مو اول مره ابقه لوحدي
لازاير  لا  كافل  عندي
مره   بسبي  ويه  الضلام 
وهسه لوحدي بغربت شام
هم مسبيه
111111
ها يشيعه
ليش عفتوني وحيده بنص اجانب
هواي احبكم
واليحب  من  حقه  لحبابه  يعاتب
يمي اريدنكم  تطوفون  بحضرتي
من اشوفنكم يشيعه انسه غربتي
ال ميه  خلافكم   داسو   عتبتي
وحدي ويهَ اشرار تخلوني
أبموتي  وردو  يسبوني
عشت  شكد  جور   والام
وهسه لوحدي بغربت شام
هم مسبيه
222222
الزمن نفسه
انعاد ونعادت هذيج اوجوه اميه
بلايه ناصر
يااهل  ياليتنا  زينب  سبيه
وينكم ياشيعتي يهل الضماير
انتضركم كاعده  ابين  المناير
هواي افرح لوشفت كَاصدني زاير
المتغرب دنايته  اتعبه
وَيآكم  ماحس  بلغربه
يل  فركتكم  بيه  اسهام 
وهسه لوحدي بغربت شام
هم مسبيه
333333
ياغربتي
اني لو يمي اخوتي موهيجي حالي
البيه صاير
نفس  ايام  السبي  وذيج  الليالي
يهل زينب تره زينبكم غريبه
بغربه وحدي وكافلي ليه شيجيبه
وماكو زاير  يمي  ويهون المصيبه
جنت وياكم انسه حزاني
يلبيكم   ريحت   خواني
اه  ياجرحي   المايلتام
وهسه لوحدي بغربت شام 
هم مسبيه
444444
حزني يكبر
واكبر امن الدنيه احس صارت جروحي
دمعي يجري
ماتجف دموعي لحضه ويكَضي نوحي
اني السموني زينب  ام  المصاب
بيه جرح العاشر لهلحضه ماطاب
وهاي فركتكم تزيد جروحي يحباب
تذبح  يازواري  الفركَه
لتكَطعون وياي الملكَه
من هذا اكثر دهري شضام
وهسه لوحدي بغربت شام
هم مسبيه
555555
ماتجوني
يعني معقوله صفت  هاي  النهايه
ابحضرتي
لطم  مااسمع  بعد  وسمع  قرايه
ياغريبه  زينب  امن   ترددوهه
واسمع الله  شمصيبه  عذبوهه
حيل تجرح وين اهلهه اوين اخوهه
بعاد خواني وتكبر  ناري
الحركَو خيمه طبو داري
بل عاشر  حركولي  خيام 
وهسه لوحدي بغربت شام
هم مسبيه
✅✅✅✅✅✅
عباس معيدي الكَريطي
https://t.me/abab1995com

لمولاتي ام البنين عليها السلام
،،،،،،،،،
حل موتي وتمنيته موجود
يشيع الجنازه صاحب الجود
يدفني وتهل دمعته
يرش كبري ماي بجربته
صاحب الجود صاحب الجود
✅1⃣✅1⃣✅1⃣
تمنيته يحضرني وشوفه باخر انفاسي
وشحلاته يصير موتي بحضن عباسي
الذكره مافركني لحضه الشاغل احساسي
بموتي مايحضرني وسفه شكَد زمن قاسي
الحل موتهه وتحن لبنهه
موموت يكتلهه حزنهه
يجفني ردته برايته
يرش كبري ماي بجربته
صاحب الجود صاحب الجود
✅2⃣✅2⃣✅2⃣
شكد تمنيت ابوفاضل من يحل موتي
هوه باخر عمري يمي ويستمع صوتي
وي علي السجاد اريده يصير زاتوتي
وكون عنده جفوف بيهه يشيل تابوتي
الضلت تتاني بكَلب محروك
تموت ويضل بعيونهه الشوك
والشوك كله الجيته
يرش كبري ماي بجربته
صاحب الجود
✅3⃣✅3⃣✅3⃣
ام البنِين اني حته بموتي حزنانه
ردت ابو فاضل يجيني وجايب اخوانه
من تفارك غالي محد يترس مجانه
تموت جم موته التفارك تبقه لهفانه
موتي يروحي شكد تعبتي
مكتوب اموت انه بغربتي
روحي بحزنهه نادته
يرش كبري ماي بجربته
صاحب الجود
✅4⃣✅4⃣✅4⃣
يا هضيمه من اموت ولدي مويمي
مااهم بلموت انه همه كل همي
للحسين اللهفه بيه وهوه كل هضمي
اعز من الهوه عندي ويسري وي دمي
كلبي بغيابه شكَد بقه ينوح
من غيبته الهل لحضه مجروح
ون الكلب من فركته
يرش كبري ماي بجربته
صاحب الجود
✅5⃣✅5⃣✅5⃣
خلصت انفاسي الهضيمه ولدي ماجوني
مناطره وبلغربه اموتن وحدي خلوني
روحي من تطلع ردتهم لو يحضروني
عله الباب بحسره ضلت تنضر عيوني
نضرت وداع اتاني العيون
ماضن بعد ليه يرجعون
بشوكي انه اضل وحسرته
يرش كبري ماي بجربته
صاحب الجود
✅✅✅✅✅✅
عباس معيدي الكَريطي
https://t.me/abab1995com

لمولاتي ام البنين ع
،،،،،،،،،،

شهكه شهكه متانيتكم 
علدرب مشبوحه عيني
لحضه لحضه عمري يكصر
 بس كبر ليكم حنيني
يولدي النشامه
تعالو  بسلامه
                                              1
بدت تكضي الانفاس وانتضر ملكه
شويه شويه كمت  اختنك  بشهكه
متت  مرتين موتي وموتت  الفركه
توج نار  الغياب   بكَلبي   وتحركه 
أبحياتي حسين  سافر 
بقت حسره بكل حياتي
 منيتي جانت لحضه اشوفه
ردته يحضرني بمماتي
اون ون حمامه
تعالو   بسلامه
                                             2
الكافل خدر زينب هايمه  روحي
وانتضره يجيني يطيب جروحي
منتضره  وعلِي  مابطلت  نوحي
ردته باخر  ايامي  يحمل  لوحي
لو ثكل تابوتي ردته
يشيل الجنازه عله متنه
هوه كافل خدر زينب
عليه ردت  استمع ونه
تسكتو الملامه
تعالو  بسلامه   
                                               3
اني ودمعتي بس همه موضوعي
اضل ابجي لحد  ماتنشف دموعي
انادي  عليهم  شما  بردت  ضلوعي
ضلمه الدنيه اكلهم ونتم  شموعي
أبضلام الليل جانو
همه اليضوون ليلي
همه حيلي ولمن راحو
من مشو فاركني حيلي
عله ليلي وضلامه
تعالو بسلامه
                                               4
اني   ام  البنين   بأخر    ايامي
ردت تحضر بنيني اكبر احلامي
احتضر واني اشوفن ولدي كدامي
وبشوفت   وجهم   انسه   الامي
باخر انفاسي وشوفن 
ولدي اليغمضون جفني
حيل موتي يصير راحه
لو بديهم  صار  دفني
العمر حل ختامه
تعالو  بسلامه
                                               5
خلص عمري ضاكت بيه  انفاسي
ولايمي الحسين ولاجه عباسي
ردت بموتي احط بحضانهم راسي
متت بس ضل عليهم شوكي وحساسي
موتي حل ومااجوني
وشوكي ضل ياخذني ليهم
متانيتهم نسمه نسمه
شكثر مشتاكه لحجيهم  
لَشوكي وهيامه
تعالو بسلامه
✅✅✅✅✅
عباس معيدي الكَريطي
https://t.me/abab1995com

عشرت العمر--نامت بكبر
ودعتنه وراحت الحنينه
اني وحسين شكثر بجينه
111111
راحت امنه وصرنه بدنيه يتامه
البيت بعد الزهره حاوطنه بضلامه
فركَه هاي وللحزن اول علامه
يعني بعد الزهره منعيش بسلامه
الامه عافته--غربه دنيته
والاخذهه الموت ماتجينه
اني وحسين شكثر بجينه
222222
جانت تلمنه بحضنهه بكل حنان
جنه بس وياهه نشعر بلأمان
والله حته المر حلو وياهه جان
منهه يتمنه الله لا ينطي الزمان
يكبر الحزن--والكَلب يحن
راحت الخيمه لتضل علينه
اني وحسين شكثر بجينه
333333
حسين يازينب يكَلي يل حبيبه
بلايه امنه صارت الدنيه غريبه
كتله ياخويه تره الفركَه مصيبه
واليسافر للكَبر خويه شيجيبه
يذبح البعد--امنه ماترد
الدنيه صارت بلهجر حزينه
اني وحسين شكثر بجينه
444444
لحضه اذا نترك حضنهه نرد عليهه
ننسه كل احزانه بلمست اديهه
الحنان العاطفه الحب كله بيهه
هيه موبس لليتامه ام أم ابيهه
كلشي منفجع--بكسرت الضلع
كسرو ضلوع الي تحتوينه
اني وحسين شكثر بجينه
555555
شلون راح نعيش بعدج يل زجيه
علي ليل نهار دمعاته جريه
اني زينب حزن كل الدنيه بيه
وياج ردنه تصير موتتنه سويه
نندفن سوه--مانشم هوه
والتموت امه شيصح بدينه
اني وحسين شكثر بجينه
،،،،،،،،،،،،،،،،،،
عباس معيدي الكَريطي
https://t.me/abab1995com

خلصت الليله الاخيره
كلمن يروح المصيره
ساعت التوديع حانت
فركَت الزهره جبيره
✅1⃣✅1⃣✅1⃣
خلصت ايام الملاكَه وكلشي راح يعيش ذكره
حيدر يودع الزجيه  مدري  ودع  بيده  عمره
يكلهه  لو  بيدي  يزهره  بلكَلب  كَبرج  احفره
مايهون  عليه  بُعدج  عشرتج  مامنهه  عشره
خلصت العشره الطويله
تفاركو    خل    وخليله
بوجه حيدر وحشه بانت
فركَت  الزهره  جبيره
✅2⃣✅2⃣✅2⃣
شلون راح يعيش حيدر بعدج وجنتي انتي كَلبه
الغالي لو فاركَله غالي يشتل عيونه  عله  دربه
الفركه مو سهله عله حيدر فركتج  يلزهره صعبه
اصعب حساس التعيشه لو بعدت عله التحبه
البعد هوه الموت نفسه
بس   المفارك    يحسه
بكَلب حيدر غصه صارت
فركَت الزهره جبيره
✅3⃣✅3⃣✅3⃣
اليبتعد   عنه  اليحبه  ماتهيد  بكَلبه   ناره
حيدر بساعه وداعج بين  بوجه   انكاسره
هاي  اول   مره  حيدر  يرد  ويتيهه  داره
الغالي لو فاركَله غالي يضيع ليله من نهاره
الدافن   ابيده  خليله
يموت الف موته قليه
والشموع التضوي ماتت
فركَت الزهره جبيره
✅4⃣✅4⃣✅4⃣
عاشت الوحشه ويه حيدروصارت الدنيه غريبه
والتريده الروح يصعب الهه لوردنه شيجيبه
ابد مامرت بحيدر  اشد  من  هاي  المصيبه
الموت اسهل حيل من اليدفن  ابيده  حبيبه
البل   كبر  يتركهه  روحه
تعيش ذكره بكل جروحه
الزهره ذكره بكلشي عاشت
فركَت  الزهره  جبيره
✅5⃣✅5⃣✅5⃣
باجر  الجنه  تلمكم  تخلص  الفركَه  والمهه
مايضل كل بعد باجر تلتقي الزهره بعطرهه
عل ضلم صبرت الزهره والله عوضهه بصبرهه
احترك باب الدار والله انطاكم الجنه بكبرهه
البابه بي مشتعله ناره
عوضه الله الجنه داره
تلاكَو شما فركَه طالت 
فركَت الزهره جبيره
✅✅✅✅✅✅
عباس معيدي الكَريطي
https://t.me/abab1995com

لا تتعجب  لو  ناديتك  قمبر   تجيلي
ياقمبر وفراك الزهره ماخذ كل حيلي
انهض وعله الكاع اني اهوه
شوف فراك الزهره اسوه
ماخذ كل حيلي
1111111
ياقمبر تره الغالي يبوك الحيل اذا  يرحل
بفراك ام حسن ضليت بلموت اني اتوسل
اجيهه للكبر مشتاك ورد بجدمي كوه اسحل
والله الموت ياقمبر من  الفركه  حيل  اسهل
الزهره العاشت كلشي بروحي وحدي تخليني
لوترجع  بس  لحضه  ويايه  انطيهه  سنيني
جانت دنياي شكد  حلوه
شوف فراك الزهره اسوه
ماخذ كل حيلي
222222 
صعب من عندي دمعه اطيح دمعي عليهه بللني
شكد خايض حرب ربحان بس الفركه هزمتني
ما كاسرني اي  انسان  وداع  الزهره  كاسرني
اون  وي  اليتامه  بنوح  من  فركاهه  خلتني
اكعد عل كبر احجي وياهه ياروحي شلونج
شلون ارجع  للبيت  وبيتي  موبيت  بدونج
بيه تمر هاي اعضم بلوه
شوف فراك الزهره اسوه
ماخذ كل حيلي
333333
اليفارك  شخص  غالي  الدنيه بعينه مو دنيه
كلشي اليمه وحشه يصير والنور يخفت ضيه
وإنه من فاركت فاطم احس كلشي اختلف بيه
اذا ماشم عطرهه بيوم احس هذا الهوه شويه
النسمه البيه تمر تخنكني بلا عطر الزهره
بلكوه اتنفس بلفركَه وحسره اجر حسره
صرت ابأنفاسي اني تجوه
شوف فراك الزهره اسوه
ماخذ كل حيلي
444444
مصيبه الفركَه ياقمبر منهه الحيل ضل بايد
دنيه بدونهه ماريد اموت وياهه بس رايد
ماريدن ارد للبيت  اضل  يم الكَبر   كاعد
اني وفاطمه جنه روح احنه بجسد واحد
موكَبرج  هذا   تمنيته   يافاطم   كَبري
وداعت حنيتج لوبيدي وياج ادفن عمري
مابيه عله  الفركَه  تكَوه
شوف فراك الزهره اسوه
ماخذ كل حيلي
555555
شيصير بحال اليودع غالي  وتنتهي  العشره
ياكل بي يضل الموت شويه شويه من عمره
موسفره  واتاني تعود  ليه  وتخلص  السفره
جا  شيرجعه  ياقمبر  الينام  بلحد  كبره
يوميه عله الكبر انتاني اني وأحزاني
ياقمبر  والنام  بلحده  مايرجع  ثاني
 عطشان الملكَه شلون اروه
شوف  فراك  الزهره  اسوه
ماخذ كل حيلي
،،،،،،،،،،،،،،،،،،،،،،
عباس معيدي الكَريطي
https://t.me/abab1995com

لاتحزني   يافاطمه  لو   كَربَت    منيتي
بلاخره انتي اول بشر يلحكني  يبنيتي
✅1️⃣✅1️⃣✅1️⃣
لو شفتي وافاني الاجل وتغيرت احوالي
يبنيتي ماريدن  دمع  دمعج  علي  غالي
يبنيتي   سلمت   الامر   للواحد   العالي
اول بشريلحكني انتي امن اهلي وعيالي
بجنه اني  انتضرج  وافرح  اذا  جيتي
بلاخره انتي اول بشر يلحكني  يبنيتي
✅2️⃣✅2️⃣✅2️⃣
صح راح اعوفج فتره بس ممطوله هل فركَه
بجنه   باجر   نلتقي  ويرجع   يصح   ملكَه
اني ادري لو   مات   الغصن   ماتسلم  الوركَه
جفوف  الغدر  باجر   تجيج   وبابج   تحركَه
يحركَ  الباب العايش  بخيراتي  وبيتي
بلاخره انتي اول بشر يلحكَني  يبنيتي
✅3️⃣✅3️⃣✅3️⃣
تدرين  موسهله  علي  من ابتعد  عنج
يافاطمه  عليه صعب من  يرتفع  ونج
لو بيدي ماعوفج ولالحضه وضل يمج
عليه موتي اهون ولا اشوفن كبر همج
كل ماتهل دمعاتج  وياهن  يحل موتي
بلاخره انتي اول بشر يلحكَني يبنيتي
✅4️⃣✅4️⃣✅4️⃣
ادعي الله ينطيج الصبر يااغله كل ناسي
اغله انتي عندي امن الهوه يلعشتي بنفاسي
بروح الج كلشي ملك وجداني وحساسي
يصعب عليج ادري البعد موشي سهل قاسي
اصعب حزن  بيج  اليمر  مني  تيتمتي
بلاخره انتي اول بشر يلحكَني يبنيتي
✅5️⃣✅5️⃣✅5️⃣
يبنيتي لو عنج رحت   وتوسد   بلحدي
بجم مصيبه كَلبج يفجعونه من  بعدي
هل زمره طينتهم غدر ماصانو بوعدي
الكسرو ضلوعج بل حشر يمهم وعد عندي
يتحاسبون  بكل  فعل  يبنيتي  باخرتي
بلاخره انتي اول بشر  يلحكَني  يبنيتي
✅6️⃣✅6️⃣✅6️⃣
يبنيتي  باجر  اصبري  وتحملي  السطره
ادريهه ابد موشي سهل بضلعوج الكسره
لتنادي  حيدر  بل  وصيه  مكَيد  وصبره
لتعنه بابج بلحرك  ل الله  احسمي  امره
يفنيهم بفقاره  بس  لو ياعلي  صحتي
بلاخره انتي اول بشر يلحكَني يبنيتي
✅✅✅✅✅✅
عباس معيدي الكَريطي
https://t.me/abab1995com

وي محمد كلشي  مو عجيب
يودع حبيب ويلتقي بحبيب
يودع الزهره الزجيه
يلتقي  برب    البريه
✅1️⃣✅1️⃣✅1️⃣
هاي اخرليله يمج  تبدي من باجر مصيبه
هيه بس الليله تخلص باجر الزهره غريبه
يبتعد عنج  محمد هاي  يل  زهره  عجيبه
يعوفج ولجنه يرحل غاد  يتلاكَه  بحبيبه
ويه     حبيبه    ويبقه    ينتضر
يضل ساعه ساعه يحسب العمر
لمن  تحل  المنيه
يلتقي برب البريه
✅2️⃣✅2️⃣✅2️⃣
صعبه موسهله يعوفج لجن  بمر الله  رحل
لنبي الرحمه اشتاك الله وملك بمر الله نزل
كله  تأذن    يامحمد   أدخل   ويمه   دخل
وأستشاره وكله ترحل ل الله لو اخر الاجل
كله افعل  الي  الله   بي  امر
اللقاء اخيرلي وي  سيد البشر
لو قبض روحيه الزكيه
يلتقي    برب     البريه
✅3️⃣✅3️⃣✅3️⃣
ملك من العرش نازل كله يمك عندي  طلبه
دزني  الك  رب  الجلاله  لنبي  مشتاك  ربه
ملك ينزل يستشيره شكثر شايل رحمه كَلبه
الله  يشتاك  لمحمد  جا   شكَد   الله   يحبه
خيره بلموت من اشتاك  اله
جا شكَد يم الله عندك منزله
الله  يشتاكَ  لنبيه
يلتقي برب البريه
✅4️⃣✅4️⃣✅4️⃣
جان يعلم اذا يرحل  مايرحموج  الصحابه
صحبته يلزهره باجر بل حطب يتعنو بابه
صعبه تغدر بنته وادم جان حاسبهم احبابه
لجن  ميعاتبهم  اصلآ  بشر  ماتسوه  عتابه
بلوصيه   خانو   ولا مو  عجب
بشر مايسوون  ذره امن العتب
يحاسب الخانو وصيه
يلتقي    برب     البريه
✅5️⃣✅5️⃣✅5️⃣
موته حان وباله   يمج  بس  دعه  رب  الجلاله
فاطمه اول بشر  يوصل  يمه  من  اهله  وعياله
هل امر من الله  حاسم  غيره  ميصح  لا محاله
نبي الرحمه ويدعي الله ويستجيب الله بوصاله
تنتهي الفركَه بعد عشرت دمع
تلتقي بي من بعد كسر الضلع
تنفجع  بكبر رزيه
يلتقي برب البريه
✅✅✅✅✅✅
عباس معيدي الكَريطي
https://t.me/abab1995com

رجوع ضعن الحسين ع الی قبر الحسين ع يوم الاربعين /
،،،،،،،،،،،،،،،،،،،،،،،،

ليك اجيت وكلي حيره من اجيتك
بلا رقيه   وخوله  يحسين عتنيتك
كلي حيره كلي حيره
✅1️⃣✅1️⃣✅1️⃣
حيره  شلون  لو تسأل  خوله وين  يازينب
زغيره بنيتي ودريهه من درب السبي تتعب
شكلك خويه شحجيلك وعليه الامر يصعب
وتدري  ما يرحمونه   الوي   الغربه   يتغرب
شلون  اكلله  ابعلبك  خوله ماتت
اكبر امن الدنيه بيه الحيره جانت 
تموت اسيره  تموت اسيره
✅2️⃣✅2️⃣✅2️⃣
اجينه    بربعينيتك    من     الشام     ردينه
بس الوحشه يبن امي بلايه رقيه الك  جينه
بكل درب السبي يحسين تسأل  والدي وينه
وكللهه  بسفر  جم  يوم   يبنيتي  ويرد  لينه
من وصلنه الشام يحسين وعذابه
ويه  راسك  ماتت  بذيج  الخرابه
انفاس اخيره  انفاس اخيره
✅3️⃣✅3️⃣✅3️⃣
رجعنه من بعد رحلة يسر وشكَد هضم عشنه
المامر  ابشر  يحسين   درب   الشام   شوفنه
كل  خطوت  سبي  بيهه  اذكر   ذيج   خوتنه
عجيبه    ودارت    الدنيه    وطشرت    لمتنه
بس بقت خوتنه ونتم فوكَ الارماح
روسكم تهتز اذا شافت  طفل  طاح
كلهه غيره  كلهه غيره
✅4️⃣✅4️⃣✅4️⃣
من  اليسر  ردينه  وجبنه   راسك  ويانه
مشتاكَنه ادري هواي كَوم   اكَعد   تلكانه
اليرجع من سفر يحسين يتلكَونه خوانه
اكعد خلي نشكيلك ضيم السبي وأحزانه
اكعد    ونحجيلك    بضيم    الليالي
وحده وحده اشرحلك شمر ع حالي
ديره ديره  ديره ديره
✅5️⃣✅5️⃣✅5️⃣
ليكم جينه من  الشام  مشتاكَين  للملكَه
اخوتي احنان وعرفكم ماتتحملو الفركَه
واليفارك اعز ناسه  يغص بنفاسه وتخنكه
غصن ويذبلن سنينه مثل ماتذبل الوركَه
شهر مر بس  عمر جن المر عليه
الكبر من ضيم السبي بين  عليه
بل مسيره بل مسيره
✅6️⃣✅6️⃣✅6️⃣
نحجي وماتحاجينه وتزيد احزانه وهمنه
كَوم   وكَعد  العباس  زينب  كله  وصلتنه
يجينه  الكافل  ونتلم  جوه  رايتنه  يلمنه
نرد  ايامنه  الراحت  نرجع   مثل  ما جنه
احجي وانتم سكته بيه ازيد الالام
بعد  شيرجعهن  النه   ذيج   الايام
جنت اميره  جنت اميره
✅✅✅✅✅✅ 
عباس معيدي الكَريطي
https://t.me/abab1995com

شما تمر بينه سنين--خدم نبقه لحسين
1⃣1⃣1⃣1⃣
نبقه خدام الحسين وكل سنه وفايه
والي يبغض مانسمعه ولانجادل رايه
احنه عدنه حسين نعمه ومانحبه الغايه
مسودنين بحبه صرنه وماتهزنه حجايه
غيره ابد ماكو ثنين--خدم نبقه لحسين
2⃣2⃣2⃣2⃣
حسين يسوه الدنيه عدنه بدونه دنيه شبيهه
حبه عدنه اكبر قضيه ومانساوم بيهه
ندعي من الله المجالس كل سنه نحيهه
بمجلسه مودمع نجري لادمه نجريهه
دم اله تبجي العين--خدم نبقه لحسين
3⃣3⃣3⃣3⃣
عابس انجن شك قميصه وحنه نطبر هامه
بأغله شي لجله نضحي والله لو بيامه
احنه كل لحضه كلبنه يشب مثل خيامه
المانطه لحسين عمره شتسوه كلي ايامه
بحبنه اله مجانين--خدم نبقه لحسين
4⃣4⃣4⃣4⃣
احنه تربات الحسين وكلشي نفدي العينه
المجالس والمواكب بيهين تربينه
المشه بدرب حسين باجر نور يضوي سنينه
درب الحسين اليخسره يعني يخسر دينه
نبقه اله موالين--خدم نبقه لحسين
5⃣5⃣5⃣5⃣
ياحسين بهل حيات يضيع كلشي بدونك
للحيات انطيت معنه وكلشي ضل ممنونك
حسين حته الكَمر هذا لون اخذ من لونك
اذاً كلشي الدنيه بيهه من اصل مضمونك
يااصل سر الدين--خدم نبقه لحسين
6⃣6⃣6⃣6⃣
من الكفيل دروس عدنه كلهه زود وغيره
المايوالي حسين كلي شينفعه تبريره
احنه بايعنه الحسين ومانبايع غيره
ولي عنده حسين ابداً مايمر بحيره
وحك راعي الجفين--خدم نبقه لحسين
✅✅✅✅
عباس معيدي الكَريطي
https://t.me/abab1995com