السلام عليكم ورحمة الله مجموعة C 11-15 كل يوم اربعاء وخميس حتاخدو محاضرات ENT في مدرجات الصيدلة ل يعطو فيها ف النظري بالتوفيق للجميع

السلام عليكم ورحمة الله
مجموعة C 11-15 كل يوم اربعاء وخميس حتاخدو محاضرات ENT في مدرجات الصيدلة ل يعطو فيها ف النظري
بالتوفيق للجميع

السلام عليكم ورحمة الله
اليوم تواصلنا مع قسم الجراحة بخصوص المحاضرات العملية، وتفاهمنا ان نقسموا المجموعات ، زي العادة كل مجموعة 5-10 اشخاص يبو يكونوا مع بعض يبعتولنا على البوت ضروري بين اليوم او غدا لان الكلينك يبدا الاسبوع الجاي .
https://t.me/Mof3bot

#مادة_تخرج

السلام عليكم ورحمة الله

الكلام هدا موجه لكل الدفعات الكلينك
الخطة دراسة وموعد الأمتحانات نزلت في موعد مبكر ياريت الكل يبدا يقرا ويلتزم بالتاريخ المكتوب .

مش بعد مرور الوقت والأمتحانات تقرب تبدو في موال التأجيل ساد تضيع من الوقت والعمر !!! .

الكل يبي يتخرج خلاص !! ومعانا طلبة تكميلي عندهم اكتر من مادة كل ما الجدول يتغير للأسف نضرو فيهم .

الكلية مدايرة جهدها باش تنظم وتنحي القاب وتبدا الدفعات تقرا بشكل منتظم

حاليا الكل يلتزم بالجدول مناسب جدا
و الوقت كافي تقرا وتراجع اكتر من مرة

(التأجيلات ممنوعة )

موفقين ??

السلام عليكم ورحمة الله

ملخص لتوضيح كل اللي صار في موضوع التأجيل
الفترة اللي فاتت كلها حاولنا بكافة الطرق السلمية والقانونية ان نأجلوا الامتحان والجامعة والكلية القسم نفسه وللاسف موصلناش لحل .

‎امس انا ومالك تلاقينا مع الدكتور هاشم وحاولنا نوصلو معاه لحل في موضوع موعد الامتحان حاولنا نوضحو كل اسبابنا وحتي هوا وضح الاسباب متاعه ولى كانت ان الموعد معلن من البداية وان في احتمال تتاجل المادة القسم يعتصم ومعاش يصير من الامتحان على خاطر الدكاترة ليهم اكتر من 3 سنوات بدون علاوة تدريس وان وضع البلاد مش معروف ف المادة ل تكملها تفتك منها وان المجهودات لي بدلها القسم السيمستر هذا مصارتش قبل ومفروض الطلبة يتعاونو مع القسم و القسم مش حيقصر في مستوى الامتحان و حيكون في المتناول زي امتحان الدفعة الي قبلنا لانه هدا هوا الاساس الي مفروض يتقيم عليه الطالب مش اكتر منه.

ومع هذا اليوم قلنا نديروا محاولة اخيرة على امل ان يجي عدد كبير من الطلبة والكلية اديرلنا اي حل ولكن موصلناش لحل معاهم
وزدنا ‎مشينا لرئاسة الجامعة وتلاقينا مع وكيل الجامعة الدكتور خالد غومة، وحتى هوا مقدرش يدير حل لانه حتى هما خايفين من الاعتصام متع الدكاترة.

‎الملخص ان كل الشباب دارت لى عليها وحاولت مع كل الجيهات المختصة ولكن الموضوع واضح ان مسكر. بجد بارك الله فيهم الشباب على كل مجهوداتهم

بالتوفيق للجميع وباذن الله ننجحوا كلنا .