9 август куни Бош прокурор Ниғматилла Йўлдошев бошчилигидаги Ишчи гуруҳ томонидан Қашқадарё вилоятида энергия самарадорлиги бўйича амалга оширилаётган ишлар аҳволи ўрганилди.

Ўрганишда, вилоятда энергия самарадорлиги бўйича амалга оширилаётган ишлар, шу жумладан йирик истеъмолчиларнинг фаолияти таҳлил қилиниб, белгиланган мақсадли кўрсаткичларни бажарилишини таъминлаш чоралари кўрилмоқда.

Хусусан, йирик истеъмолчи ҳисобланган Косон туманидаги “BUNYODKOR” МЧЖ, Қарши шаҳридаги “SMES STORY SAVDO” МЧЖ шаклидаги қўшма корхона, “RADION SILK”, “ASIAN GOLDEN OIL” МЧЖ, Қарши шаҳрида жойлашган 2376 та хонадонга хизмат қилишга мўлжалланган иссиқлик манбаига қарашли қозонхона, Қарши туманидаги “QARSHI AGRO KLASTERI”га қарашли ип йигирув фабрикаси фаолиятида ҳамда аҳоли хонадонларида энергия ресурсларини иқтисод қилиш имконияти жойига чиққан ҳолда ўрганилди.

Ўрганишда, ушбу корхоналарда ортиқча истеъмолга сабаб бўлаётган омиллар, яъни истеъмолга мос равишда қуёш панеллари ўрнатилмаганлиги ва тежамкор бўлмаган газ ускунасидан фойдаланиб келаётганлиги аниқланиб, уларни бартараф этиш бўйича тавсиялар берилди.

Шу билан бирга, йирик истеъмолчилар томонидан ресурсларни талон - торож қилишнинг ҳуқуқий оқибатлари ва аксинча улардан оқилона фойдаланишнинг афзалликлари бўйича тушунтиришлар берилди.

Ўрганишлар давом этмоқда.

*? Бош прокуратуранинг ижтимоий тармоқлардаги саҳифаларига аъзо бўлинг!Telegram | Instagram | YouTube |* Veb-sayt