راسه بحضن غيري ودزلي مرسال
متغير يگلي وانتَ عايل !

الورد ذابل من زمان
لا تجيني ولا تعتنيلي
لا جماجم لا ملاحم
كلها متعوض سنيني

الورد يطلع بالجماجم
لو تجيني
و اقدملك اعتذاري و انكساري
و كل حنيني

مدري شجاسني وفزيت مرعوب
‏دم من الحلم سايح عالمخاد
‏مو بس النفَس والغرفة والبيت
‏أمس حسيت ضاگت حتى بغداد

الجگاره التنشرب كدام وجهج
تدخل التاريخ محترگه بفخر !

تمر ببالي وافرح لو تجي شلون ؟

المكان البي تشاوفنه وضحكنه هواي
أمس مريتله لوحدي
وردت للبيت اجيبه وياي
متريد جدمي بعد يوصل لبيبانك ؟
والله ماريد اجي وكون افقد الذاكرة
حتى انسى عنوانك
گد ما عليك اسألت
يوميه اعرف كمت اخبار صحبانك
ويضحكلي جان الهوى من جنه نتحاجه
هسه اكعد انه وهلي
ونطلع بصورتك ونگوم نتباچه

اذا روحك بدوني تعيش باستقرار ؟
اقبل عالبدوني بشرط ينفعها ..

يجوز اشوفك هاي دنيا
ولازم تمر بيه صدفه وبيها اشوفك
يجوز اموت وانتَ ماكو
يجوز امر جنازة متسلم عليها
وانتَ تمشي وي التحبه
يجوز الله يقوي گلبي
والزم سوارك واذبه
يجوز تنصاب بمرض والدنيا تصغر
وما يطب بريتك هوى
يجوز تتمرض حبيبي
واني انطيك الدوه
يجوز ابني يلاعب ابنك
بالدرابين المشيناهن سوه
يجوز نتلاگه بوسط سوگ المدينة وگايد ابنك
يجوز انسى احنه افترگنا
واركض بلهفة واحضنك ..

حتى من گالولي انسى
ردت اجي الحضنك
و اسألك عادي انسى