Zukkolar va landavurlar

Kitobda bir ma'lumot berilgan edi: IQ test insonning IQ sini o'lchaydi, hayotda osonroq yashash esa bu testga bog'liq emas!

Hamda bir tadqiqot haqida aytilgan edi: maktabda 2 turdagi(IQ darajasi yuqori-"aqlli", IQ darajasi past-"aqlli bo'lmagan") bolalarga topshiriq berilgan edi. Topshiriq: sizga sochiq berilgan undan qanday qilib foydalanish mumkin?
1-turdagilarning javobi:
1. Yuz-qo'lni artish mumkin

2-turdagilarning javobi:
1. Yuz qo'lni artish
2. Yoqib, isinish
3. Partaning oyog’iga tirgak qilish
....

Tadqiqotdan o'rganishimiz mumkin bo'lgan narsa: har bir narsaning boshqa tomonlari mavjud, har bir buyum yoki jarayondan turli xil insonlar uchun turli xil maqsadlar mavjud. Qisqa qilib aytsa hayot yagona qarashlardan iborat emas.

Maktab - kimgadir qamoqxona, boshqa biriga o'z imkoniyatlarini aniqlash markazi.
Universitet - kimgadir diplom beradi, boshqa biriga kuchli ustozlar va yaxshi networking berishi mumkin.
Oylikli ish - kimnidir qul qiladi, boshqa inson o'z ishidan rohatlanib insonlarga foyda beradi.
....

Jarayon qanday bo'lishi ahamiyatsiz, siz jarayonga qaysi nazardan qarashingiz muhim!

Doimo zukko bo'ling, landavurlardek yomon tomonlarga boqmang!

@bekhmirzayev_blog | Anonim

Qizlarning muvaffaqiyati

21-asrning odatiy yutuqlarga erishgan, kelajagi uchun harakat qilayotgan qiz deganda, deyarli barchaning hayoliga yuqori IELTS natijasiga ega, universitetga grantga kirgan, boshqa bir sohada ishlaydigan qiz siymosi yaraladi.

Ko’plab insonlar eskicha deydigan 18 yoshlik qiz haqida aytib bermoqchiman.

4 ta tilda suhbatlasha olgan(O’zbek, Rus, Ingliz, Arab), Arab tilini mukammal bilgan. E’tiborli tomoni tillarni o’rganish uchun o’quv markazlaridan emas online qo’llanma va darsliklardan foydalangan.

Maktabni qizil diplomga bitirib, universitetga grantga kirgan.

Tikuvchilik hamda pazandachalikdan ham intizom bilan masofadan o’rgangan, o’z mahallasida qo’shnilari uchun pardalar tikib sotgan.

Diniy ilmini ota-onasi yoshlikdan berib borgan, xulqiga Qur’on singan, Qoriya edilar.

Shunchasidan yana vaqt ajratib arab tilida bitilgan kuchli kitoblardan 4 donasini tarjima ham qilganlar.
Nashr qilinsa va bizgacha yetib kelsa sotuvini ham yo’lga qo’yamiz.

Bundayin vaqtida barakasi bo’lgan muslima opa/singlimiz orqa miya saratonidan olamdan o’tdi. Ularning haqlariga duo qilib qo’yaylik.

@bekhmirzayev_blog

Havaskorman

Men havaskor futbolchiman. Futbol haqida o'zimga kerakli narsalarni bilaman, ammo maydon uzunligi, uning kengligi, koptok vazni haqida bilimlari yo'q.

Men havaskor haydovchiman. Manzilimga yetib bora olaman, ammo qoidalarni to'liq bilmayman, avtomobilimda baland musiqa eshitib insonlar oldidan o'tib ketaman.

Havaskor va professionalning farqi texnik qonun-qoidalarini bilish darajasida farqlanadi.
Istalgan soha, jarayon yoki amallarni qarasangiz chiroyli ko'rinishi mumkin, lekin bu chiroyli harakat texnik jihatdan to'g'rimi? insonlarga yoqish uchun qilinmadimi? degan savollarni berishingiz kerak.

Uzoq muddatli harakatlar, ularni ajratishning eng yaxshi usulidir.
Sizga yaxshi gapirgan haydovchi qizilda o’tishi mumkin, yangi biznes boshlagan 1 yilda bankrotga uchrashi mumkin, hijobda yuribdi ammo amallari musulmonniki bo’lmasligi mumkin…

Havaskorlikda qilingan amallarning katta qismi inson nafsi o’laroq qilinadi.
Ilm shuning uchun kerak, nafsga uchmasdan qoidasiga amal qilishga!

@bekhmirzayev_blog

Erta uyg'onish formulasi

Menga o'xshagan dangasa, tanbal hamda ishyoqmaslar uchun mo'ljallangan usul bo'lib bizdan ko'p narsa talab etilmaydi.

1. Shubhasiz, erta uxlash. 10 dan oldin.
2. Erta tongga mas'ulyatli vazifa yuklash. Tavsiya: pullik narsa bo'lsin(kurslar), uning qiymati esa ko'zga ko'ringudek bo'lsin.
3. Ekran vaqtini kamaytirish, to'liq kunlik nazarda tutildi.
4. Yotishdan oldin suv iching, faqat iching!

Bu yerda yashirin texnika yo'q, shunchaki uxlab qolsangiz moddiy tomonlama zararga kirasiz. Boshida biroz qiynashi tabiiy holat.

Ishoning, bu usulni 1 hafta qo'llasangiz sizga budilnik shart emas.

Fikr-mulohazalar uchun | Anonim
@bekhmirzayev_blog

Faqat siz emas!

Dunyoda diqqat buzilishi bilan bog'liq muammo avj olib bormoqda. Diqqat buzilishiga esa ko'plab omillar sabab bo'lmoqda bu to'g'risida olimlarning tadqiqotlariga yuzlanib ko'ring.( Frontiers, LiveScience)

Eng yaxshi xodimlar(direktor, menajer, marketolog, hattoki prezident) diqqatini mediaga berib qo'ygan insonlar emas. Dunyo diqqatini jamlay olgan mutaxassislarga muhtoj.

Sizlarga o'z diqqatingizni chatlarni o'chirish, instagram/youtubega kirmaslik va boshqa bir nechta yo'llarini o'rgatmoqchi emasman.
Sizlarga boshqalarning diqqatini bo'lmaydigan ishlar qilishingizni o'rgatmoqchiman.

Deyarli barcha mediada faol, ayniqsa 21-asr hamda ishlarimizning asosini media tashkil qilgan davrda.
Ba'zi insonlarning kanallari mavjud, qolganlar esa ko'plab hikoyalar joylaydi, boshqalar esa shunchaki yozish bilan ovora.

Siz qilayotgan ishlaringiz, qo'yayotgan postlaringiz, hikoyalaringiz yoki rasmlaringiz bilan sizni hurmat qilib kuzatayotgan insonlarning diqqatini kichik miqdorda yemirayotgan bo'lasiz.

Inson o'laroq o'zimizni emas, boshqalarni ham o'ylashimiz kerak ekan!
Mediadagi faolligimiz boshqa tomondagi insonlarning diqqatini sarflash bilan bo'lmasin.

Bir insonning vaqtini hamda diqqatini olamizmi, demak shunga arziydigan narsa ham beraylik!
Tarmoqlarda shaxsiy hisob ochgan lekin hech narsa qilmaydigan odam bo'ling demoqchi emasman.

Fikr-mulohazalar uchun | Anonim
@bekhmirzayev_blog

Kanal mundarijasi:

2024 mart-may
Har sohaga burun SUQAVERMA !!!
Yaqinimdan kutmagan edim!
O'zbekistonda yashash o'rinli(mi)?
Meni boshimdan o'tganlarni bilmaysan(siz)!!!
Maydalashamiz yoxud muammolarni tomirdan bartaraf etish kerak.
Telegram buzildi(mi?)!
Social media effekti !!!
Insoniylik ulardan muhimroqdir
Noto’g’ri boykot!!!
Amir Temur 👑
Bilimsiz bloggerlik
Qadriga yetilmaydigan ta’lim
Qalbingizga yetib boradi
Rumiy aytgan(mi?)!
Kamtar bo'ling!
25-may shayton bazimdan farqi qolmayabdi!
Notcoin bosishga ulgurdingizmi?
Zahiriddin Muhammad Bobur👑

2024 iyun-avgust
Chetelliklar halol deyabdi-ku!!!
Singdiriluvchi mafkura!!!
Odamlar to'g'ri deydi!
Hayoda issiqning aybi yo'q!
G'alati avlodmiz!
Uzuni esda qoladi!
Ehsonning mukofoti ehsondir!!!
Utopia davlati qanday yaralishi mumkin?
Maqsadsiz bo'lishgan!
Endi nima?
No Problem! Here’s the Information About the Mercedes CLR GTR
Boshqacha bo'ling!
Yutqizganda ham yonida bo'ling!
Kulib turing :)
Cheklash kerak!
Sevishib ko'rish kerak(mi) ?!
Bu so'nggisi!
Kommunistlar majlisidan parcha!
Omon qolganlar effekti!
Insha'Alloh ajri boshqacha!
Mustaqillik muborak bo'lsin!

2024 sentabt-hozirgi davr
Erkak...
Katta muammolar kichiklaridan paydo bo'ladi
Jamoaga qo'shiling
Vakansiya e'lon qilamiz
Shunchaki boshlash yetarli emas
Ba'zi ayol/qizlar gapirishni qoyilllatadi
Do'stlarning ahamiyati
Ayol fahmi
Oyna kabidir
Faqat siz emas!
Erta uyg’onish formulasi

Muqaddima

"Mo'min mo'minning ko'zgusidir. Mo'min mo'minning birodaridir"

Alloh taolo bergan xulq hamda aql, farosat ila qadarimda yozilgan ishlardan olgan huloasalarimni o'z qarashlarimga binoan shu kanalga bitib boraman.

Kanaldagi postlardagi mazmun har bir inson uchun amal qiladi demayman, Alloh bilguvchidir.
Kanalning asosiy maqsadi, o'zimga eslatmadir, kegin sizlarga tajribadan ulashuvlar.

Ismim Otabek, 18 yoshman(haliyam :)) ), Namangan viloyatidagi norin tumanining chekka bir qishlog'idan, oddiy bo'lmagan oilada tug'ilganman. Oddiy bo'lmasligining sababi menga ota-onam imkon va ishonch berishganidir.
Qishlog'imizdagi maktabda 7 yilli ta'lim olganman, 8-9-sinflarni ixtisoslashtirilgan maktabda o'tkazganman. qolgan 2 yilda esa akademik litseyda bo'lganmiz.

Hozirda Toshkent Davlat iqtisodiyot Universiteti(narxoz)ning masofaviy yo'nalishi 2-kurs talabasiman.
Registon maktabi Farg'ona filialida esa shogirdman(ustoz-shogird an'anasi)

Kitobxon emasman, kitob o'quvchilardanman, dasturlashni dangasalik bilan o'rganganman, boshqa bir nechta sohalardan tushunchalarim mavjud, futbolning barcha turini(o'ynash, kuzatish, tvda ko'rish, qurilmalarda o'ynash) yoqtiraman.
Muhimi radikal emasman, kamchiliklarimni tan olishga harakat qilaman.

19-oktabr, 2024-yil.

Oyna kabidir!

Maktabda transport muammosini hal qilayotgan edik. Avtobus topish, ota-onalar bilan bog'lanish hamda eng maqbul liniyani shakllantirish mening vazifam edi.

Shahar ichi hamda shaharga yaqin joyda bo'lgan ota-onalar o'z manzillarini yuborishni boshladi. Ko'lamimiz kutganimdan kengayib ketdi, muammo kutilganidan kattaroq edi. Bir necha kunda barini bartaraf etdik.

Muammoni hal qilish davrida deyarli har bir ota-ona bilan eng kamida telegram audio shaklida suhbat qurdik. Shu jarayonda ularning farzandlarini ham ko'rdim, kuzatdim, e'tibor qilib, tahlil qildim.

Bolachalarning ko'pligini, muammoni hal qilish jarayonida ekanligini, hattoki yo'ldagi tirbandliklarni ham inobatga olmay, "Men tomondan nega aynan shu vaqtda o'tmadinglar?" deyuvchilar ham topildi. Ahamiyatli tomoni, ularning farzandlari ham ularga tortgan edi: bir ko'cha aylanib boramiz desak qovog'ini solib oladigan, avtobus to'xtatishi uchun biroz oldinroq yursak ichida nimadirlar deydigan sifatli edi.

Farzandini kech olib borsak-da yo'lning qiyinligini, kichik bolalarning ko'pligini, avto-ulovlar tig'izligini tushunib sabr qilib kuta olgan va olib borganimizda rahmat aytganlari ham bor edi. Ularning farzandlari esa kichiklarga joy beradigan, aytganimizni qilib kutib tura oladigan, nojo'ya ishlar qilmaydigan va umuman yaxshi xulqli o'quvchilar edi.

Biz muammoni hal qildik, lekin shunchaki hal qilmadik, bizni tushungan insonlarga biz birinchi qadam tashladik, ularga yaqinroq va qulayroq yo'lga yurdik, adolatni ham qildik.

Fikr-mulohazalar uchun | Anonim
@bekhmirzayev_blog

*Hirs faqat erkaklarda bormi?
Yaqindan buyon e’tibor berib qarasam ijtimoiy faollar soni erkaklar orasida ham ancha jadallashib qolibdi. Targʻibodchilar, kitobchilar, bloggerlar, qiroat, nashida aytadigan yigitlar (asosan uylanmagan) tashkil qilmoqda.

Foydali boʻlsa kuzatish kerak deb ulangan kanallarimni aksarida izohlar boʻlimi(komment) ochiq va ne koʻz bilan koʻrilsinki qizlar faol. Erkak kishini kanalida qiz bola fikr bildirib, qoʻllab-quvvatlab oʻtirishibdi yana tarafini olib ham qoʻyishadi:)

Shu oʻrinda nega fokusimizni “qizlar iffatini saqlashi kerak” degan oʻzimiz kashf qilgan qonunga qaratishimiz kerak? Nega endi doimiy qizlar oʻzini tiyishi, oʻzini tortishi kerak? Ha desa sahobalardan, sahobiyya ayollardan misol kelitirib ogʻizga urish nimasi? Sahobalar davrida ham yengiltak ayollar boʻlgan, ammo shularga uchib ketadigan erkaklar kam boʻlgan.

“Zinoga yaqinlashmang” oyati faqat ayollarga nozil qilindimi? Yoki erkaklarni “shox”i bormi? “Erkaklar ayollarga rahbardirlar” degani ularga hamma narsa mumkin deganimi? Nega islohni jinsga qarab belgilashimiz kerak? Modomiki bizga erkaklar rahbar ekan nega bunday hayo ishlarida ham peshqadam emaslar?

Kanaliga oʻzini rasmini qoʻyish faqat qizlarga man etilganmi? Koʻz zinosidan faqat erkaklar azoblanadimi? Oʻsha sizni oʻstirib olgan soqolingizu, kiygan ridoyingiz sizni kuzatayotgan minglab nomahram muslimalarni hayolini bir chetida turishini bilasizmi? Sizni kuzatib sizga oʻzicha muhabbat qoʻyib, koʻrsatganingizni koʻrib, sizni mukammal deb bilib pinhona oshiq boʻlishidan hech habar topganmisiz? Mahramlaringiz ham shunday begona erkakni kuzatishlarini qabul qila olasizmi?

Ayolni cheklash bilan taqvoga erishilmaydi! Allohni oldida har banda oʻzini islohi bilan taqvoga erishadi. Shu oʻrinda bir kichik iltimos: ramazon payti yoki boshqa paytda avj olib qizlarga aytadigan “eslatma”laringizni avvalo oʻz qalbingiz, oilangizda oʻrnating. Oʻsha sizni sahifangizda nomahram qizlar tomonidan yozilayotgan “maqtov”lar va fikrlar sizni aldab qoʻymasin. Ertaga boshqa birini kanalida “izoh”lashayotgan biriga taqdiringiz bitsa nadomatingizga kech boʻladi.

Taqvo, oʻzini yashirish, rujulat, iffat, hayo tushunchalari faqat ayollarga tegishli emasligini Usmon ibn Affon*🤎* yaqqol isbotlab ketganini unutmang.

Oʻsha siz tanqid qilayotgan “muslima”larni roʻmoli hayoli qilib qoʻymaganidek sizning ham “soqol”ingiz sizni taqvodor qilib qoʻymaydi. Oqni qoradan, erkakni ayoldan farqi yoʻq bu borada. Farq-taqvoda…!

Alloh hammamizni haqda sobit qilsin.*©️**avval oʻzimga keyin sizlarga eslatma..!#daydi_pikrlar@taqwatiy