رمضان فرصة تجي مرة بالسنة،
محطة تعلمك الالتزام بالطاعات والاكثار منها
ينطيك دفعة إيمانية تمشيك سنة كاملة
بس حتى تربح برمضان لازم تستغل كل دقيقة منه
اجواء رمضان رهبية، تكسر الروتين اللي متعودين عليه، وهنا تجي مشكلة انو الكل تريد تستمتع بالاجواء، فيزيد وكت المتعة على حساب وكت الطاعة

تكثر اللمات والطلعات اللي مجانت موجودة، وتكثر المسلسلات اللي العالم متفتح التلفزيون علمودهة بالعادة، ازياء رمضانية والعاب رمضانية وكلهة فعاليات "تميل الهة النفس"، بس هي هنا لعبة الشيطان وتحضيراته، ميريد يبقى طريقة يلهينة بيهة عن افضل شهر بالسنة، شهر المغفرة والعتق من النار

اي بيهة مجاهدة للنفس حتى الواحد يعوف هذي الملهيات،
بس هو هذا رمضان، اصلا هو شهر جهاد للنفس بالصوم، اساسه قائم على فكرة انك تحرم نفسك من اكثر شي تحبه ومتكدر تعيش بدونه(واللي هو الاكل والشرب وغيرهة )
فشلون نحول الجزء الباقي من ال٢٤ ساعة الى حفل نشبع بيه شكو شي بنفسنة؟ الشغلة مو منطقية، ضاع الهدف من الاساس

رمضان شهر توقف، توقف عن كلشي زايد
شهر نحاول بيه نعلم نفسنة على طاعات مجنة ملتزمين بيهة على امل انو نضل مداومين عليها بعد رمضان
وكل هذا علمود الهدف الاكبر اللي هو الجنة

ممكن يكون هذا اخير رمضان الك، فلتضيع الفرصة

من العبادات اللي نكدر نكسب بيهة اجر برمضان ان شاء الله هي افطار صائم
وعندي طريقة سهلة

للرجال: لمن تروح لصلاة المغرب بالجامع اخذ وياك صحن فيه تمر للجامع، ووكت الاذان المصلين حيفطرون من هذا التمر، والك اجر الافطار ان شاء الله

للنساء: اذا والدج او اخوج يصلي المغرب بالجامع، دزي وياه صحن التمر

من الاعمال اللي لازم منغفل عنهة برمضان ونداوم عليهة كل يوم، وان شاء الله نداوم عليهة بعد رمضان هي الصدقات
قال تعالى:
{من ذا الذي يقرض الله قرضا حسنا فيضاعفه له أضعافا كثيرة}

والصدقة تطفئ الخطايا، وتكفر الذنوب والسيئات، وهذي من غاياتنا برمضان
قال صلى الله عليه وسلم لمعاذ رضي الله عنه: (والصدقة تطفئ الخطيئة كما يطفئ الماء النار)

وقال صلى الله عليه وسلم:
(ما من يوم يصبح العباد فيه إلا وملكان يقول أحدهما : اللهم أعط منفقا خلفا ، ويقول الآخر : اللهم أعط ممسكا تلفا)

وفرصة هسة رمضان وي الدوام، يعني نكدر كل يوم نتصدق للمنظفين مثلا بالكلية، او لاي محتاج نشوفه بالطريق، يبيع كلينس او علج او شو شنو

https://youtu.be/4Z0L1d-I6sU?si=bY3HRg8Q0jj7AEeQ

https://youtu.be/1BwIKGdHsIA?si=6PkenN2dgltw_gMh

الا المصلين
من سمعت هالمقطع خطرت ببالي شغلة مجنت منتبهة الها

الله اعلم بس استوعبت انو ممكن يكون من فضل الله علية انو ديحفظني من الانتكاس بسبب شي واحد عاضة عليه بسنوني اكثر من اي شي لاخ بحياتي واللي هو الصلاة
كله رزق من رب العالمين اولاً واخراً، بس نعمة المحافظة على الصلاة بوقتهة تحفظلك دينك، تحفظلك الخيط الرفيع اللي باقي من ايمانك واللي انت مستمر تجفص بيه ٢٤ ساعة بذنوبك

الصلاة اذا دتصليهة بوقتهة فحتذكرك خمس مرات بيومك انو رب العالمين ديشوفك
الفكرة انو حيصادف عالاقل وحدة من هالخمس مرات باليوم انو بوكتهة تكون دتسوي ذنب، او موجود بمكان غلط مليان ذنوب

اللحظة اللي تقرر بيهة انو تروح تصلي بالوكت اللي انت قبلهة بثواني جنت غركان ببؤرة الذنوب، حتذكرك غصب انو رب العالمين ديشوفك، وحتذكرك انو لازم تطيعه وتصلي حتلو دتصلي بمكان غلط
ياربي صح جان دماغي بغير عالم وصح اني جنت غافل من وكت ماصليت الصلاة الفاتت، بس مراح اخلي هالصلاة تفوتني

حتلو صليت وانت سرحان وبدون خشوع
مجرد وكفتك عالقبلة وخشوع الجسد كافي انو يحفظلك دينك ويسوي تاثيره الرهيب على عقلك وتفكيرك

اي ممكن متكون سهلة خصوصا بالبداية، سالفة تتوضى قبل لا تطلع من البيت وتظل تدور على مكان تصلي بيه طول ماانت طالع، وسالفة انو تجدد وضوئك برة البيت خصوصا انو هسة اجى الشتا

بس هو هذا الموجود، لازم تحافظ على صلاتك بوكتهة

والبنات خصوصا، حتكولين شلون المكياج والملابس اللي مو مال صلاة اللي اني طالعة بيهة؟
بس هي هنا الفكرة، هذا لازم يكون هدفج، انو تكدرين تتوضين برة البيت وانت محاطة شي على وجهج يمنع الوضوء، وانو تكدرين تصلين برة البيت بملابسج نفسهة

ممكن ميكون ببالج حاليا فكرة انو تتركين المكياج وتلبسين حجاب صحيح،
بس اذا جان هدفج الاكبر هو انو متضيعين صلاة وحدة لو وين متكونين وشلون متكونين، فحتلكين نفسج فجاة تركتي المكياج وعدلتي ملابسج تلقائيا، باللحظة اللي عرفتي بيهة انو مكياجج وملابسج مو بس ذنب بذاتهة، وانما ممكن تحرمج من انو تصلين الصلاة بوقتهة، وبالتالي توكعج بكبيرة اكبر من الذنب الاولي

وشمتكوليلي حتوضى واطلع من البيت واحافظ على الوضوء واصلي برة البيت بدون مااحتاج اتوضى مرة لخ
حكلج صح، وشكد متكونين حريصة، بس لازم لازم يجي اليوم اللي تفقدين وضوئج وتفوتج صلاة، ووكتهة ياكلج القهر، كان غيرك اشطر

مطعم، صلي عسى لو بقسم العاب الاطفال
جامعة، عسى لو بممر مهجور
بيت ناس غربة، محل، وين متكون حرفيا

كمية الاماكن الغريبة اللي اضطريت اصلي بيهة حرفيا تخليني اصفن من اتذكرهة
بس it is what it is
المهم لتفكر انو انت بمكان غلط واحد يصلي بيه او تستحي من الناس اذا شافوك
صلي حتلو الاغاني اللي داير مدايرك اعلى من تكبيرة الاحرام
المهم تصلي

احفظ صلاتك، تحفظ دينك

?

نحنُ نتعامل مع ربّ لا يُفتّش عن ماضيك
إن تُبت.

أنت عارف معنى الحديث القدسى :

(غَفَرْتُ لكَ على ما كان فيكَ ولا أُبالِي!)

أهي (ولا أبالي) دى معناها :
ومش هنفتح الموضوع دة تانى،
ومش هنذكر الذنوب دي تانى.!

-ش. محمد خيرى.

https://youtube.com/playlist?list=PLvGpI5t1gJ8SRWmcy6kiiVxcFIXpjqrE0&si=nfHU8oYbqS8tXBo8