مولاي الصادق صلوات الله عليه

بيت وكله مصايب بين المقتول ومسموم
خلص عمره نوايب والحسره تزوره بكل يوم

كلمن من نسل فاطمه الزهره
كون اتصير چبده نار كبره
لو مسموم لو محزوز نحره

سوالف مالها تالي غالي ايودع ابغالي
لچمات والم وافراك مكتوبه اعله دلالي
..............................
ليش ابقسوه زماني يلفيني ويترسني اهموم
ابفگد الصادق اجاني يصوبني ابسهمه الميشوم

راح وخلف ابدنيانه حسره
طفو شمعته سادس العتره
مات وبعد موته انهدم گبره

الغدر مايرحم العتره حسرة اتخلف ابحسره
الزمن حار ابمصايبهم جمره اتسعر ابجمره
................................
امنيته ابگبره اندفت ولهفت دلاله المشتاگ
ابنار احلامه اتچوت واندفنت ویاه اشواگ

چان امنیته غايبنه يشوفه
قبلة شوگه وعیونه تطوفه
يخدمه وباب جرحه بيه يروفه

ويسولفله على العاشر البدايه العطش والحافر
والضيم السبي ويومه يِخبر المهدي بالصاير
...............................
عدهم عمه سبيه راحت مچتوفه اعله النوك
الهُم عاري رميه والام او اهات السوگ

اطفال ازغار واحبال ابأديهم
الزمن دار الحزن كله عليهم
وتصيح وماكو عم حي اليجيهم

ضل اعله النهر جوده مرمي وطايحه زنوده
لو حي ويندبونه ما يتعذر ابزوده
................................
الشام الشام الحيره طاريه ايهدم كل حيل
بيه الحره اسيره ويادمعه الحسراته اتزيل

طبت بت علي مجلس قصرهم
امضه من الدرب شافت حقدهم
ابلا غيره وبخت وادم لگتهم

بحقد نضراتهم ليها زينب وين حاميها
بس الروس وياها بالدمعه تسليها

من جف التگید بالوصیه  الى من بيده ثار امه الزجيه
رساله ابدمع المصاب     تشرح قصة الباب

امن ارماد الحطب حيدر كتب وادموعه تحدي
سلام امطرز ابلوعه وهضم وجروح تدي
امن الحيد البقه مكسور للغايب المهدي
رسالة ثار و ابيا ثار ام الحسن تبدي
الموَصى بصبر يوصيك بالثار    يحد المرجله جرد الفقار
وبالدم مو بالعتاب      تشرح قصة الباب

مصايب راح اعد تدمي الكلب  واتشيب الليل
وسوده اتصير لو تسمع من الهم نجمة سهيل
ثلث مية نذل هجمو على امك يا ابو الحيل
هذا البيده ذاك بسوط نهر خله الدمه ايسيل
يمهدي عيونها تربي عليه  وانه اتراجف هضم والنار بيه
بحسره ودمع سچاب    تشرح قصة الباب

البين الباب والحايط بحر جان امن المصاب
رغم ماكو مسافه بعيد بس منها الزمن شاب
عين وضلع سوط ونار طفل ساكط بالعتاب
رفس سب  وعده وشمات وللزهره الصدر عاب
واسمعها تون حين اعصروها  بحقد يالمهدي چانو يضربوها
وكل شوغه من الصواب   تشرح قصة الباب

يمهدي العنده جف ويطيح كون ابظلعه كسره
من تلزم جفوفه الكاع يجر انفاسه حسره
وامك من هوت للكاع استندت فوك جمره
منظرها يهد الحيل وشفت العين حمره
حمره العين والدمعه جريه  وصفت محنيه يبني الهاشميه
شفتها فوك التراب    تشرح قصة الباب

ومن غسلت فاطم ريت جفنوني  ابجفنها
على اللي شفته من الضيم بالصار ابدنها
مو بس من جرح بسمار جان اسود متنها
كل هذا الجره بيها وعليه اتظم حزنها
لچن ابكل مكان اتمر اديه   اشوفن جرح يدي من الرزيه
جروح المالها اسباب   تشرح قصة الباب

اريد الثار نار بنار وضلعها ابأمة ارجاس
ثار الزهره يابوالثار لاحد لا له مقياس
حته اعله الهوه يبني اريد اتشح الانفاس
يمن حيلك علي وغيضك من عمك العباس
خل الدنيا محتاره ابفزعتك   يغيرة هاشم الترهب سطرتك
يمن للثار طلاب      تشرح قصة الباب

ضلعي انعاب... يالمهدي من دفع الباب
ووليدي هم ضلعه انعاب  يا يمه
الهم چتال ... حرمه وثلث ميه انذال
وچفوفهم حيل اثگال  يا يمه
وچف اعداي  نشّف من عيوني الماي
من الرايح انصاب وجاي ... يا يمه

اناشدمن وابوك المرتضى امچتف
والبسمار جرحه ما رضه ينشف
بين انضر المحسن عالثره مرمي
وبين انضر الحيدر حاله مايوصف

جبر الصار بيديك   يمه وعيني عليك
مايبره الجرح دوم  واضل للدوم اتانيك

ح**يلي انهار  وطفلي انولد بين النار
وشتموني يبن الكرار  يايمه
هجمت ناس  لا غيره لا عدها حساس
عيني عموهاالارجاس يا يمه
واحد كال   جتفوها جيبولي احبال
و واحد صوابه جتال ...  يا يمه

كفر يمه  الولتني وحيرتي حيره
الموت ولا وحقدهم  ياابو الغيره
اول تالي توصل زلم يم الباب
يبن هاشم على اهلك كلش جبيره

الوصيه خلت الكوم  ... تتجاسر يجيدوم
وصار الصار بالدار ...  وضلت حسره لليوم
**الهسه اثار ... بجفوفي تترجه الثار
ماينسه وانسه الصار.. يايمه
عكب الراح  ... اوليدي عالعتبه الطاح
لاتضن يالمهدي ارتاح ... يايمه
الهسه العين ...  زركه ابزراك الجفين
من لسعة صواب البين يايمه

يغايب هد كياني الباب بالعصره
وواحد كل للاخر ضربو  الزهره
دنيا امن الهضيمه المرت عليه
وانته بحالتي والصار بيه ادره

بين النار والباب   طحت يبني عالعتاب
واشاكف بيد ضليت   وايد الفوك الحجاب

يهدم حيل ... اصواب الحقد يهدم حيل
يوليدي ويشيب الليل ...  يايمه
كون اتشوف ... عيني الرحل منها الشوف
وحيد المراجل مجتوف  .. يايمه
عليه الكوم ... ذيابه وعلى الليث تحوم
ومجلوم كلبه ومهضوم ... يايمه

بنضراته يسولف والجرح يدي
چنه ايكول هذا اليوم للمهدي
يغيب ويلفي الثار اعله جف ايده
ابني وحيله ارث من حيل البزندي

يجي يومه ويحاجيه   وبالبكلبه يوصيه
ويرده مربع الثار     والتجاسر  يراويه

اطهر گلبي ولساني ابذكر عباس
واسهرله عمر واغفه اعله عطر اسمه
دنيا امن العطف شايل ابو النوماس
وغيض ورحمه شايل جفه ابو الرحمه
اذا تشتد حرارة عسر والهم نار
ذكر عباس ماي امطعم ابنسمه

عبده وابقه دخيل ........ والضياعي دليل
عاشك اسمه وهيام ....... گلبي بسم الكفيل

بسمه انتخي بسمه
وگبل رمشت عين يفزع رحمه
زلمه مايجي زلمه
يعطش ويمطر دلال ونعمه
بَسمه للحزن بَسمه
والجمال انصاغ كله ابرسمه

علي من راد اخو لحسينه والزينب
شال ايده ودعه الله المايرد ايده
يامن موسى شديت أزرى من هارون
شد أزر الحسين ابساعد اعضيده
قد اوتيت سُؤلك ياعلي ابعباس
ناداه العلي وانطاه اليريده

كافل اخته يصير...... وخوته ابلا نضير
ورحمته تطفي نار ..... وبالزعل سيفه امير

غيِره ما يصح غيره
انخلق مو من طين من الغيره
حيره ماتضل حيره
البيه تنخه ضهره اله ميديره
زغيره التصعب زغيره
والجبيره سطرته وتفسيره

اذا يعرك جبينه من يصيبه الغيض
محيط الهادي يغرك من نده گصته
ابو بخت الجبير ويا وصف يكفيه
وزينب خدر ربها ولا يذه ابخته
هوه وبس اله يحله ويلوگ السيف
يطرب صارمه ابروس العده ابطگته

من يجي للقتال........ ما يشاهد رجال
هاشمي وبالحروب....... مايعرف المحال

حيدر من ضهر حيدر
علي خلف روحه من خلف گمر
هزبر من ضهر هزبر
وبالطف السبعين لاذت بالنهر
كبّر من هجم كبّر
وشلع جلد الگاع ناموس الفخر

بحر يتلاطم امن ايمر عليه الغيض
يرعد يرهب يفور ابچفوفه الدم
غَيّم وامطر ودخن على السبعين
انهد ركن الحرب والكافل امحزم
سفره انمدت بطول النهر صوبين
وايذب روس بيها ابسيفه المشيم

ذل شكو براسه زود ....وللزلم حط حدود
طالبي وبالنزال..... مثله ماكو بوجود

الجيمه تعثر ابجيمه
وضيّك اعله الگوم درب الهيمه
ضيمه الاحه يا ضيمه
يصير ماضي الاحه چف الشيمه
قيمه مابقت قيمه
للزلم واهوه صعب تقييمه

سهل صافي ترف والعذب بس طروا
لاکن عكس ذني ابوكت المكاون
السمه والگاع تشهد من برز للجيش
دگ الجيش دگ العشب بالهاون
شيلت چفه تعني غيمه بالميدان
وتمطر لو نزل والروس يتهاون

خله بأرض الطفوف..... بلايه راي الألوف
زلزل الطف بديه .... وطشراها الصفوف

حيله ايهد جبل حيله
وياكبر حضه اليصير ادخيله
خيله العسكر ابخيله
يعثر وما اله بالطف حيله
ويله الصدله ياويله
يموت كون االافهم تدعيله

عجائب ..... بالطف ما جرت بلكون كله
عجائب ..... اتخلي العاقل ايجن بيها عقله
سر الله الخفي بكنوز علمه
يصعب عالبشر عاشور فهمه

...........................

ابقرأن الصبر حل ذاك المصاب... وايه تنعه ايه
حقائق بس عجائب مو بالحساب وبدايه بلا نهايه
اولهن خيم تحتاج للماي ... وسراب النهر مايه
واهل الراي مو بيديهم الراي .. وشامت يمشي رايه

عجائب .... حيره لو اسميهن مصايب
عجائب.... الصخر يتفسر الهاي العجائب

ذبيح ايوزع اعله الناس نعمه
يصعب عالبشر عاشور فهمه
............................

اتقدم كل أخير بطف الاحزان ...عكس دنيانه دارت
كشخت بالغدر نزعت الوجدان .. واعله اهل الله جارت
العبد يامر وينها وساده تحتار ... هيج الدنياصارت
النار اللي تشب تتطفه بالنار... وزلم عالحرم غارت

عجائب... قاموس الزمن مافسراهن
عجائب... ينزفن اه مايحصل دواهن

جرح الف وكسر ما كطع دمه
يصعب عالبشر عاشور فهمه
..........................

وبعد من الحزن جم جرح ارويه...ماهو بشرع الاسلام
ابو ايقدم اوليده حته يرويه... و يرجع مروي بسهام
جي ذكره المهد من الولد جان.. حركو ويه الاخيام
وعطر هدمه صفه الوالدته دخان .. تشهكه وتجرع الام

عجائب... اليعطش ينسكي كون ابمنيه
عجائب... ما صارت فقط بالغاضريه

اليتنخه ابعمامه ايزيد همه
يصعب عالبشر عاشور فهمه
..........................

ديره من العجائب والحزن ناي .. منها وبيها الالحان
گمر يگصد الشاطي ياخذ الماي.. ويلكه النهر عطشان
ينطي جف عذب ويجمله بالعين .. ويترك جبده نيران
يگله انطيك عمري ابشربه لحسين. انفطر جبده بالحزان

عجائب .. ياخذ عمره بس يخون وعده
عجائب.. ويضل حسين بين الكوم وحده

وحده يم بشر مابيها رحمه
يصعب عالبشر عاشور فهمه

..........................

جبل عالتل شمس شالتها الرماح.. گمر محزوز نحره
جسد صاير درب للجاي والراح... يتمشه اعله صدره
ابير اسرار جان الخدر مضموم .. والطف كشف سره
وبيت الرحمه من الرحمه محروم .. لحد ماصار جمره

عجائب ... الرحمه تصير بيد المايرحمون
عجائب ... بحبل ضعن الله للديوان يرحون

ومحد يسمعه خاطر يكلمه
يصعب عالبشر عاشور فهمه
.........................