📝 Эй Аллахнынъ къуллары! Юдже Аллах (Субханаху ва Та’аля) бизлерге ипрангъан иманымызны тазелемеге имкян берген вакъыт келе! Бу уммет ичюн буюк олгъан айнынъ кельмесине пек аз вакъыт къалды, бу айны Юдже Аллах (Субханаху ва Та’аля) юксельтти...

📝 Ey Allahnıñ qulları! Yüce Allah (Subhanahu va Ta’alâ) bizlerge ipranğan imanımıznı tazelemege imkân bergen vaqıt kele! Bu ümmet içün büyük olğan aynıñ kelmesine pek az vaqıt qaldı, bu aynı Yüce Allah (Subhanahu va Ta’alâ) yükseltti...

Окъумакъ
Oqumaq

Аллахны ве Онынъ Пейгъамберини ﷺ озманъыз
═══◈••••✦••••◈═══

Эй Аллахын къуллары, эр биринъизни хаберинъиз олсунки, Мухаммадны ﷺ хакъикъий излемек, бу онынъ Суннетини ве ёлуны къавий тутмакътадыр. Оны япкъаныны япмакъ, япмагъан шейинден узакълашмакътыр.

❗️Эгер ким де ким Пейгъамберимизни ﷺ динине бир шей къошса яда Пейгъамберимизни ﷺ дининден бир шей алып ташласа, демек: о Мухаммадны ﷺ излемекни бир парчасыны джойды, буда демек: «Мухаммаду расулю Ллах» шахаданы бир парчасындан махрум къалмакътыр.

Бир шей азайтмасыда ярамай, бир шей къошмасыда ярамай, амма Мухаммаднынъ ﷺ динине бир шей къошмакъ – бу даан ярамайдар, чюнки бу огге чыкъмакъ демек, Аллахын ве Онынъ Пейгъамберини ﷺ огюне чыкъмагъа тырышмакъ, озмакътыр.

?Амма Аллах исе бизге деди:

**{یَـٰۤأَیُّهَا ٱلَّذِینَ ءَامَنُوا۟ لَا تُقَدِّمُوا۟ بَیۡنَ یَدَیِ ٱللَّهِ وَرَسُولِهِۦۖ وَٱتَّقُوا۟ ٱللَّهَۚ إِنَّ ٱللَّهَ سَمِیعٌ عَلِیمࣱ}

«Эй, иман эткенлер! Аллаhнынъ ве Ресулынынъ огюне кечменъ. Аллаhтан къоркъунъ. Шубесиз, Аллаh Эшитиджидир, Билиджидир».**

(«аль-Худжурат», 49:1)

❗️Амма динде бир шей тюшюнип Аллахын огюне кечменъ, Пейгъамберини ﷺ огюне кечменъиз.

? Хутбени толусынен динълемек багъланты

Арафе кунюнинъ къыймети.
Эй Аллахнынъ къуллары, Аллахтан къоркъунъыз ве бу Арефе кунюнинъ къыйметини кереги киби къадирине етинъиз. Бу куньге Юдже Аллах сизге яшап етмеге имкян бергенине Раббинъизге хамд корьсетинъиз, чюнки бу куньни юксельтмек, урьмет этмек ве къыйметини бильмек тек аджылыкъта олгъанларнынъ вазифеси дегиль, буны бутюн инсанлар япмакъ керектир. Онынъ ичюн бу сене кимнинъ Арафатта олмагъа чареси олмады исе, бу куньде энъ буюк ибадетлерден бириси – ораза тайин этильген. Арафе куню ораза тутмакъ - бу Пейгъамберимизнинъ ﷺ къатты Суннетлеринден бирисидир. Бу Суннетни къачырманъыз, чюнки Пейгъамберимизден ﷺ Арефе кунюнинъ оразасы акъкъында сорадылар, ве о, деди:

يُكَفِّرُ السَّنَةَ الْمَاضِيَةَ وَالْبَاقِيَةَ
«(Арефе куньнинъ оразасы) кечмиш ве келеджек сенелернинъ гюнахларыны афу этер».
Муслим (1162).
Аллах буюктир! Энъ азында бир гуняхымыз афу этильмесинде биз о къадар мухтаджмыз. Мында исе сенинъ эки сене девамындаки гуняхларынъ афу этильмеси акъкъында хабер этиле: кечмиш ве келеджек сене. Эгер сен, ихляслы оларакъ, темиз юректен, мувахид оларакъ Аллах ризасы ичюн ораза тутсанъ, гуняхларынъ афу этиледжек. Бу кунь мусульманлар Юдже Аллахкъа ибадет этмек ерине пис ве айып арекетлернен огърашмасынен, яни музыка динълемекнен, олмайджакъ харам шейлер бакъмакънен къальбни агъырмакъталар. Базы инсанлар исе гунях япмайлар, амма ибадеттен дикъкъатыны болелер ве бу кунь девамында ясакъ олмагъан ишлернен эгленелер. Амма шимди бу шейлернен эгленмеге вакъыт дегиль! Сен коресинъ ки, инсан насыл кезмелерде юре я да ясакъ олмагъан ишлернен огъраша, амма Аллах буюктыр! Аллахнен емин этем, бу инсан не къадар буюк зараргъа огърады, бу ясакъ олмагъан шейлерни Аллахнынъ бу куньде берген имкянына деништирди.

Онынъ ичюн биринджиден озюмни, сонъ исе сизлерни тенбилейим ки, бизлерге бу сене Меккеде олмагъа чаре олмады исе, бу Арефе кунюнде Аллахнынъ китабыны пек чокъ окъумакъ, Аллахны пек чокъ анъмакъ, Онъа истигъфарларнен, тёвбелернен чокъча мураджаат этмек керек ве кимнинъ бу куньде, ихляслы оларакъ, тек Аллах ризасы ичюн ораза тутмагъа чареси бар олса, ораза тутмакъ.
Даа сизлерге хатырламагъа истейим ки, эй Аллахнынъ къуллары, Зуль-Хидджа айнынъ биринджи он куню – бу йылнынъ энъ гузель куньлериндендир. Бу Юдже Аллахкъа ибадет этиледжек, Онъа ачыкъ юрекнен ёнелинеджек вакъыттыр. Онъа ду’а этмек ичюн, Оны анъмакъ ичюн, Онъа хамд корьсетмек ве макътамакъ ичюн, Онынъ ичюн бу куньлерде сизлерни Юдже Аллахкъа якъынлаштыраджакъ амеллернен огърашынъыз: ораза олсун, намаз олсун, садакъа олсун, Аллах ризасы ичюн хайыр амеллер олсун, чюнки бу заман Юдже Аллахкъа ёнеледжек замандыр. Эгер сен шимди ёнельмесенъ, не заман ёнеледженъ?! Эгер сен шимди тёвбеге къайтмасанъ, не вакъыт къайтаджанъ?!

Даа бир меселе, эй Аллахнынъ къуллары: унутылгъан Суннетлерден бириси - бу Юдже Аллахкъа зикирлер япмакъ: тахлиль (ля иляха илляЛлах), такбир (Аллаху Акбар) ве тахмид (альхамдулиЛлях). Юдже Аллах (Субханаху ва Та'аля) Озь Китабында бойле буюра:

وَاذْكُرُوا اللَّهَ فِي أَيَّامٍ مَّعْدُودَاتٍ
«Сайылгъан куньлерде (эйям-ы тешрикте тельбие ве текбир кетиререк) Аллаhны анъынъ».
«Аль-Бакъара, (2:203)»
Ибн 'Аббас (Аллах ондан разы олсун) бойле деди: ««Сайылгъан куньлерде» - бу Зуль-Хиддже айнынъ он кунюдир».
Ве аль-Бухари озь «Сахихинде» ривает эте ки, Аби Хурейра (Аллах ондан разы олсун) ве 'Абдуллах ибну 'Умер Зуль-Хиддженинъ он кунюнде базарларгъа чыкъып, текбир айта эдилер. Ве адамлар оларгъа бакъып, айни текбир кетире эдилер:

اللهُ أكبرُ اللهُ أكبرُ، لا إلهَ إلَّا الله، واللهُ أكبر اللهُ أكبر، ولله الحَمد
“Аллаху акбар, Аллаху акбар, ля иляха илляЛлах, Аллаху акбар, Аллаху акбар уа лиЛляхиль-хамд!”
Юдже Аллахкъа ялварамыз ки, бу куньлерни энъ гузель шекильде кечирмеге, бизлерге ихляслы тёвбеге къайтмагъа насип этсин. Юдже Аллах бизлерни кокелимизден тутып, хайыргъа ёнельтсин. Юдже Аллах бу ибадет вакъытларыны файдалы вакъыт япсын, бизге Оны анъмагъа, шукюр этмеге ве тек Онъа ибадет этмеге ярдым этсин.

Аллах бизден ве сизден къабул этсин!

? Пейгъамберимиз ﷺ деди:

إِذَا رَأَيْتُمْ هِلَالَ ذِي الْحِجَّةِ، وَأَرَادَ أَحَدُكُمْ أَنْ يُضَحِّيَ فَلْيُمْسِكْ عَنْ شَعَرِهِ، وَأَظْفَارِهِ

“Зуль-хиджже айнынъ башыны коргенинен, аранъызда къурбан чаладжагъынъыз сач ве тырнакъ кесмектен озюни тутсын”.