"احفظي مبخوت الابيات في طابوق عود
‏ولاااا خليها على الصدر سلسال ارقبه

‏بري حالي كل ما هب من مرباك نود
‏والله لو ان الهوى ينقضب لي لـ اقضبه"

" مرهفٍ ماتقدر الدنيا على قوة عناده
‏ ينثني له غصنها وتقوله خذ ماتريده

‏ لا كلام الا كلامه.. لاوداد الا وداده
‏ لا شعور الا شعوره لا جديد الا جديده

‏رحلتي له كلها من قصد شوق وقصد عاده
‏وان وصلته مانشدت من المقابيل البعيده

‏ودي اقضي باقي ايامي معه واسكن فواده
‏وش علي من الظروف ووش علي من المكيده

‏الليالي في مقابل بسمته سكر زياده
‏-كل ليله عن سنين وكل كلمه عن قصيده-."

حزن الانفس لا دنى الليل بالضيقه دنا
‏اه من ما في ضميري و بسم الله علي
- سعود بن مبارك

من يسلّمْك روحه.. عرّض رقبته على السيّاف
‏تحت رحمة هواك ومن يدينه تِسلب حقوقه
- عبدالله الشقراني

‏"ترى للحب لذة لا توارى عن عيون الناس
‏حلاة الشيء تدريبه .. وغيرك مادروا عنه"
وأيضًا
"أنت سرٍ من أسرار — الحياه الجميله
‏مايسولف به العاقل على أغلى اخوانه"

الف مشترك ، حللتم سهلاً ??

وش عليك إن طوّل البعد يالغصن المريف
‏السنين تخلّي الناس تترك شفّها

‏يوم تِفرحك السحابة، ويجرحك الخريف!
‏كل دمعة تعتذر لي عشان أكفّها

‏ولا أنا قد ضاع وقتي على الضلع المنيف
‏للهنوف اللي عباة القصيد تضفّها

‏جادلٍ لا شاقها البرق، وأغراها الرفيف
‏السماء تقرأ عليها والأرض تزفّها

‏إن تهادت يفهق الليل برّاق القنيف
‏وإن مشت تمشي على الريح يوم تدفّها

‏وش يعذرني من الشعر فالقدّ الرهيف
‏كل مافلّت جعدها وحنّت كفّها
-مشاري محمد

" وش الورد وليال الهوى والشعر لولاك ؟
‏يا فرحة ملذات العمر .. واجمل أعياده

‏انا لو دريت اني بـ احبك قبل لا القاك
‏ما عشت آتمنى حظ ليلى و ولادّه "
- العنود الواصليه

ياحبيبي من زعلْك ابراي لله
‏لاتعاتبني و انا ماعرف اعلّل

‏مستعدّ اقابل الموت فـ محلّه
‏قبل اشوف الدمع فالرمش المظلّل

‏انت كلّ العمر و انت الشعر كلّه
‏و انت ابو صوتٍ فـ الاعماق يتسلّل

‏مبسمٍ ترضى عليه عيون خلّه
‏له علي يرضى ، ويامر ، و يتدلّل
- محمد بن ماجد

هاتوا ابيات من ذائقتكم :