حاتم العبَّار :

مُوش نا اللي ننعاف
يحمد عزيز ربَّه بعرفتي .. !
🫡♥️

عزيـز ما حكيـت معاه"
غاليـته امغالا بالنظــر"
♥️.

غالا يا ريته ما غالا
عقلي نوم هني م طاله😕💔

عندي غالي واحد يسوى
لكن قاتلني بـ القسوة?❤️‍?

عزيز غاب غبت إمعاه
تمّيت يا زهانا إمجامله❤️‍?

مطر وَربٌّ مُجيب اللهُمَّ أُمنياتُنا ♥️
يارب بشر قلوبنا بما تتمنى
‏واجعل دعواتنا مستجابة ?️.

#خليهن.. ياحسن
الفيديو المشهور لأخ يطلب من أخيه أن يترك الأغنام لتعود الي معالفها.
أصبحت ملحمه شعريه.
....
الشاعر
خير بوحنيش من مطروح يقول
ياحسن سيبهن مستاصل مع طول الزمان تعبهن انضاري يسيلن
ياحسن مايابن ...
مايطات من طول المراجه ذابن
امغير يتعبنك عالبكا يزابن
حايسات ماراعن زها يطربهن

سيبهن بالمره
يا يبرحن يا يلامن عالجره
شربن اوروين مالحياه المره
سوا برايهن ولا براي عربهن

سيبهن ينداقن
الهن زمان لا راعن زها لا راقن
جميع مايشيب مالكواين ذاقن
اتكلن علي ناي الحياه عاربهن

ياحسن سيبهن ... مستاصل مع طول الزمان تعبهن
انضاري ايقجن

( مالوعه ملايا دمع لنضار ياحسن لا تعنهن )
...
الشاعر ..محسن بوخضره يقول
ياحسن خليهن ،، شعير السوايا تبنهن غاطيهن ،، ما عد اتذري

ياحسن بالعاني ،،
مامن سوايا قالبات اذهاني ،،
امخلياتني مانيش في ميزاني ،،
مكمض عليهن زاد وامواريهن ،،
وراه السوايا كان م البراني ،،
لا نلتفت شورهن ولا نرعيهن ،،
لكن سوايا من عرب حباني ،،
لا اقدرت نزمطهن ولا نشكيهن ،،
نحايل علي عيني بغمض اجفاني ،،
ونحاول اني الانظار نلهي فيهن ،،
وباقي امطرف عيشتي وحداني ،،
ع الشامت بعيد بقيت نا زاويهن ،،
لأجل اوحديتي وقعدتي فمكاني ،،
خير من رفق يهدم اللي نبنيهن ،،
ولآجل الوقت بفعلهم فاجاني ،،
وعرّم امواجع غير وين القيهن ،،
وبالك اسا ربي يقول هداني ،،
صاحبي ويمسح سيته ويجيهن ،،
وننسى جميع اللي بها كداني ،،
وانجيبله اعذار انكان مو لاقيهن .

...
عبيده حرباوي
ياحسن خليهن ..حتى وهن خوالى يزها الخاطر بيهن ..ديار الأقدم ..ياحسن خليهن
ياحسن سيبهن..ماخوالي يقبن ياحسن نحسبهن ..الدايم الله راحن سنين طربهن ..وراحن وجوه سماح كى ماضيهن ..مريض خاطري على فراق عربهن ..ماتقول عمر صالو وجالو فيهن ...ياحسن خليهن..!!!