Тры восеньскія песні на любы густ🍁

📌 "Штосьці добрае" Petlya Pristrastiya. Шчырая песня пра пошук святла ў штодзённым жыцці. Яна пра надзею, калі ў цемры раптам прабіваецца нешта цёплае і чалавечае.

📌 "Лістапад" Naviband. Светлая і лірычная гісторыя, якая прыгожа перадае восеньскі настрой. Пра цеплыню, якая не знікае нават у халодную пару года.

📌 "Uzory Vysyvat" Swada і Niczos. Атмасферны трэк, прасякнуты фолкам і сучасным гучаннем. Нешта адначасова аўтэнтычнае і дынамічнае.

Тры традыцыйныя строі пад самы розны настрой💥 А які апранулі б вы?

📌 Калі хочацца чагосьці простага і адначасова цікавага. Полацкі строй. Складаецца з белай ільняной сарочкі, ільняной спадніцы ў краткі цаглянага і белага колераў, белага фартуха і лапцяў. Галоўны акцэнт – чырвоны пояс з махрамі.

📌 Для яркіх вобразаў. Ганцавіцкі строй. Адметныя элементы – намітка, шмат каляровых стужак, кашуля, расшытая яркім арнаментам. На кашулю апрануты кабат з чырвонымі завязкамі.

📌 Калі надакучыў чырвоны колер. Вілейскі строй. Спадніца ў гэтым строі сіняга колеру. Таксама адметны гарсэт, які апранаецца на белую кашулю. На галаве цікавы каптур, паверх якога завязаная бураковая хустка. А на шыі – чырвоныя пацеркі з бісеру.