من المفترض انتهاء #تصحيح أوراق الامتحان الوطني للطب البشري اليوم، و بالتالي النتائج للأسبوع القادم.

بالتوفيق ❤👍

#منقول د محمد أكرم الشرع

بالنسبة لنتائج الامتحان الوطني رح تصدر خلال هالأسبوع انشالله واعلان المفاضلة الموحدة لسا لبعد شهر ونص أو شهرين ورح نتابع معكن بكلشي منشورات متعلقة بالمفاضلة والاختصاصات وغيرو ...

وحابين ناخد رأيكن حسب تجاربكن حول النوط ومنتمنى تشاركونا بالاستبيانات السابقة من باب تطوير العمل وتحسينه ومشكورين جميعا ❤️

بالنسبة لطلاب دفعة 2025 يلي عم تسألنا عن النوط وموعد اعلان نسخة 2025 الجديدة

ف انشالله البداية رح تكون مع (قلبية - هضمية - كلية - جلدية) مو هالاسبوع وانما يلي بعده مباشر

يليها بقية الداخليات ورا بعض
(دموية - رثوية - صدرية - عصبية - خمجية)

يليها أطفال 2 + نسائية + أذنية + عينية

يليها تكملة الداخليات (غدية - كبد - صغيرة) وتكملة الاطفال اضافة للتوليد وسلسلة الجراحات

رح نحاول ننشر جميع ما سبق خلال فترة 40 يوم

ويلي حابب يبلش من هلأ فيو يبلش دراسة من المنصة متوفر عليها سلسلة 2024 بشكل مجاني
https://medboss.info/files

بالنسبة للاستبيان السابق هو انطلاقا من بعض الاقتراحات يلي وصلتنا من بعض الطلاب يلي واجهت صعوبة بمراجعة النسائية والتوليد

الفكرة منها هي نعزل كلشي فقرات قليلة الأهمية من التوليد (حوالي 80 صفحة) والنسائية (حولي 30 صفحة) وتكون بملحق اضافي منفصل

مع دمج التوليد كاملة بنوطة وحدة (200 صفحة)
والنسائية كاملة بنوطة وحدة (100 صفحة)

واعتماد ترتيب جديد معتمد على ترابط المباحث وعلى درجة الأهمية (من الأعلى أهمية إلى الأقل أهمية)

بحيث النوط الأساسية بتضمن 90% من فقرات الأسئلة بينما الفقرات قليلة الأهمية ال10% المتبقية

وبنفس الوقت بكون هيك حافظنا على كامل الشمولية لجميع فقرات المرجع بس مجرد اعادة ترتيب لطريقة الدراسة والمراجعة

شو رايكن بالفكرة؟

بعد طول انتظار هي ملف الحل النهائي لدورة تشرين 2024 الكتلة الثانية ، مع احصائية كاملة عنها وتحليل الأسئلة ومصدرها

لتكون أرشيف دائم لكل الدفعات القادمة

تم حسم إجابة كل سؤال خلافي مع مناقشته الكاملة

حيث ورد فيها 16 سؤال مغلوط أو غير دقيق قد يؤثر على صحة الإجابة وعلى حوالي 54 سؤال صعب
(تم المطالبة من الطلاب بحذف 15 سؤال منها)

📖 عدد الصفحات = 150 صفحة
🍫 عدد الاسئلة = 120 سؤال

*⭐️ ملف حل دورة تشرين 2024 - الكتلة الأولى*

اذا لنصف دورة تشرين بكلمة وحدة فهي فعلاً دورة #طاحنة بامتياز تميزت بالصعوبة العالية مقارنة بما سبقها من الدورات الماضية

وان شاء الله كل حدا بجيب احسن من توقعاته 🙏🏻
#MEDBOSS

#التحليل_الكامل_والنهائي لدورة تشرين 2024

بهاد المنشور رح نحكي عن #الكتلة_الثانية
بالأرقام والاحصائيات وبعد تحليل كامل الأسئلة

*1️⃣ بالبداية هل دورة تشرين 2024 أصعب من دورة 2023؟!*
للإجابة على السؤال قمنا بإعداد مقارنة بين الأسئلة
تبين ما يلي

🔘 عدد الأسئلة الصعبة أو الخلافية في تشرين 2023
▪️الجراحات = 25 سؤال
▪️العيادات = 7 اسئلة
▪️النسائية والتوليد = 18 سؤال

أي ما مجموعه 50 سؤال (41% من الأسئلة)

🔘 عدد الأسئلة الصعبة أو الخلافية في تشرين 2024
▪️الجراحات = 18 سؤال
▪️العيادات = 12 اسئلة
▪️النسائية والتوليد = 24 سؤال

أي ما مجموعه 54 سؤال (45% من الأسئلة)

أي كمحصلة نجد أن الأسئلة احصائياً أصعب مقارنة بالسنة الماضية مما يعكس انخفاض بالعلامات

وبشكل أدق كانت أقل صعوبة في الجراحات، أصعب بكثيير في الأذنية والنسائية، ومتساوية في المستوى تقريباً في التوليد والعينية

الصعوبة ليست بنوعية الأسئلة بحد ذاتها وانما بسبب كم الأسئلة الخلافية الكبير والتي تقبل أكثر من جواب وعدم الالتزام بالمراجع والتطرق إلى خيارات خارجية غير مألوفة

*2️⃣ هل كانت الأسئلة مليئة بالأخطاء العلمية والاملائية والتي تستحق الحذف؟!*

للأسف هالشي كان مشاهد اكتر من أي دورة مضت وتم التأكد من وجود عدد من الأخطاء العلمية المثبتة بالمصادر أو غير الدقيقة

وسبب الأخطاء هو التضارب بين مقررات الجامعات أو الركاكة في صياغة بعض الاسئلة

🔵 الأسئلة التي وجدنا فيها غلط علمي أو غير دقيقة :

1️⃣ سؤال في العظمية عن عسرة تصنع الورك التطورية يقبل أكثر من جواب وصيغة السؤال ركيكة

2️⃣ سؤال في العينية عن الساد الشيخي يضم خيارين غلط بسبب وجود غلط املائي بالخيارات

3️⃣ سؤال في الأذنية عن اختلاطات خرع الرغامي يقبل إجابتين بشكل صحيح

4️⃣ سؤال في الأذنية عن الناسور الغازي الفموي جميع الخيارات الواردة صحيحة (وفق مقرر تشرين والدراسات وأطباء أسنان)

5️⃣ سؤال في الأذنية عن الحبيبومات في الرأس والعنق يوجد خيارين غلط حيث أن الساركوئيد مرض حبيبومي كما أن السل العقدي من الأمراض الحبيبومية النادرة حالياً حتى في البلدان الوبائية

6️⃣ سؤال في النسائية حول الورم العضلي الأملس وفق تشرين الخاطئ هو (الألم الحوضي المزمن) ولكن يمكن أن يحدث في بعض الحالات

7️⃣ متلازمة أشرمان الخاطئ "العلاج بفك الالتصاقات بتنظير البطن" وايضا خيار "تركيب اللوالب تدبير علاجي" غير دقيق حيث أن اللولب يهدف لمنع النكس ومنع عودة الالتصاقات (تدبير وقائي بعد العلاج)

8️⃣ سؤال عن العوامل الرحمية المسببة للبوق الخاطئة هي "الالتصاقات التالية لاستئصال ورم ليفي عن طريق البطن" علماً أن حدوث التصاقات وندب رحمية أيضاً امر وارد مما يجعلها عامل رحمي ايضاً

9️⃣ سؤال حول اشيع سبب للنزف الرحمي بعد سن الضهي الجواب هو ضمور بطانة الرحم وهو مخالف لما ذكر بالمرجع

🔟 سؤال عن الحمل التوأمي الجواب الخاطئ "التوأمي رأسي معترض استطباب للقيصرية" رغم انها ليست استطباب بحد ذاتها ولكن قد نلجأ للولادة القيصرية بحال فشل عملية التحويل

1️⃣1️⃣ سؤال عن الحمل التوأمي أحادي البيضة يقبل اجابتين بشكل خاطئ حيث أن التوائم أحادية البيضة نسبة حدوثها ثابتة، كما أن الخيار B يوافق الانقسام بين الأيام 4-8 وليس اليوم الثالث

1️⃣2️⃣ سؤال عن العوامل المؤهبة لنزف العطالة يقبل إجابتين بشكل صحيح (السكري الحملي وارتكاز المشيمة المعيب)

1️⃣3️⃣ سؤال عن التغيرات التالية خلال الحمل جميع الخيارات صحيحة حيث أن Hyperplasia مسؤول عن زيادة وزن الرحم في النصف الأول من الحمل

1️⃣4️⃣ سؤال عن انعضال الكتفين ناقص منه كلمة "ما عدا"

1️⃣5️⃣ سؤال في جراحة الأورام عن الكيسة الدرقية اللسانية نقص كلمة "ما عدا"

1️⃣6️⃣ سؤال حول شذوذ الحبل السري يوجد غلط املائي في الخيار E حيث لا يوجد ضمن أي مصدر ما يسمى (الفتق السريري) وانما المقصود (الفتق السري*)

أي كمحصلة هناك 16 أسئلة تستحق الوقوف عندها وإعادة النظر فيها وما تبقى وإن كان خلافياً ولكنه ليس خاطئ علمياً ويمكن الوصول إلى الإجابة بالمصادر المعتمدة

تم وضع الإجابة النهائية وفق مصدر كل سؤال في ملف الحل مع المناقشة الكاملة لها ومصدرها ولكن يجب اعادة النظر حولها وحذفها

*3️⃣ من كتب أسئلة دورة تشرين 2024 الكتلة الثانية؟!
⭐️ النسائية والتوليد 👈🏻 مشاركة من عدة جامعات (وبشكل أساسي دمشق وطرطوس والبعث)
⭐️ الأذنية 👈🏻 دمشق
⭐️ العينية 👈🏻 دمشق
⭐️الجراحة العامة* 👈🏻 دمشق وحلب
⭐️ الجراحة البولية 👈🏻 كتبت للوطني
⭐️ الجراحة العصبية 👈🏻 دمشق
⭐️ الجراحة الصدرية 👈🏻 طرطوس + دمشق
⭐️ الجراحة العظمية 👈🏻 تشرين
⭐️ جراحة القلب 👈🏻 دمشق
⭐️ جراحة الأوعية 👈🏻 حلب
⭐️ جراحة الأطفال 👈🏻 دمشق
⭐️ الجراحة التجميلية 👈🏻 دورات
⭐️ جراحة الأورام 👈🏻** دمشق + حلب

الملف النهائي رح ينزل عالقناة اليوم بوقت متأخر شوي وتأخرنا فيه بسبب جمع كل المصادر ليكون بمثابة أرشيف مفيد تستفيد منه كل الدفعات القادمة

مسا الخير واهلاً وسهلاً بكل طلاب دفعتنا الجديدة ولكل الدفعات بالقناة ❤️❤️

هاد البوست موجه لدفعة 2025 بشكل خاص ومنتمنى يوصل للقلب متل مانو طالع من قلوبنا ❤️

لان نحنا كنا طلاب متلكن وحاسين فيكن وبنعرف حالة الضياع والتشتت بالمصادر اللي ممكن يصيب الطالب في بداية السنة .. وخاصة بعد الضجة الكبيرة حول دورة تشرين الاخيرة وتضارب كلام الطلاب ..

ولانه منآمن انو ضروري جدا خلق الثقة بين الطالب والمصدر اللي ليعتمده من دون شك أو توتر وهاد حقه الطبيعي انو يسأل ويتأكد بنفسه كمان قبل ما يبلش السنة ..

حبينا نشارككن بعض من تجارب طلاب الدفعة السابقة لحتى يوصلكن جزء من المحبة والتقدير اللي كان يوصلنا يوميا عالخاص ❤️

وان شاء الله بعد صدور النتائج رح نشارك معكن عشرات التجارب من طلاب دفعة 2024 الاوائل

ومتل ما قدرنا نبني علاقة أساسها الثقة والمحبة مع الطلاب اللي قبلكن ونتبادل شغفنا المشترك بالطب .. كمان منطمح انو نكوّن صلة قوية معكن .. وتأكدوا تماما انو رح نكون خير عون الكن .. ونساعدكن ونقدم النصيحة والدعم النفسي ايمت ما احتجتوه ..

واليوم لان أهم شي الشفافية بيناتنا رح نناقش بعض الاتهامات والادعاءات المغلوطة اللي صدرت من بعض الطلاب دون ذكر أسماء ..

بعض الاشاعات اتهمنا انو النوط تجارية وغير كافية للوطني متناسية كل التعب يلي انبذل فيها .. فرضا لنمشي بنفس فكرة صاحب الاشاعة .. اليوم اذا فعلا هاد هدفنا فينا ببساطة ننشر النوط فقط ونشيل المسؤولية عنا كل السنة .. وما نتابع مع حدا وما نخصص كل هالوقت عحساب حياتنا الشخصية لننزل بوستات يومية وملفات دورات مجانية ونضل متابعين عالخاص وعالغروب يوميا للمساعدة بكل حرص واهتمام عدا عن توفير نوط مجانية او هدايا لاكتر من 1500 طالب خلال السنة (بين نوط، اكواد، كورسات...) ومنعتبر هالشي واجب ومسؤولية علينا ..

نحنا هدفنا قبل ما نكون فريق للوطني .. انو نكون اخوة ونتحلى بالانسانية ونقدم المساعدة بعيدا عن اي اهداف ربحية واساسا اي مردود اغلبه بكون لتغطية التكاليف والتطوير وتوسيع العمل ومجرد تعويض بسيط ماحدا منتظره او عم يعيش منه ..

وخلال السنة رح تتأكدوا من هاد الموضوع وانشالله ما رح نقصر معكن بشي ❤️

عدا عن انو نوط الفريق هي مانها مجرد مصدر لاجتياز امتحان وبس وانما هدفها تبني اساس قوي وطبيب متكامل تراعي جميع المستويات ووفرنا الخيار للطالب ميد او ميني بحسب الوقت المتاح معه

والاسئلة الخارجية او الخلافية كانت خارجية عن جميع المصادر ومن حشو مقررات الجامعات وهاد الشي اشبه بعلم الغيب للتنبؤ فيه

وجود اسئلة خلافية هو امر عم يزيد دورة عن دورة وخاصة بالكتلة التانية وهالشي مانو ذنب لا على طالب ولا فريق واكيد نحن ضد هيك نمط من الاسئلة

ومع ذلك الشمولية كانت مقبولة وجيدة مو بالمبالغة والتهويل يلي حصل من البعض وملفات الحل خير دليل سبق ونشرنا ملف اول كتلة وغدا للتانية

ولأنه عم نقرا أفكاركن وبنعرف مخاوفكن صار لازم نختم البوست بالاجابة عهاد السؤال 😉
هل رح تكون شمولية النوط المحدثة أعلى ونضيف تحديثات وأفكار من مقرر دمشق والخ ....؟؟

الجواب : اي نعم 😌 ورح تكون النوط المحدثة خارقة جدا انشالله وبمستوى شمولية واضافات تتناسب مع اكبر عدد من الاسئلة الخلافية والصعبة اللي ممكن تجي بالامتحان طبعا الى جانب تأسيسكن خلال السنوات وترميم الثغرات خلال هالفترة

مع محاولة اختصار الحشو وتلخيص غير المهم مع التقيد بالمرجع ليكون بأفضل صورة ممكنة

وان شاء الله عملنا سنة عن سنة رح يكون افضل ونتعلم من اي اخطاء ونستفيد من اقتراحات الجميع

وبالختام .. نحنا مالنا بصدد الدفاع عن انفسنا ولا لنكسب اي حدا لصفنا.. لانو شغلنا بالاخر هو خدمة الكن وكل شخص بيختار المصدر يلي بريحه .. أعمالنا خلال السنة والجهد اللي رح تشوفوه من طرفنا كفيل باثبات هاد الشي انشالله وأكيد انتو بالاخير أصحاب الرأي ونحنا من هلأ لنهاية السنة انشالله ما رح تشوفو غير كل خير مننا تجاهكن ❤️

كل الحب من فريقكن ميدبوس ❤️❤️❤️❤️

وهي كمشة سكرينات شوفوهن وخلونا نبلش هالسنة الحلوة بكل طاقة وحماس 🔥🔥🔥

#تبرع أيا حدا من دفعة 2024 بيملك نوط ميد / ميني / ريفيو أو أعمال أي فريق اخر أو مراجع الوطني أو ملخصات قديمة أو أكواد وغيرو ... وبحب يتبرع فيها أو بجزء منها لطالب تاني فيو يكتب هاد الشي بالتعليقات

والطالب يلي فعلا بحاجة وماعنده القدرة على الشراء لنسخة جديدة يتواصل مع الشخص بالتعليقات

والله يجزيكن الخير جميعا

مناقشة دورة تشرين الكتلة الأولى كاملة مع تحليل الأسئلة بمنشور في الأعلى ولاحقا بينزل ملف متله للكتلة التانية ❤️👆🏻

بعد طول انتظار هي ملف الحل النهائي لدورة تشرين 2024 الكتلة الأولى ، مع احصائية كاملة عنها وتحليل الأسئلة ومصدرها

تم حسم إجابة كل سؤال خلافي مع مناقشته الكاملة

📖 عدد الصفحات = 160 صفحة
🍫 عدد الاسئلة = 120 سؤال

وان شاء الله كل حدا بجيب احسن من توقعاته
#MEDBOSS

طلاب دفعة 2024 المميزين والغاليين كتير عقلوبنا

بعد ضجة الاسئلة مبارح والاحباط والزعل اللي صاب كتار منكن للاسف .. صار بدهن تذكير بالجانب الايجابي واللي هو انو واخيرا تخرجتوا وخلصت سنوات الطب الطويلة والصعبة وصرتوا أطباء بجدارة وترفع لكم القبعة بعد كل الضغط والظروف الصعبة اللي مرقتوا فيا ❤️🎓

من اخبار حزينة وبشعة يوميا عالسوشال ميديا .. لحروب ومشاهد وظروف البلد كلها بتأثر وكفيلة انو تغير مزاج الطالب وتأثر ع انتاجيته الدراسية .. بالاضافة اكيد للظروف الخاصة بكل حدا فيكن سواء صحية او عائلية أو مادية ... الخ

اليوم الطالب السوري مو بس عم يتم امتحانه بقاعة الامتحان بورقة الاسئلة .. وانما عم يختبر حياتياً بصبره وقوته وارادته وعزيمته واصراره عالنجاح واثبات نفسه رغم كلشي بشع وقاسي محيط فيه

لا تخلي دورة خلافية وغير منطقية تعتمد على مزاج الدكتور ومنظوره تقلل ثقتك بنفسك او تحسسك بالاحباط والفشل

كلنا متفقين ولا يخفى على حدا الشي يلي صار ونص الشغلات يلي اجت بالفحص منأكدلكن مانها مهمة بالحياة العملية

لازم كل حدا فيكن يكون جدا فخور بنفسه .. استمراركن وعدم الاستسلام لحد آخر لحظة هو أعظم انجاز لتتذكروه دوما والابتسامة ع وجوهكن❤️

ونحنا اكيد مقدرين تعبكن ومشاعركن المختلطة بعد الامتحان .. وانشالله الفترة القادمة بتكون أريح وأحسن للجميع يارب

حاولنا باللي منقدر عليه نترك أثر حلو وايجابي عندكن .. من شغلنا بالنوط .. لسهراتنا بكتير احيان مشانكن .. لمتابعتنا لرسائلكن اليومية عالخاص .. كنا معكن خطوة بخطوة وانشالله ما نكون قصرنا مع حدا فيكن ابدا ❤️

واكيد نحنا حدكن دوما لنقدم النصيحة والاستشارة ايمت ما احتجتوا .. ومتابعين معكن بالمرحلة القادمة من مفاضلة واختصاص ومنتمنالكن كل التوفيق بحياتكن العملية لقدام ❤️

حاولنا نقدم كلشي منقدر عليه على مدار سنة كاملة ونكون سند وعون الكن لاخر لحظة وانشالله نكون أكملنا واجبنا معكن عأكمل وجه ❤️

كنا منتمنى بس لو اجت الأسئلة غير هيك وتكافئكن على تعبكن ودراستكن واكيد كلكن بتستاهلوا احسن

وتذكر انك عملت كلشي بتقدر عليه ورب العالمين شايف تعبك ورح يختار الخير لكل شخص وبالمكان المناسب اله

حب كبير لدفعتنا الغالية وزملاءنا ❤️❤️❤️❤️

#دفعة_2024
#graduation
#All_Love
#MedBOSS