Англияда ўзини ўзи тиклайдиган асфальт яратилмоқда.
2025-йил 3-феврал куни Лондон Қироллик коллежи биомасса асосида яратилган ва сунъий интеллект ёрдамида ишлаб чиқилган ўзини ўзи тиклайдиган йўл қопламаси устида ишлаётганини эълон қилди. Ушбу қоплама микро ёриқларни мустақил равишда бартараф эта олади, бу эса йўлларни бардошлироқ ва узоқ муддатга чидамли қилади.

——-
Ўзбекистонда эса "ўзини ўзи тиклайдиган йўллар" эмас, балки "ўзини ўзи бузадиган йўллар" мавжуд. Бугун таъмирланган йўл эртага қайта бузилиши мумкинлиги одатий ҳолга айланган.

Аввал йўл таъмирланади, ортидан канализация, газ ёки сув қувурларини ётқизиш учун қайтадан ковланади. Кейин юзаки ямоқ қилиниб, бир йил ўтар-ўтмас, ўша жойлар яна чўкиб, ҳаракат учун ноқулай ҳолга келади.

Бундай ёндашув нафақат иқтисодий самарадорликка, балки аҳоли турмуш сифатига ҳам салбий таъсир кўрсатади. Шу боис, йўл қурилиш жараёнларини яхшилаш, лойиҳалаштиришда узоқ муддатли манфаатларни ҳисобга олиш зарур.

@jurnalistuz

Ўзбекистон Республикаси Президенти Шавкат Мирзиёев ва Малайзия Бош вазири Анвар Иброҳим «Petronas” корпорациясининг бош қароргоҳи - "Twin Towers" биносига ташриф буюриб, компания президенти Муҳаммад Тавфиқ билан учрашув ўтказди.

@jurnalistuz

4 февраль – Бутунжаҳон саратон касаллигига қарши кураш куни.

Ушбу сана жамоатчиликни онкологик касалликлар ҳақида хабардор қилиш, уларнинг олдини олиш ва даволаш усулларига эътибор қаратиш мақсадида белгиланган.

Шундай махсус кунлар орқали аҳоли, хусусан, аёллар онкологик касалликлар ҳақида огоҳлантирилади. Шу кун муносабати билан Олмалиқ кон-металлургия комбинатида Республика онкология маркази Тошкент вилояти филиали онкологи М. Тўхтабоева бошчилигида семинар ташкил этилиб, саратон касаллигининг белгилари, даволаш усуллари ҳамда мунтазам тиббий кўрикнинг аҳамияти ҳақида маълумот берилди. Шунингдек, аёллар учун тиббий кўрик ҳам ўтказилди.

Айрим ўзини севмайдиган, соғлигига беписанд ёки тиббий маданиятдан йироқ аёллар учун тарғибот зарур. Ётиб қолмагунча, касалхонага бормайдиганлар учун, шифокорлар овора-да!

@jurnalistuz

❗️Иссиқхоналарга табиий газ етказиб бериш бўйича ҳеч қандай чекловлар мавжуд эмас — Энергетика вазирлиги

Вазирлар Маҳкамасининг 2024 йил 31 майдаги 319–сон қарори билан тасдиқланган Табиий газдан фойдаланиш қоидаларига асосан иссиқхоналар табиий газ учун тўловларни амалга оширган ҳолда фойдаланишлари мумкин бўлиб, уларга табиий газ етказиб бериш бўйича ҳеч қандай чекловлар мавжуд эмас.

Яъни, иссиқхона эгалари белгиланган тўловларни амалга ошириб, табиий газдан фойдаланишлари мумкин.

Маълумот учун, иссиқхона хўжаликларига ҳосил йилининг дастлабки 3 ойида (октябрь, ноябрь ва декабрь) етказиб бериладиган табиий газ учун олдиндан тўлов 50 фоиз миқдорида, қолган қисми ой якунига қадар, кейинги ойлардан бошлаб эса ҳар ойда 100 фоиз олдиндан тўлов амалга оширилади.

@jurnalistuz

Президент Шавкат Мирзиёев:

— Ҳеч қачон унутмаслигимиз зарур: мамлакатимиз хавфсизлиги, юртимиз мудофааси нафақат Қуролли Кучлар ва ҳуқуқни муҳофаза қилиш идоралари, балки Ўзбекистонни ўзи учун она Ватан деб биладиган, миллати, тили ва динидан қатъи назар, барча инсонларнинг муқаддас бурчидир.

Бунинг учун ягона Ватан, кўп миллатли ягона аҳил оила туйғуси ҳар биримизнинг қалбимиз, юрагимиздан чуқур жой олиши лозим.

@jurnalistuz

Тадбиркорлик субъектларида таъсисчи бўлган 1,5 мингга яқин давлат хизматчиси аниқланди

Давлат органлари ва ташкилотларнинг 1 488 нафар бошқарув ходими 1 653 та тадбиркорлик субъектларида таъсисчилик асосида фаолият юритиб келаётганлиги аниқланди.

Коррупцияга қарши курашиш агентлиги томонидан тегишли ташкилотларга 33 та тақдимнома киритилди.

Маълумот учун, қонунчиликка кўра, вазирлик ва идоралар, давлат унитар корхоналари ва муассасалари, давлат улуши 50 фоиздан юқори ташкилотлар ва маҳаллий давлат ҳокимияти органлари ходимларининг тадбиркорлик фаолияти билан шуғулланиши тақиқланган.

@jurnalistuz

Йўловчилар билан гавжум бўлган 9 та метро бекатида она ва бола хонаси ҳамда ҳожатхона қурилди.

Аввалроқ “Чилонзор” метро бекатида синов тариқасида она ва бола хонаси ҳамда ҳожатхона ишга туширилганди.

— Намозхона ҳам қўшвормабди-да. )

@jurnalistuz