.
السلام عليكم ورحمة الله وبركاته
بفضل الله حصلت على 97 بالفترتين وحابه انقل لكم تجربتي وان شاء الله تجيبون ال 100 بأذن الله

بالبدايه انا طالبه تأسيسي شبه سيء واحتجت ابدأ من بدري مره (للعلم كنت بمدرسه عالميه ومنهجي انقليزي كله واحتجت ادرس من الصفر لان اختباري بالعربي ف لا تستصعبون تبدون من الصفر يمديي وزياده)، بديت من اول يوم من الترم الثاني....

اول ماده بدأت فيها وهي الفيزياء والصدق انصحكم انها تكون اول ماده قوانينها كثير وتحتاج مراجعه وتدريب وصدقوني بتكون سهله بالنهايه .
للتأسيس احتجت كتاب ناصر وعادي م يهم النسخه م انتظرت لين تنزل الجديده عشان م يضيع الوقت ،
تأسست مع فرح ابراهيم وكانت اختيار ممتاز بس يحتاج تكتبون بعض الاشياء خارجي بدفتر وذا الشيء يسهل لكم اشياء كثيره ومن ناحية التدريب كنت اخلص ماده واحل فيها غشام كتدريب ، من ناحية الوقت الفيز اخذ معاي شهر بالضبط عشان انتهي منه مع مراجعه ومع تدريبي بغشام .

الكيمياء ماده ممتعه الكل بالبدايه يستصعبها لكنها حلوه مره ومن ناحية التاسيس برضو تاسست مع فرح ابراهيم فيه ناس فضلت العمري وفيه خيارات كثيره لكني اكتفيت بفرح ونفس الشيء خليت وقت بسيط اراجعه عالسريع مع تدريب غشام ومن ناحية المده اخذ مني تقريبي ٢٠ يوم

الرياضيات ماده دسمه شوي ويبيلها مراجعه كثير لان طُرقها تنسي بصراحه لكنها ممتعه وبتحسونه نعمه بالاختبار، من ناحية التاسيس تاسست مع مهند كان شخص يعطيك المختصر ويفهمك بابسط الاشياء فضلته على باقي الاساتذه بصراحه لانه هادي وبطيء ويفهمك على مهله ومن ناحية المده اتوقع اخذ معي اقل من ٢٠ يوم مع مراجعه وغشام تدريب

الاحياء بالنسبه لي م اعجبني مره لان حفظه كثيررر وهو اكثر اسباب اخطائي بالاختبار لكن لا تخافون منه راجعوه كثيررر كثير وحاولوا تربطون عشان م تنسون ، التاسيس اخذته مع طلحه تلقون مقاطعه بتيلقرام وكنت بعد كل درس احل كويزات عليه + اراجعه تجميعاته ... طبعًا لحد يعتمد على ناصر بالاحياء ناقص مره عن نفسي درسته من يلو وكان اختيار ممتاز واخذ مني تقريبي ١٥ يوم تقريبًا كنت مستعجله عليه بس مانصحكم لأن خبصت شويات فيه ..... لا تخافون من الاحياء ترا فيه ناس كانت نقاط قوتهم بالاحياء بس بالنسبه لي ماعرف احفظ بسهوله وعشان كذا استصعبته

بالنسبه لتقسيم الوقت كل ماده شوفوا مقاطعها وقسموها على الايام الي تحسونها مناسبه لكم والافضل م يتعدى شهر وكلما صار اقل اكيد بيكون افضل بس لازم تاخذون راحتكم بالتاسيس وتفهمون كل شيء وماتسوفون .... والان بأذن الله نقول انكم خلصتوا تاسيس جميع ال4 مواد هنا نبدا نراجع وكل واحد له طريقته بالمراجعه بس كنت افضل اني اخذ كل مادتين سوا الفيز والكيم سوا والريض والاحياء سوا
وبالنسبه للمراجعه كنت اخذ درسين من الريض واراجعه من ناصر واطبق عليه بغشام ويلو وبكذا باقي المواد (يلو للرياضيات مستواه شوي صعيب عشان كذا لحد يشوف نفسه فاشل بس حلو يقوي مستواكم ) خلصتوا مراجعه؟؟ حلو تجميعات وتسريبات من ناحية تجميعات اهم شيء غشام ، يلو ،سايفر الشامل ، واهم ٣٠٠ سؤال الكنز .... التسريبات ارجعوا لسنة 2024 وادرسوا تسريباتهم وكيف طريقة الاختبار وذاكروا الفترتين لان اختبارنا تسرب اكثر من 23 وباختصار التسريبات هو مستوى الاختبار بأذن الله
بعطيكم افضل التسريبات (يلو،الكنز،تحصيلي،سايفر ،جهاد ) وترا لا تغركم كثرة المسميات ترا فيه اشياء كثيره متكرره بس لازم تمرون عليهم كلهم للأفضليه

قبل الاختبار ب ١٠ ايام حاولوا تراجعون الاشياء الي انتم ضعيفين فيها والقوانين وملحق ناصر والتسريبات الي تنزل وبين الفترتين راجعوا اخطاء اختباركم الاول وتسريباته وتسريبات الفتره الثانيه وبكذا بأذن الله بتضمنون 95+ ...

بالنسبه للاختبار لحد يتوتر الوقت يكفي وزياده لكن ارشح انكم تراجعون تضليلكم وماتخلون سؤال فاضي وتضللون لان بتتخلبطون بس لحد يفكر ان مافي وقت للتضليل فيه وزياده ويمدي تراجعون بس حطو ببالكم ان مافي وقت عشان تحلون بسرعه وتركيز ويبقى وقت للمراجعه وتقفطون اخطائكم ..

طبعًا كل شيء بعد امر الله ولحد يزعل كل شيء مكتوب وخيره لكم ... وحاولوا تدعون بكثره معكم اوقات فضيله كثيره وحطوه روتين بيومكم الوتر والضحى واذكاركم الصباح والمساء ووجهين من سورة البقره وباذن الله ربي م يخيب ظنكم ويرزقكم باللي تتمنونه ..
وتذكروا
(وَ إِذا سَأَلَكَ عِبادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذا دَعانِ فَلْيَسْتَجِيبُوا لِي وَ لْيُؤْمِنُوا بِي لَعَلَّهُمْ يَرْشُدُونَ)

اهم شيء حسن الظن بالله وبر الوالدين و رح تنفتح لكم ابواب الرزق مو بس بالتحصيلي وموفقين يارب وعقبال اعلى المراتب واتمنى افدتكم ولو بشيء بسيط
اختكم / نوره واللي يحتاج استفسار
يوزري بالتيل @cllwk

بسم الله الرحمن الرحيم
الحمدلله اولا واخيرا في الفترتين جبت +95 وكل هذا بفضل ربي ثم التزامي ومذاكرتي
بقسم تجربتي لأربع أجزاء:
1-المدة
2-المصادر
3-نصائح
4-تذكير مهممم
المدة: انا قفلت على القدرات من ثاني ثانوي وهذا احسن شيء تسوونه اما بالنسبة للي ما قفلوا الأفضل تشدوون حيلكم وتقفلون اول ترم من ثالث، بالنسبة لي بديت الترم الثاني من ثالث الى اخر يوم قبل اختبار الفترة الثانية التاسيس خلصته ب28 يوم والباقي كان عبارة عن تجميعات، طبعا بالشهري والنهائي كنت اوقف مذاكرة للتحصيلي واركز على المدرسة اما الايام العادية تكون خفيفة من ناحية المدرسة فاقدر اذاكر تحصيلي عادي، اختاروا مدة مناسبة لكم لكن تذكروا انه لو بديتوا بدري مرة وسحبتوا كثير هذا الشيء بيعرضكم للنسيان فحاولوا توازنوا بين المدة ووقت الراحة
2-المصادر
التأسيس: كتاب ناصر نسخة ٢٣+ ملخص يلو ٢٤
وقتها ما نزل كتاب ناصر  نسخة ٢٤ وبديت مذاكرة ما كنت ابي استنى النسخة الجديدة وما فيه فروقات كبيرة بين النسخ بس تقدروا تشوفون النسخة الجديدة لو احد شراها او يشرحها على اليوتيوب
التجميعات: ذاكرت كثير بس بكتب الافضل والي تكرر منها:
غشام
سايفر
جهاد اهم ٤٠٠ سؤال
ملحق ناصر
ذاكرت غيره بس كان فيها بعض الاخطاء وبعض الأسئلة الصعبة الي ما تجي بالاختبار فلا تضيعون وقتكم فيها ذاكروا الي كتبتها لكم وراجعوها اكثر من مرة لو بقى وقت وايضا راجعوه التاسيس من فترة لفترة
اما بالنسبة للشرح
فذاكرت مع فرح ابراهيم كيمياء وفيزياء ورياضيات اما الاحياء كان مع د.طلحة الي شرح ملخص يلو
انا في الاجازة قبل ثالث تابعت شروحات فرح للكيمياء والفيزياء والرياضيات فلما جيت اذاكر بالترم الثاني كنت اتذكر بعض الشرح
وذي مو خطوة ضرورية تقدرون تشوفون الشرح لاول مرة لما تذاكرون
3-نصائح
1- ابدوا بالوقت المناسب لكم لا تنتظرون احد او تخلون مذاكرتكم مع احد بالنهاية ذا مستقبلكم
2-لا تطولون بالتاسيس فقط افهموا الافكار حفظ القوانين والمعلومات ياخذ وقت فخلوه وقت حل التجميعات لانها بترسخ اكثر، طريقتي كانت اني اءاكر الهامش اما اني اكون متذكرة شرح فاذاكره لحالي او اشوف الشرح وبعدها اذاكره واتاكد اني فهمت الفكرة وبعدها احل الاسئلة الموجودة واراجع حلي مع المقطع حتى لو كان صح اتاكد من طريقة الحل انها صح 
3-بالبداية كنت احسب ان كثرة التجميعات مفيد حتى لو كان فيها اخطاء واسئلة صعبة، بس ذا الشيء اكتشفت انه غلط لاني ذاكرت تجميعات فيها اخطاء واسئلة صعبة وما لحقت اشوف لها شرح من كثر الاسئلة الي ما عرفت احلها ورحت الاختبار وما شفت اسئلة مشابهة للتجميعات ذي فركزوا على الي ذكرتهم فقط.
4-لما تذاكرون تجميع قسموه على ايام محددة حسب المناسب لكم وحاولوا كل يوم تراجعون الاسئلة الي ما عرفتوا تحلونها بنفس اليوم عشان ما تتراكم عليكم
5- بالبداية التجميعات بتحسون انها صعبة عليكم بس قاوموا ذا الشعور وبيكون شيء سهل وممتع لكم
6- قبل اختباركم شيكوا على التسريبات مثل: سايفر والمهندسة وجهاد فيه اسئلة جتني من التسريبات بس مو كثير
7- بين الفترتين لو حجزتوا للفترة الثانية راجعوا غشام وملفات التسريبات للفترة الاولى
4- تذكير مههم
لاتنسون ان كل هذا من توفيق ربي وجهدكم شيء بسيييط قدام رحمة الله فينا وتوفيقه، وعلاقتكم بربي خلوها دايم قوية بالصلاة والصدقة وقراءة القران مو عشان اختباركم بس عشان تشوفون اليسر بحياتكم
واي سؤال هذا حسابي @rwena369

الرياضيات : كنت يوم أخلص من شرح الخصوصي على اخر الفترات أراجع الدروس صح إني مرات ما أراجع لكن الحمد لله كان معي وقت ولحقت أخلص الدروس وأراجعها وكتاب ناصر علي حسب الي شفته أنه يكفي تأسيس لكن الي فاضي يشوف يلو كويس
١. والتجميعات الي راح بإذن الله تشوفها أمتع مادة بسبب التجميعات
بعد ما خلصت ناصر حليت تجميع غشام والكنز والتسريبات

الكيمياء: طبعا بذي المادة الأفضل تسوي نفس الي يقوله لك العمري أو أستاذة فرح إنك تحفظ بعض العناصر أنا طبعا بالبداية كنت ضايع بذي المادة لكن اكتشفت إنها من أسهل للمواد وترا مو لازم تحفظ كل شي لا أحفظ نفس الي يقوله المدرس نفس فرح ربطها أسطوري الصراحة والعمري مرات يزود حاجات ممكن تجي لكن للأسف ما حفظتها أنا
١.التجميعات خلصت غشام وبس ? مرتين خلصته

الأحياء : أمتع مادة بالتجميعات مادة الفهم والحفظ خلصت دورة النبلاء ال٢٠ مقطع طبعا كنت أحس إني ضايع لكن المراجعة المراجعة المراجعة تخليكم تتقنون المادة طبعا كنت أخلص المقطع وأحل من كتابه لكن أخر شي قررت إني ما أحل من كتابه لضيق الوقت وكنت وين أحل التدريبات الي بالدرس والي بنهاية كتابه كنت أحل تجميع يلو الرهيببب كمراجعة حرفيا يلو رهيب والنبلاء يا ليت يسوي ملف يجمع كل الأسألة الي بالتحصيلي وكنت يوم أواجه درس ما فهمته النبلاء كنت أروح ناصر وأشوف الدرس مع معلم يشرح ناصر والحمد لله ضبطت معي وكنت أرجع لتجميع يلو
١.التجميعات كتاب النبلاء ويلو وغشام

آخيرا : أعذروني على التجربة الطويلة ذي لكن تمنيت إن في تفاصيل زيادة يوم كنت أقرأ تجارب طلاب الدفعات الماضية

أخطاء وقعت فيها :
١. الخطأ الأول هو إني بالبداية ما شديت حيلي

1. ثاني خطة طبعا تشوفون أن درجتي بأول فترة ٩٩ وثاني فترة ٩٦ طبعا أنا بين الفترتين يوم شفت سهولة الاختبار وتطمنت ما كنت شاد حيلي بالمذاكرة كنت حرفيا أذاكر غصب لكن نصيحة لا تفرطون فيها وخلوا هدفكم ال١٠٠

أكثر أسألة بعد فترة اختبارات التحصيلي وهي أنا عندي ٣ أخطاء كم أجيب ويجيك واحد يقول أنا أخطيت بسؤالين تافهه كم أجيب يجي واحد يقوله لا أنت أخطيت بالسهل راح تنقص كثير طبعا الكلام ذا فاضي
وأنا أول فترة جبت ٩٩ أخطيت بسؤالين واحد مستواه سهل وواحد بين السهل والمتوسط طبعا أخوكم حل الصعب وجاب العيد بالسهل ?? وفي ناس جابت ١٠٠ وعندها من خطأ واحد لاثنين بس إنها تكون جديدة أو صعبة يعني مو شرط تغلط غلطين وتقعد متوتر وتقول ما راح أجيب فوق ال٩٥ لا لا ما لها دخل

ونصيحة أخو لكم لا تقصرون بالحاجات ذي

الصلاة
بر الوالدين
الدعاء بكل الأوقات خاصة الدعاء بالسجود وبإذن الله أن الله يحقق لكم مرادكم

أي غلط شفتوه فوق أتمنى تعذروني عليه وتقدرون تتواصلون معي إذا في نقطة معينة ما فهموتوها @DrH446
لا تنسون تدعون لي أعدي المسار الصحي وأدخل طب ?

السلام عليكم ورحمة الله وبركاته

معكم زميلكم حبيب طالب أول دفعة مسارات راح أقولكم تجربتي مع اختبار التحصيلي الي جبت فيه

*1️⃣ الفترة الأولى 99
*2️⃣الفترة الثانية** 96

راح أعلمكم كل شي أنا سويته بالتفصيل وكل شي يخص التحصيلي سواء استفدت أنا منه والحاجات الي أنصحكم بها والي فاتتني

كيف بديت؟ : حرفيا كنت الفصل الأول أذاكر قدرات وبنفس الوقت أبحث عن أفضل المصادر كيف عرفت أفضل المصادر عرفت من التجارب ممكن ما خليت تجربة ألا وقريتها عارف إنك الي تقرأ تجربتي شايل هم الاختبار وممكن أحد ضاحك عليك وقالك إنه صعب وتعجيزي لكن بعد ما تطلع من الاختبار بتقول وش التفاهة ذي لأنك مذاكر كويس أما الي يقول ذاكرت ٤ شهور وجبت ٧٠ صدقني انه ما ذاكر كويس

مدة المذاكرة ⏳ : أنا ذاكرت تحصيلي بداية الفصل الثاني ولكن مو بداية جدية البداية الجدية ممكن قبل الاختبار ب٣ أو ٤ شهور لإني كنت ماخذ راحتي خاصة وقتها كنت توني مقفل قدرات

*?أفضل وقت للمذاكرة : أفضل وقت للمذاكرة يعتمد عليك أنت هل بتشد حيلك وتراجع كل شي أول بأول ولا إذا حسيت أن الاختبار قرب بتشد نفس ما سويت أنا حرفيا أخر شهرين شديت شد وكنت اخذ إجازات طبعا خاصة برمضان بالمختصر أفضل وقت* من ٦ شهور ل ٤ شهور طيب أنت تبي تبدأ من بداية السنة الدراسية عادي ما عندك مشكلة أبدا لكن لا تماطل عشان ما يجيك شعور إنك منت جالس تنجز ذاكر على الخفيف صدقني راح تنجز لو باليوم ساعة ساعتين إذا تبي تبدأ بدري كويس مو لازم تضغط على نفسك وتذاكر كل يومك

?مصادر الكتب : أول شي بديت فيه طبعا إني شريت كتاب ناصر عبدالكريم حق ٢٠٢٣ لأن ٢٠٢٤ ما كان نازل طبعا ذا الكتاب من أفضل الكتب الي تبدأ فيها وتخش جو بالتحصيلي طبعا طيب أنت خلصت كتاب ناصر بشهرين كويس إنك تتقنه وش الكتاب الي بعده إذاَ خلصت ناصر؟ حرفيا يلو أفضل ملف للتأسيس ويجمع كل المواضيع الي نزلت بالتحصيلي وكتاب ناصر يحذف الحاجات الي من زمان ما تنزل لكن يوم اختبرنا اكتشفنا إن في حاجات مو بناصر كانت محذوفة أو جديدة لكن بيلو كانت موجودة طبعا الأسألة ذي قليلة وإذا أخطيت بها ما تنقصك واجد
المختصر تذاكر ناصر عشان يدخلك جو بعدين تروح ليلو وتتابع مع المدرسين الي يشرحون يلو

?‍?*?‍?المواد وأفضل مدرس يشرح كل مادة:* طبعا أنا أخذت مدرسين خصوصي للفيزياء والكيمياء والرياضيات الفيزياء و الكيمياء ما كنت وقتها شاد مع المدرس فا ما أستفدت بسبب إني ما كنت أراجع معه لكن الرياضيات الحمد لله استفدت منه

الفيزياء ?‍? : فرح إبراهيم الله يجزاها خير على تعبها وشرحها المجاني تلقونه باليوتيوب الي أنا اعتمدت عليه وفي لها دورة

الرياضيات ✖️➗: أنا ما تابعتها مع مدرسين لأن الخصوصي الي كنت معه مبدع لكن شفت ناس يشتركون مع عماد وفي ناس يتابعون مدرسين يشرحون ناصر ويكملون معاه لكن إذا تبون نصيحتي شوفوا مدرس يناسبكم باليوتيوب وبعدين روحوا ليلو وطبعا في ناس ما راح تعجبها إنك تخلص ناصر بعدين يلو أنا ترا ما سويت كذا لكن انا ذي نصيحة وبقولكم وش الي اغناني عن مذاكرة يلو

الكيمياء ?: درستها من ناصر وتابعت بالبداية محمد العمري لكن شرحه ما ناسبني لكن في كثير ناسبهم جربوه وبالنسبة لي تابعت فرح إبراهيم لكنها تشرح الكتاب ٢٠٢٣ القديم لكن يمكن على وقتكم محمد العمري يشرح شرح جديد عاد شوفوا الي يناسبكم من بينهم

الأحياء ?: ذي المادة الوحيدة الي بالبداية ما ذاكرتها من ناصر لأن بالتجارب كنت أقرأ إنها ما تغني عشان كذا ذاكرت دورة إبراهيم حفني وكانت مسجلة شريت كتابه للأحياء وتابعت معه الدورة والحمد لله إني اتخذت ذي الخطوة

طبعا تكلمت عن المعلمين والحين أنا وش كنت اسوي بكل مادة وتجربتي مع للمواد بالضبط والأسألة الي كنت اسألها الطلاب

الفيزياء : أول مادة بديت فيها من كتاب ناصر وحرفيا ذي أكثر مادة علقت فيها بحكم إن توني أبدا أذاكر طريقتي كنت أتابع فرح إبراهيم وأحل الأسألة قبل هي تحلها والي ما أعرفه أتابع شرحها وبعد ما أحل ما أسكب عشان أشوف هل هي سوت طريقة بها اختصار ولا لا صح إن المقاطع كانت طويلة لكن تحملوا معكم وقت طويل
١. في أبواب بالفيزياء عانيت فيها لكن حرفيا حرفيا قبل الاختبار كنت أقول يا ليت تجيني ذي الأبواب بالاختبار من ضمنها الميكانيكا الي هو من أطول الأبواب لكن مع المراجعة المراجعة المراجعة مهمة مهمة إنك تفهم ذي الأبواب وتنسخها وتنسخ قوانينها بعقلك لا تستهينون بالمراجعة َوكنت أكتب قوانين الفيزياء بدفتر لكن بعد ما خلصته سحبت عليه لإني من المراجعة الحمد لله أتقنت المواد
٢. نجي الآن لتجميعات الفيزياء الي خلصتها أنا طبعا أنا بالفيزياء خلصت ناصر وخلصت غشام والكنز بس ذول أدري إن في بالك إنك لازم تخلص كل التجميعات على وجه الأرض لكن لا ذول مع تسريبات آخر كم سنة إن شاء الله تكفي ومع إذا معك وقت بصمة فرح للفيزياء وانتبه من أغلاط الكنز

اهلا دفعة 2025 ?
بسرد لكم تجربتي مع التحصيلي على السريع
اولا التاسيس كان كله من كتاب ناصر عبدالكريم
الكيمياء و الفيزياء من استاذة فرح
الرياضيات من مهند ( و شفت بعد شرح العوهلي لكم درس)
الاحياء اشتت شي بالحياة شفت مقاطع استاذ احمد سكول حقت حل الاسئله بس لان ما حسيت انها تحتاج شرح ( اتوقع عنده شرح للدروس من المنهج تقدر تشوفه بس بياخذ وقت)
التدريب كان من
غشام 2023
و سايفر ( التجميع و التسريبات كلهم ضروريات)
و الحوت (ماجاني منه كثير بس حليته طقطقه)
وبس
بالنسبة للتسريبات جاني منها كثير مره ف استفدت يوم حطيت اختباري اخر يوم
الي يبي يستفسر عن شي حياه @IMD699

نتكلم الحين عن المده
مهم انكم تبداون بدري قبل حتى مايفتح التسجيل ابدو عشان تضمنو الدرجه وتكونو مستعدين في اي وقت
المده المناسبه ٤ اشهر
-
التأسيس: هذي اهم خطوه طبعا
تاسست من كتاب ناصر كل المواد ماعدا الرياضيات من ناصر والمعاصر
نتكلم عن المعلمين اللي ماتدرون قد ايش فادوني (مجانيه في اليوتيوب)

استاذه فرح ابراهيم تابعتها في الفيز والكيم وشرحها جدا واضح ومفهوم مقاطعها كثيره وطويله بس والله مافي احد يشرح بضمير قدها وكمان مجاني

استاذ محمد العمري خلصت معه كيم وأستاذه فرح تابعت مقاطعها بعد ماختمت مقاطع استاذ محمد كـ مراجعه

استاذ احمد سكول الاحياء
غالبا الاحياء سهل تقدري تذاكريه بنفسك بس كنت افتح مقاطع استاذ احمد اذا مافهمت شي معين

استاذ عماد الجزيري خلصت معه الرياضيات في كتابه المعاصر
ورجعت ذاكرته بعد من ناصر
الرياضيات اكثر ماده تعبتني??
لانها شوي تلخبط

والحين نتكلم عن التجميعات
التجميعات كثيرررررررررره
ف طبيعي تتشتوا
رح اكتب التجميعات من الاهم الي الاقل اهميه من وجه نظري بحيث اذا ماكان فيه وقت كافي تخلصيه كلهم يصير انتي ذاكرتي التجميعات المهمه بس
-غشام (مجانيه)
-جهاد ( غير مجانيه) فيه عنده ملف اهم ٤٠٠ سوال مجاني
-سايفر (مجانيه)
-الحوت (مجانيه)
-كنز (مجانيه)
-بصمه فرح(مجانيه)
ومو لازم كلها تخلصونها لانها غالبا كلها متكررة

التسريبات مصدر واحد من التسريبات يكفي تذاكر منه لانه متكرر برضو ف لا تشتتوا نفسكم
وارشح طبعا تسريبات سايفر لانها مرتبه ومافيها اخطاء

وفي النهايه بقول انو التحصيلي سهل ولاتوترو نفسكم لان التوتر يضيع كل تعبكم
وكلو امركم لله
الله يوفقكم?
ادعولي ?