz

Guliston, 01.06.2024

✍ Rustam Kalandarov

Siz bilan ? @futbol_satrlarda