للرجال فقط 🔴
عارف باعزيزي ادم تمت محاربة طاقة الذكورة المقدسة عندك بطرق عديدة خفية اولها من الغذاء ، والمكيفات والمنبهات ، شاكرا الحلق هي مركز طاقة ذكوري وعشان كدة المفروض يكون فيها تفاحة ادم عند الذكور لكن مع الممارسات الغذائية الخاطئة والاسمدة والكيماويات يتم القضاء تدريجيا علي طاقة الذكورة عند الرجال .
برضو واحدة من الحاجات دي هي تعاطي التمباك وهو من اكثر الاشياء الي بتعمل ضرر علي شاكرا الحلق ، من ناحية طاقية ح نلقي انو الناس البتاخد النوع دا من المخدرات (اي مخدرات 😅) بيكون الشخص في طفولته اتعرض للاضطهاد وصوته غير مسموع فبيكون عنده ميول اكثر من غيره في انو ياخد النوع دا من المواد لانها لا شعوريا بتسكن الالم الجواه بعدم التعبير عن الذات . المهم كدا بيكون عندنا مكس قوي من تدمير ثلاثي الابعاد لشاكرا الحلق وشاكرا الضفيرة الشمسية وديل اكثر شاكرات بتحافظ علي طاقة الذكورة عند الرجل ،فبيحصل خمول وبيكون من الصعوبة بمكان للشخص انو يستخدم طاقته في الانجاز والنجاح .
واحدة كمان من السموم الطاقية لطاقة الذكورة هي الادمان علي شرب القهوة او شربها يوميا والغريبة بيكونوا مفتكرين انها كدة بتحفز الخلايا علي التفكير اكثر والابداع كيف ماعارفة .
المهم عارفة الكلام مابيجي علي هوي الكثيرين ،لكن التجربة خير ديل ،just try ، الواحد يجرب لفترة ويشوف هل في تغيير علي مستويات كتيرة في حياته او لا .
برضو من الحاجات البتدمر طاقة الذكورة عند الرجال هي السهر ، طاقة الليل طاقة انثوية وطاقة النهار طاقة ذكورية ،فلما تشحن اكثر واكثر طاقة انثوية بالسهر فالنتيجة معروفة .

حب كبير ليكم وربنا يوفقكم ويقدركم علي التغيير لانو صراحة ما ساهل .

#ابنة_النجوم#

انا احرر نفسي من الحاجة الي نقد الاخرين علي اختياراتهم🌼🍀

كل ما قللت نقد علي نفسك واحكام علي نفسك ، كل ما انعكس هذا الشيء في الخارج ووجدت نفسك لاتنتقد او تحكم علي الاخر ، وكلما كان العكس معناها انت قاسي جدا علي نفسك ،🦋انتبه 🦋كما في الداخل كما في الخارج .
حب حب حب حب حب 🧡

#حب_الذات#
#ابنة_النجوم#

جرح الاب
عزيزتي الفتاة إذا اتعرضتي للاهمال العاطفي من الاب وانتي صغيرة في السن ح تلقي العلاقات البتتجلي في حياتك أشخاص غير متاحين ـ يعني يا اما رجل متزوج ، أو ما فاضي ، أو ماعنده المقدرة المالية للارتباط ، أمه عايزاه لبت خالته .....الخ
الموضوع دا لما يتكرر كانماط كتيرة ومتكررة بصور مختلفة ، وفي كل الأحوال ما ح يجي واحد مختلف لانو دا اهتزازك ح يكرر ليك الحاجات دي .
عشان كدة تشافي الطفل الداخلي ما رفاهية في الحياة دي حاجة ضرورية لأنها بتؤثر علي حياتك .

طيب الإهمال العاطفي مقصود بيه شنو ـ مافي علاقة صحية ما بينك وبين ابوك بأنه ما بيسمعك مابيعرف مشاكلك ، ما بيقول ليك كلام حلو ، ما بيقول ليك بحبك ، ما بيحضنك ، ما بيتعامل مع مشاعرك بصورة متزنة .

عملتو شنوووو في التمارين ؟؟؟

#مروة#

#ابنةـالنجوم#

جرح الاب
من اهم الحاجات المفروض نعملها في حياتنا أننا نشتغل تشافي علي جرح الاب سواء بنات أو اولاد ، كبار أو صغار في العمر حتي لو حصلنا 70 سنة .
كل مولود يولد علي الفطرة ، لكن ابوك دا مر في حياته بصدمات كتيرة والآلام في حياته وغالبا طبعا ما كان عنده الرفاهية في الحياة انو يشتغل تشافي لانو ما عنده المعرفة بانو في تشافي مفروض الواحد يعمله ،فبدون قصد بيمرر ليك جزء كبير من الالام دي لحياتك .
كل البرمجة الاتلقيتها من الاب واتمررت ليك اكيد فيها حاجات ما كانت بتناسبك لكن انت انت لما الحاجات دي اتمررت ليك انت ما كان قرارك في يدك أو انت بتفتكر انو الحاجات أو التصرفات أو الكلام البيقوله الاب دا هو الحاجة الصح وبس حتي لو كانت برمجة خطأ .
فغالبا مثلا انت ح يكون عندك نفس الدين بتاع الاب سواء مسلم أو مسيحي أو هندوسي ،زي ما انت ما بتختار ديانتك فأنت كمان ما اخترت حاجات كتيرة بدون وعي اتبنيتها .
نجي للبنات ،الاب هو مصدر الحب الاول في حياتك فأذا كان المصدر دا ما امان بالنسبة ليك ما احتواك ما اهتم بيك ما بيسمعك ما كان متاح عاطفيا ،فانتي هنا ممكن يكون عندك لخبطة تقيلة في موضوع العلاقات والارتباط . اذا كان الأب طاقة الأنوثة والذكورة عنده غير متوازنة فإنني وارد جدا طاقتك ح تكون ملخبطة ويكون الموضوع دا أحد أسباب ارتفاع طاقة الذكورة عندك .
أما الاولاد ، مثلا اذا كانت المعاملة خالية من العاطفة والتفاهم وابوك قاسي عليك هنا طاقة الذكورة عندك بيكون فيها اختلال ،ممكن يكون صعب عليك انك تقدر تكون مصدر دخل مالي بصورة جيدة ، والتعامل مع الاولاد بقسوة بيرفع طاقة الأنوثة عندهم ويلخبط حياتهم ويخليها مليانة معاناة .

التفريغ المشاعري مهم جدا
تعالوا نبدا اول تمرين مع الالتزام
اكتبوا رسالة لابوكم لمدة أسبوع فيها كل الحاجات السلبية الانتو شايفنها فيه ، أو الالم الممكن يكون سببه ليكم ، مرات العقل الباطن بيكون مخادع ممكن يخفي ليك مشاعر كتيرة ويقول ليك دا ابوك وبتاع وانت ما لازم تكتب ليه كلام سلبي ،طوالي قول للعقل الباطن اسكت . لانو لو عندنا الشجاعة الكافية أننا نتخطي حاجات مخزنة في ذاكرة أجسادنا ونفرغها ح تفرق كتير في حياتنا .
كونوا شجعان وقولوا كل الكلام المكبوت جواك باي صيغة
التمرين دا ممكن نعمله لمدة أسبوع أو أكثر لحد مانحس أننا فرغنا كل المشاعر السلبية تجاه الاب . بعده ممكن ننتقل للمرحلة البعدها .

,,,يتبع

محبتي ?

#مروة#

جرح الإهمال العاطفي من الحاجات البتؤثر علي الكسب المالي في حياتك ، ممكن تكون شقيان وبتتعب وتجري وتعبك دا بيكون من غير مقابل ، وممكن يكون كمان ماعندك المقدرة اصلا عشان تتعب وتجري برضو ، في كل الأحوال بتكون بتحاول تثبت ذاتك عشان تقول للناس شوفوني انا رهيب ،حبوني ،اهتموا بي .
شفاء الطفل الداخلي ما رفاهية في الحياة ، دي الحاجة الممكن تغير ليك حياتك ، واتاكد كل المعاناة الموجودة في حياتك حاليا وراها طفل مجروح بيقول ليك انتشلني من الوضع الأنا فيه ، لكن هل انت بتسمع ؟؟؟

محبتي ?

#مروة#

#ابنةـالنجوم#